Gujarati News

Gujarati News

News of Monday, 15th April 2019

વડગામમાં પુરવઠા નિગમના ગોડાઉનમાં શોટ સર્કિટના કારણે આગ ભભુકતા લાખોનો માલસામાન બળીને ખાખ થયો

વડગામ:તાલુકાના નાગરિક પુરવઠા નિગમના ગોડાઉનમાં શનિવારની મોડી સાંજે શોર્ટસર્કિટ થવાના કારણે માલ ગોડાઉનમાં અચાનક આગ લાગતા ગોડાઉનમાં પડેલ માલસામાન બળીને ખાખ થઈ ગયો હતો. જોકે ઘટનાને લઈ પંથકમાં અફડાતફડી મચી જવા પામી હતી. દરમિયાન ફાયર ફાયટર તાત્કાલિક ઘટનાસ્થળે આવી પહોંચી આગ ઉપર કાબુ મેળવ્યો હતો.

પ્રાપ્ત વિગતો મુજબ તાલુકા મથક વગામની મામલતદાર કેરી સામે આવેલા નાગરિક પુરવઠા નિગમના ગોડાઉનમાં શનિવારની મોડી સાંજે શોર્ટસર્કિટ થવાના કારણે ગોડાઉનમાં અચાનક આગ લાગતા ધુમાડાના ગોટે ગોટા પ્રસરી ગયા હતા. આગની જાણ થતા વડગામ મામલતદાર આર.સી. ઠાકોર સહિત ઘટનાસ્થળે પહોંચી ફાયર ફાયટરને જાણ કરતા ફાયર ફાયટર તાત્કાલિક ઘટનાસ્થળે પહોંચી પાણીનો મારો ચલાવી આગ ઉપર કાબુ મેળવ્યો હતો. આગ લાગવાના કારણે ગોડાઉનમાં પડેલ ખાલી બારદાન, ખાંડ તેમજ ચોખાની બોરીઓ સહિત તેલના કાર્ટુન બળીને ખાખ થઈ ગયા હતા. આગ લાગવાના કારણે નિગમને લાખોનું નુકસાન થયાનું પ્રાથમિક જાણકારી મળી હતી. જોકે નુકસાનનો ચોક્કસ આંકડો સર્વે કર્યા બાદ જાણવા મળશે તેવું ગોડાઉન મેનેજર ફરીદાબેન પેટીવાલાએ જણાવ્યું હતું. આગની ઘટનાની જાણ થતાં લોકોના ટોળેટોળા ઘટનાસ્થળે એકત્રિત થઈ ગયા હતા. જોકે આગની ઘટના દરમિયાન કોઈ જાનહાનિ થઈ ન હતી.

(5:16 pm IST)
  • સુશીલ મોદી રાહુલ પર કરશે માનહાનીનો કેસ : કર્ણાટકમાં કોંગ્રેસ અધ્યક્ષ રાહુલ ગાંધી સભા ગજવતા કહ્યું હતું કે, મોદી સરનેમ વાળા તમામ ચોર તેવું વિવાદીત નિવેદન પર સુશીલ મોદી રાહુલ વિરૂદ્ધ માનહાનીનો કેસ કરશે access_time 4:01 pm IST

  • " ફેક ન્યુઝ " : બોગસ વોટિંગ માટે બનાવટી આંગળીઓ વપરાઈ રહી છે : પોલીંગ બુથ ઉપર બેઠેલા અધિકારીઓએ શાહીનું નિશાન કર્યા પછી આંગળી ખેંચી જોઈ ખાતરી કરવી : સોશિઅલ મીડિયામાં ફેસબુક અને ટ્વીટર ઉપર વાઇરલ થઇ રહેલા ન્યુઝ માં દર્શાવાતો ફોટો જાપાનની ગેંગસ્ટર માટેનો છે : તેને ભારતની લોકસભાની ચૂંટણીઓ સાથે કંઈ લેવા દેવા નથી : ટાઈમ્સ ફેક્ટ ચેકનો અહેવાલ access_time 6:40 pm IST

  • સળગતા બાઇક પર સવાર દંપતિનો ચાર કિમિ પીછો કરીને પોલીસે જીવ બચાવ્યો ::વિડિઓ વાયરલ : ઇટાવાની નજીક એક્સપ્રેસ-વે પર ઉત્તર પ્રદેશ પોલીસની ડાયલ 100 ટીમની પ્રશંસનીય કામગીરી : બાઇક સવાર પર નજર પડી. જેમાં બાઇકમાં આગ લાગેલી હતી:. બાઇકમાં લાગેલી આગ જોઇને પોલીસે બાઇક સવાર દંપતિને જાણ પીછો કર્યો ;બાઈક રોકાવી આગને કાબુમાં લઇને દંપતીનો જીવ બચાવ્યો : આગને કારણે બાઈક બ્લાસ્ટ થવાની હતી ભીતિ access_time 1:17 am IST