Gujarati News

Gujarati News

News of Tuesday, 16th April 2019

સુરત કાપોદ્રા ૧૭ લાખના હીરા ચોરનારા ટોળકીના બે આરોપી ઝડપાયા

તમામ ૧૭ લાખના હીરા કબજે કરીને તમામ મુદ્દામાલ કબજે: યુ ટ્યુબ પર વિડીયો જોઈ હીરા ચોરીની ઘટનાને અંજામ આપ્યો

સુરતના કાપોદ્રામાં મોહનનગર ડાયમન્ડ એસ્ટેટ વિભાગ-1માં જાનવી જેમ્સ નામના હીરાના કારખાનામાં ૪થી એપ્રિલે તિજોરી કાપીને ૧૭ લાખ રૂપિયાના હીરા ચોરનાર ટોળકીના બે આરોપીઓને કાપોદ્રા પોલીસે ધરપકડ કરી છે. આરોપીઓ પાસેથી તમામ ૧૭ લાખના હીરા કબજે કરીને તમામ મુદ્દામાલ કબજે કર્યો છે.

  મોટા વરાછા ખાતે સિલ્વર મેગ્જીમામાં રહેતા કિર્તીભાઈ રામજી ભીકડિયા હીરાનો વ્યવસાય કરે છે. તેમનું કાપોદ્રામાં ડાયમન્ડ એસ્ટેટ વિભાગ-૧માં જાનવી જેમ્સના નામે હીરાનું કારખાનું છે. પાંચ મી એપ્રિલે સવારે કિર્તી ભીકડિયા અને કારીગરો તથા મેનેજરો કારખાને પહોંચ્યા ત્યારે ચોરી વિશે ખબર પડી હતી. તસ્કરોએ રાત્રિ દરમિયાન કારખાનાના ગ્રીલના ત્રણ દરવાજા,લાકડાના દરવાજાના નકુચા તોડીને કારખાનામાં પ્રવેશ કર્યો હતો. તાળા દરવાજા પાસે અંદરના ભાગે મુકેલા હતા. કારખાનામાં ઘુસીને તસ્કરોએ તિજોરીને પાછળના ભાગેથી કટરથી કાપીને તેમાંથી પ્લાસ્ટીકની ડબ્બીઓમાંથી ૧૭ લાખ રૂપિયાની કિંમતના ૪૫૦૦ કેરેટના કાચા તથા તૈયાર હીરા ચોરી કર્યા હતા. ચોરાયેલા હીરાની કિંમત ૧૭ લાખ રૂપિયા હતી. કિર્તી ભીકડિયાએ કાપોદ્રા પોલીસ સ્ટેશનમાં ફરિયાદ નોંધાવી હતી.

    કારખાનાની બહાર થોડા અંતરે એક કારખાના પાસે લાગેલા સીસી કેમેરામાં ત્રણેક જણા ચોરી કરીને જતા દેખાતા હતા.તેમના ચહેરા સ્પષ્ટ દેખાતા હતા. તે ચહેરાને ભુતકાળમાં પકડાયા હોય એવા ચોરોના ચહેરા સાથએ સરખાવ્યા હતા. ૨૦૧૩માં વરાછામાં આ‌વી રીતે પાંચેક લાખ રૂપિયાની ચોરી કરનારા ચોરો સાથે ૧૭ લાખના હીરા ચોરી કરનારાઓના ચહેરા મળતા આવતા તેમની ઓળખ થઈ અને સરનામું મળ્યું હતું. તેના આધારે કાપોદ્રા પોલીસે ટોળકી પૈકી બે આરોપીઓ જગદીશ પોપટભાઈ ગોહિલ [રહે, ગામ રેવા, ભાવનગર], ભાવેશ નારાયણભાઈ ગલસાણીયા [રહે, લીલીયાગામ, અમરેલી]ની અટકાયત કરી છે. પોલીસે તમામ ૧૧ લાખના હીરા કબજે કરીને કાપોદ્રા પોલીસે મોટી સફળતા મેળવી છે.

