Gujarati News

Gujarati News

News of Friday, 16th April 2021

કોરોનાની બીજી લહેર બાળકો માટે ઘાતકઃ સુરતમાં ૧૪ દિવસની બાળાએ જીવ ગુમાવતા અરેરાટીઃ વ્હાલસોયી પુત્રી હૈયે લગાવીને પિતાનું હૈયાફાટ આક્રંદ

સુરત: કોરોનાની બીજી લહેર બાળકો માટે ઘાતક સાબિત થઈ રહી છે. સુરતમાં 14 દિવસની બાળકીએ કોરોનાના કારણે જીવ ગુમાવ્યો. માતા પોઝિટિવ આવતા બાળકીને જન્મ બાદ કોરોના થઈ ગયો હતો. બાળકી ડાયમંડ હોસ્પિટલમાં સારવાર હેઠળ હતી. બાળકીનો જીવ બચાવવા માટે પૂર્વ મેયરે પણ પ્લાઝમા ડોનેટ કર્યું હતું પરંતુ આમ છતાં બાળકીને બચાવી શકાય નહીં. વ્હાલીસોયીને હૈયે લગાવીને પિતાએ આક્રંદ કર્યું જેનાથી કઠણ કાળજાના લોકોની પણ આંખો ભીની થઈ ગઈ.

મળતી માહિતી મુજબ સુરતના વરાછાની ડાયમંડ હોસ્પિટલમાં આ 14 વર્ષની બાળકી સારવાર હેઠળ હતી. કોરોનાની આ નવી લહેર બાળકો માટે અત્યંત ઘાતક સાબિત થઈ રહી છે. છેલ્લા 30 દિવસમાં 10 વર્ષ સુધીના 286 બાળકો કોરોનાની ચુંગલમાં સપડાયા છે. જેમાંથી આ 14 વર્ષની બાળકી સહિત ત્રણ જેટલા બાળકો મોતને ભેટ્યા છે. અનેક હોસ્પિટલોમાં બાળકો વેન્ટિલેટર અને ઓક્સિજન પર સારવાર હેઠળ છે.

આ 14 વર્ષની બાળકીના પિતાએ પોતાની વ્હાલીસોયીને હૈયે લગાવીને હૈયાફાટ આક્રંદ કર્યું. તેમણે કહ્યું કે જેનું કન્યાદાન કરવાના સપના જોયા હતા તેનું હવે તર્પણ કરવું પડશે. બાળકીનું નામ યશ્વિનીબા પાડવાની ઈચ્છા હતી પરંતુ હજુ તો નામ પણ નહતું પાડ્યું અને તે જતી રહી.

બીજી લહેર બાળકો માટે જોખમી બની રહી છે

આ વખતની કોરોનાની નવી લહેર બાળકો માટે અત્યંત જોખમી સાબિત થઈ રહી છે. નવજાતથી માડીને 10 વર્ષની ઉમરના 286 જેટલા બાળકો કોરોનાની ઝપેટમાં આવેલા છે. બાળકોને જો તાવ, નબળાઈ, ઉલ્ટી- ડાયેરિયા અથવા શ્વાસમાં તકલીફ જેવું જણાય તો ડોક્ટરનો સંપર્ક કરવો.

(4:38 pm IST)
  • રાજકોટ શહેર - જિલ્લામાં કોરોના ફુફાળો યથાવત : આજે સાંજ સુધીમાં રાજકોટ શહેરમાં 707 અને ગ્રામ્યના 52 કેસ સાથે કુલ અધધધ 759 નવા કોરોના ના કેસ નોંધાયા : લોકો લાચાર access_time 7:57 pm IST

  • બજાજ કંપનીએ ચેતક ઇલેક્ટ્રિક સ્કૂટરનું બુકીંગ બંધ કર્યું : 13 એપ્રિલના રોજ ગુડી પડવાને દિવસે શરૂ કરેલા બુકીંગનો ક્વોટા 48 કલાકમાં પૂરો : ઓનલાઇન બુકીંગ માટે બેંગ્લુરુ તથા પુણેમાંથી ભારે ધસારો જોવા મળ્યો : ફરીથી બુકિંગની તારીખ હવે પછી જાહેર કરશે access_time 8:21 pm IST

  • દેશમાં કોરોનાનો મહાભયાનક આતંક યથાવત : ભારતમાં છેલ્લા 24 કલાકમાં, એકજ દિવસમાં, અત્યાર સુધીના સર્વાધિક 2,32,000 થી વધુ નવા કોવિડ કેસ નોંધાયા અને 1325 થી વધુ કોરોનાગ્રસ્ત દર્દીઓ છેલ્લા 24 કલાકમાં દુઃખદ મૃત્યુ પામ્યા access_time 12:15 am IST