Gujarati News

Gujarati News

News of Monday, 15th April 2019

સુરતમાં મનપાએ બનાવેલ ફૂટપાથ પર ધંધાદારીઓનો કબ્જો: લોકોને હાલવા-ચાલવામાં મુશ્કેલી

સુરત: શહેરમાં લોકો માટે સલામત રીતે ચાલવા માટે બનાવાયેલી ફૂટપાથ પર ધંધાદારીઓએ કબ્જો કરી દીધો છે.  ફૂટપાથ પર કેટલીક જગ્યાએ કાર મેળાવાળાએ કબ્જો કરી લેતાં લોકોએ મજબુરીથી પોતાનો જીવ જોખમમાં મુકીને રસ્તા પર ચાલવું પડી રહ્યું છે. જો લોકો ફૂટપાથ પર થોડો સમય માટે વાહન પાર્ક કરે તો પોલીસ વાહન ઉચકી જાય છે પરંતુ કાર મેળાવાળા આખો દિવસ વાહન પાર્ક કરે તો પણ કોઈ કાર્યવાહી થતી નથી. મ્યુનિ. અને પોલીસની આવી બેધારી નીતિના કારણે લોકોમાં આક્રોશ દેખાઈ રહ્યો છે.

સુરતમાં ટ્રાફિક અને મ્યુનિ.ના નિયમ જુદા-જુદા વિસ્તારમાં સામાન્ય પ્રજા અને ધંધો કરનારા માટે અલગ જોવા મળી રહ્યાં છે. મ્યુનિ.એ લોકો માટે બનાવેલા ફૂટપાથ પર લોકોને ચાલવા માટેની જગ્યા ન રહે તે રીતે દબાણ કરવામાં આવી રહ્યાં છે. હાલ જહાંગીરપુરા ખાતે મ્યુનિ.એ બનાવેલા ફૂટપાથ પર ધંધાદારી લોકોએ કબ્જો કરી લીધો છે. 

(5:20 pm IST)
  • કર્ણાટકમાં JDS ઉમેદવારોના નિવાસસ્થાન ઉપર ઇન્કમટેક્સ ડિપાર્ટમેન્ટના દરોડા : લોકસભાની ચૂંટણી લડી રહેલા પાર્ટી સુપ્રીમો એચ.ડી.દેવગૌડાના પૌત્ર નિખિલ કુમારસ્વામી તથા પ્રજવલ રેવન પાસે આવક કરતા વધુ સંપત્તિ તથા કાળું નાણું હોવાની બાતમી : ઇન્કમટેક્ષ ડિપાર્ટમેન્ટનું મંતવ્ય : સરકાર દ્વારા સત્તાનો દુરુપયોગ થઇ રહ્યો છે : JDS સમર્થકોનું મંતવ્ય access_time 12:48 pm IST

  • વૈષ્ણોદેવી યાત્રા માર્ગ પર શંકાસ્પદ હિલચાલની માહિતી બાદ સર્ચ ઓપરેશન: વૈષ્ણોદેવી યાત્રાની સાંઝી છત આસપાસનાં જંગલોમાં શંકાસ્પદ હિલચાલની માહિતી : પરંપરાગત યાત્રા માર્ગ બંધ કરાવીને સર્ચ ઓપરેશન ચલાવાયું access_time 1:13 am IST

  • 48 કલાક સુધી જાહેર પ્રચાર ઉપર મુકાયેલા બાન બદલ બસપા સુપ્રીમો માયાવતીએ ચૂંટણી પંચ વિરુધ્ધ કરેલી અરજીને ફગાવી દેતી સુપ્રીમ કોર્ટ : આચારસંહિતાનો ભંગ કરતા નિવેદનો કરવા બદલ ચૂંટણી પંચે આજ સવારના 6 વાગ્યાથી 48 કલાક માટે માયાવતી ઉપર તથા 72 કલાક માટે યોગી આદિત્યનાથ ઉપર જાહેર પ્રચાર કરવા ઉપર બાન મુકેલ છે : યુ.પી.ના ચિફ મિનિસ્ટર યોગી આદિત્યનાથે મંદિરમાં જઈ હનુમાન ચાલીસાના પાઠ કર્યા access_time 11:57 am IST