Gujarati News

Gujarati News

News of Monday, 15th April 2019

લોકસભાની ચૂંટણીમાં કરશું 'નોટા 'નો ઉપયોગ :રાજ્યના માલધારી સમાજની ચીમકી

-ત્રણ દિવસમાં માંગણી પર ધ્યાન નહીં અપાય તો આગામી દિવસોમાં આંદોલનની ચીમકી

 

ગાંધીનગરઃ લોકસભાની ચૂંટણીના દિવસો નજીક આવી રહ્યા છે, વિવિધ સમાજ દ્વારા પોતાની માંગણીઓને લઈને અનેક વખત રજૂઆતો કરવામાં આવી હતી. રાજકીય પાર્ટીઓ દ્વારા જ્ઞાતિના સમીકરણોને ધ્યાનમાં રાખીને ટિકિટો ફાળવવામાં આવે છે. પરંતુ માલધારી સમાજને ટિકિટ ફાળવવામાં આવી નથી. ત્યારે સમાજના યુવાનો દ્વારા આગામી ચૂંટણીમાં ટિકિટ નહીં તો વોટ નહીં ચીમકી ઉચ્ચારવામાં આવી છે.

  માલધારી સમાજના જીવરાજભાઈ આલે કહ્યું કે, રાજ્યમાં માલધારી સમાજની 9 ટકા જેટલી વસતી છે. પરંતુ રાજકીય પાર્ટીઓ દ્વારા એક પણ માલધારી સમાજના આગેવાનને ટિકિટ આપવામાં આવી નથી. મત મેળવવા હોય ત્યારે માલધારી સમાજનો ઉપયોગ કરવામાં આવે છે. પરંતુ ટિકિટ આપવાની હોય ત્યારે તેમની અવગણના કરવામાં આવે છે. પરિણામે આવનારા દિવસોમાં માલધારી સમાજ ડિજીટલ સ્વરૂપે સરકારમાં વિરોધ નોંધાવશે.

   સમાજના યુવાનો આજે એકઠા થયા છે. જે તમામ અમારા ડિજિટલ વિરોધમાં સહયોગી થશે. માલધારી સમાજના ઘર-ઘર સુધી સંદેશ પહોંચાડવામાં આવશે, અને આગામી ચૂંટણીમાં આખો સમાજ નોટાનો ઉપયોગ કરે અને શા માટેની મત આપવો તેની માહિતી પૂરી પાડશે.

   સરકાર સામે માંગણીઓ મૂકી છે કે, રાજ્યમાં જિલ્લા અને તાલુકા મથકોએ સમાજના નબળા વર્ગના લોકો માટે છાત્રાલય બનાવવા માટે સરકાર જમીન આપે, ગોપાલક નિગમના બજેટમાં સુધારો કરી રૂપિયા એક હજાર કરોડની ફાળવણી કરવામાં આવે, દરેક માલધારીની ખેડૂત તરીકેનો દરજ્જો આપવામાં આવે, જ્યારે સમાજના યુવાનો દ્વારા તાજેતરમાં રેલી યોજવામાં આવી હતી. મહેસાણામાં ત્યારે પોલીસ દ્વારા જે કેસ કરવામાં આવ્યા હતા કેસ પરત ખેંચવામાં આવે તેવી અમારી માંગણી છે. સરકાર આગામી ત્રણ દિવસમાં માંગણી ઉપર ધ્યાન નહીં આપે તો આવનારા દિવસોમાં આંદોલનને મોટું સ્વરૂપ આપવામાં આવશે તેવી ચીમકી ઉચ્ચારી હતી.

(12:32 am IST)
  • 48 કલાક સુધી જાહેર પ્રચાર ઉપર મુકાયેલા બાન બદલ બસપા સુપ્રીમો માયાવતીએ ચૂંટણી પંચ વિરુધ્ધ કરેલી અરજીને ફગાવી દેતી સુપ્રીમ કોર્ટ : આચારસંહિતાનો ભંગ કરતા નિવેદનો કરવા બદલ ચૂંટણી પંચે આજ સવારના 6 વાગ્યાથી 48 કલાક માટે માયાવતી ઉપર તથા 72 કલાક માટે યોગી આદિત્યનાથ ઉપર જાહેર પ્રચાર કરવા ઉપર બાન મુકેલ છે : યુ.પી.ના ચિફ મિનિસ્ટર યોગી આદિત્યનાથે મંદિરમાં જઈ હનુમાન ચાલીસાના પાઠ કર્યા access_time 11:57 am IST

  • ઇલેક્શન કમિશને તામિલનાડુની વેલ્લોર લોકસભા બેઠકની ચૂંટણી રદ્દ કરી હોવાનું જણાવ્યું છે. access_time 10:55 pm IST

  • રાજકોટમાં વાતાવરણ એકદમ ગોરંભાયુઃ વિજળીના જોરદાર કડાકા-ભડાકા : ભારે વરસાદને લીધે પડધરીમાં કોંગ્રેસનું કાર્યાલય તૂટી પડયુ : ભાજપના કાર્યાલયમાં પાણી ઘુસી ગયા : રાજકોટના પડધરીમાં ભારે વરસાદ : કોંગ્રેસનું કાર્યાલય તૂટી પડયુ : ભાજપના કાર્યાલયમાં પાણી ઘુસી ગયાઃ ભારે પવનથી એક ઝાડ પણ તૂટી ગયાનું જાણવા મળે છે : પડધરીના ખાખડાબેલા ગામે તોફાની પવન સાથે ભારે વરસાદ ચાલુ : કરા પડતા મકાનની દિવાલ ધરાશાયી : ધ્રોલના લતીપર ગામે પણ ધોધમાર વરસાદ ચાલુ હોવાનું જાણવા મળે છે access_time 4:12 pm IST