   ઝડપાયેલા આરોપીઓની પુછપરછ કરતા ખુદ પોલીસ પણ ચોકી ઉઠી હતી આરોપીઓએ સૌ પ્રથમ એમ્બ્રોડરી કારખાનાની બાજુમાં આવેલા હીરાના કારખાનાને ટાર્ગેટ કરતા હતા જેથી કોઈ અવાજ ના સંભળાય.. આ ઉપરાંત તિજોરી કેવી રીતે તોડવી તેની માહિતી તેઓ યુ ટ્યુબ પર મેળવતા હતા અને યુ ટ્યુબ પર વિડીયો જોઈ ઘટનાને અંજામ આપતા હતા પોલીસે આરોપીની કડક પૂછપરછ કરતા કાપોદ્રા અને દામનગર પોલીસ મથકના ગુનાનો ભેદ ઉકેલાઈ જવા પામ્યો હતો આ ઉપરાંત આરોપીઓ વરાછાના બે અને સોનગઢ પોલીસ મથકમાં પણ ઝડપાઈ ચુક્યા છે

   અત્રે ઉલ્લેખનીય છે કે માત્ર યુ ટ્યુબ પર વિડીયો જોઈ ૧૭ લાખના હીરા ચોરીની ઘટનાને અંજામ આપવા આરોપીઓ સફળ તો રહ્યા હતા પરંતુ આખરે શોર્ટકટમાં રૂપિયા કમાવવાની લાલચે આખરે તેઓને જેલના સળિયા પાછળ ધકેલી દીધા છે ત્યારે આવી લાલચ આવી ગુનાને અંજામ આપતા પહેલા ગુનેગારોએ સો વાર વિચાર અવશ્ય કરવો જોઈએ

(8:47 pm IST)
  • રાજકોટમાં વાતાવરણ એકદમ ગોરંભાયુઃ વિજળીના જોરદાર કડાકા-ભડાકા : ભારે વરસાદને લીધે પડધરીમાં કોંગ્રેસનું કાર્યાલય તૂટી પડયુ : ભાજપના કાર્યાલયમાં પાણી ઘુસી ગયા : રાજકોટના પડધરીમાં ભારે વરસાદ : કોંગ્રેસનું કાર્યાલય તૂટી પડયુ : ભાજપના કાર્યાલયમાં પાણી ઘુસી ગયાઃ ભારે પવનથી એક ઝાડ પણ તૂટી ગયાનું જાણવા મળે છે : પડધરીના ખાખડાબેલા ગામે તોફાની પવન સાથે ભારે વરસાદ ચાલુ : કરા પડતા મકાનની દિવાલ ધરાશાયી : ધ્રોલના લતીપર ગામે પણ ધોધમાર વરસાદ ચાલુ હોવાનું જાણવા મળે છે access_time 4:12 pm IST

  • મુસ્લિમ મહિલાઓને મસ્જિદમાં નમાઝ પઢવાનો હક્ક આપતી પિટિશન સુપ્રીમ કોર્ટએ દાખલ કરી : સબરીમાલા મંદિરમાં મહિલાઓને પ્રવેશ આપતા જજમેન્ટને ધ્યાને લઇ પિટિશન દાખલ કરાઈ હોવાનું મંતવ્ય : કેન્દ્ર સરકાર તથા ઓલ ઇન્ડિયા મુસ્લિમ પર્સનલ લો બોર્ડનો ખુલાસો માંગ્યો : જાતીય સમાનતા બક્ષતા આર્ટિકલ 14 નો ભંગ કરવા બદલ સુપ્રીમ કોર્ટ જસ્ટિસ શ્રી એસ.એ.બોબડે તથા શ્રી એસ.અબ્દુલ નાઝિરની બેન્ચે નોટિસ પાઠવી access_time 12:17 pm IST

  • 48 કલાક સુધી જાહેર પ્રચાર ઉપર મુકાયેલા બાન બદલ બસપા સુપ્રીમો માયાવતીએ ચૂંટણી પંચ વિરુધ્ધ કરેલી અરજીને ફગાવી દેતી સુપ્રીમ કોર્ટ : આચારસંહિતાનો ભંગ કરતા નિવેદનો કરવા બદલ ચૂંટણી પંચે આજ સવારના 6 વાગ્યાથી 48 કલાક માટે માયાવતી ઉપર તથા 72 કલાક માટે યોગી આદિત્યનાથ ઉપર જાહેર પ્રચાર કરવા ઉપર બાન મુકેલ છે : યુ.પી.ના ચિફ મિનિસ્ટર યોગી આદિત્યનાથે મંદિરમાં જઈ હનુમાન ચાલીસાના પાઠ કર્યા access_time 11:57 am IST