Gujarati News

Gujarati News

News of Tuesday, 16th April 2019

કલોલમાં બે ગઠિયાએ વૃદ્ધ મહિલાને પૈસા આપવાની લાલચ આપી રીક્ષામાં બેસાડી લૂંટ ચલાવી

કલોલ:શહેરમાં એસ.ટી. ડેપો પાસે બે ગઠીયા એક વૃદ્ધ મહિલાને નોટોનું બંડલ બતાવી તે પૈસા આપવાની લાલચ આપી વૃદ્ધાને રીક્ષામાં બેસાડી હાઇવે રોડ પર લઇ ગયા હતા અને ત્યાં વૃધ્ધાના દાગીના ઉતરાવી લઇ ફરાર થઇ ગયા હતા. આ અંગે પોલીસે તપાસ શરૂ કરી છે.

કલોલના પૂર્વ વિસ્તારમાં રહેતા ૫૮ વર્ષીય પ્રેમિલાબેન સુરેશભાઇ સિર્સાળે ૮ એપ્રિલની સવારે એસ.ટી.ડેપોમાંથી પસાર થતા હતા તે વખતે ત્યાં બે ગઠીયાઓ આવ્યા હતા અને વડોદરાની બસ ક્યાંથી ઉપડશે તેમ કહી નોટોનું બન્ડલ બતાવી લાલચ આપી રીક્ષામાં બેસાડી કલોલના હાઇવે રોડ પર લઇ ગયા હતા અને નોટોનું બંડલ આપવાની લાલચ આપી વૃદ્ધાના ૫૧૦૦૦ની કિંમતના દાગીના ઉતરાવી લીધા હતા અને ત્યારબાદ ફરાર થઇ ગયા હતા. ત્યારે વૃદ્ધાને છેતરાયાનો અહેસાસ થતાં તેમણે કલોલ શહેર પોલીસ મથકમાં આ અંગે ગુનો નોંધાવતા પોલીસે છેતરપીંડીની ફરિયાદ દાખલ કરી વધુ તપાસ શરૂ કરી છે. આ ઘટનાની તપાસ પીએસઆઇ એમ.બી. ચૌધરી ચલાવી રહ્યા છે. 

(6:13 pm IST)
  • સળગતા બાઇક પર સવાર દંપતિનો ચાર કિમિ પીછો કરીને પોલીસે જીવ બચાવ્યો ::વિડિઓ વાયરલ : ઇટાવાની નજીક એક્સપ્રેસ-વે પર ઉત્તર પ્રદેશ પોલીસની ડાયલ 100 ટીમની પ્રશંસનીય કામગીરી : બાઇક સવાર પર નજર પડી. જેમાં બાઇકમાં આગ લાગેલી હતી:. બાઇકમાં લાગેલી આગ જોઇને પોલીસે બાઇક સવાર દંપતિને જાણ પીછો કર્યો ;બાઈક રોકાવી આગને કાબુમાં લઇને દંપતીનો જીવ બચાવ્યો : આગને કારણે બાઈક બ્લાસ્ટ થવાની હતી ભીતિ access_time 1:17 am IST

  • રાજકોટમાં વાતાવરણ એકદમ ગોરંભાયુઃ વિજળીના જોરદાર કડાકા-ભડાકા : ભારે વરસાદને લીધે પડધરીમાં કોંગ્રેસનું કાર્યાલય તૂટી પડયુ : ભાજપના કાર્યાલયમાં પાણી ઘુસી ગયા : રાજકોટના પડધરીમાં ભારે વરસાદ : કોંગ્રેસનું કાર્યાલય તૂટી પડયુ : ભાજપના કાર્યાલયમાં પાણી ઘુસી ગયાઃ ભારે પવનથી એક ઝાડ પણ તૂટી ગયાનું જાણવા મળે છે : પડધરીના ખાખડાબેલા ગામે તોફાની પવન સાથે ભારે વરસાદ ચાલુ : કરા પડતા મકાનની દિવાલ ધરાશાયી : ધ્રોલના લતીપર ગામે પણ ધોધમાર વરસાદ ચાલુ હોવાનું જાણવા મળે છે access_time 4:12 pm IST

  • કર્ણાટકમાં JDS ઉમેદવારોના નિવાસસ્થાન ઉપર ઇન્કમટેક્સ ડિપાર્ટમેન્ટના દરોડા : લોકસભાની ચૂંટણી લડી રહેલા પાર્ટી સુપ્રીમો એચ.ડી.દેવગૌડાના પૌત્ર નિખિલ કુમારસ્વામી તથા પ્રજવલ રેવન પાસે આવક કરતા વધુ સંપત્તિ તથા કાળું નાણું હોવાની બાતમી : ઇન્કમટેક્ષ ડિપાર્ટમેન્ટનું મંતવ્ય : સરકાર દ્વારા સત્તાનો દુરુપયોગ થઇ રહ્યો છે : JDS સમર્થકોનું મંતવ્ય access_time 12:48 pm IST