Gujarati News

Gujarati News

News of Tuesday, 16th April 2019

સુરતના ઓલપાડના ધારાસભ્ય મુકેશ પટેલનો મોબાઇલ ચોરનારને લોકોઅે ઝડપી લીધો

સુરત :ગુજરાતમાં ચોરોનો આતંક વધી રહ્યો છે. રોજેરોજ મહિલાઓના અછોડા તોડાયાના કિસ્સાઓ તથા અન્ય ચોરીઓના બનાવો વધી રહ્યા છે, ત્યારે સુરતના ઓલપાડના ધારાસભ્ય મુકેશ પટેલના મોબાઈલ ચોરવાની ઘટના બની હતી. જોકે, લોકોએ ચોરને પકડી પાડ્યો હતો.

પ્રાપ્ત માહિતી અનુસાર, સુરતના ઓલપાડ વિસ્તારના ભાજપના ધારાસભ્ય મુકેશ પટેલ વહેલી સવારે મોર્નિંગ વોક પર નીકળ્યા હતા. ત્યારે તેમની સાથે મોબાઈલ સ્નેચિંગનો બનાવ બન્યો હતો. તેઓ ચાલી રહ્યા હતા ત્યારે એક લૂંટારુ તેમના હાથમાંથી મોબાઈલ ખેંચીને ભાગી ગયો હતો. લૂંટારુના ધક્કાથી મુકેશ પટેલ રસ્તા પર પડી ગયા હતા. જોકે, તેમણે તરત બૂમાબૂમ કરી મૂકતા લોકો એકઠા થયા હતા અને એક બાઈક સવારે દોડી રહેલા ચોરને પકડી પાડ્યો હતો. મુકેશ પટેલે આ ચોરને પોલીસમાં સોંપ્યો હતો.

ઉલ્લેખનીય છે કે, સુરતમાં ગુનાખોરીનું પ્રમાણ વધી રહ્યું છે. મહિલાઓના અછોડા તૂટી રહ્યા છે, ત્યારે ખુદ ધારાસભ્ય સાથે જ આવો બનાવ બન્યો છે.

(5:01 pm IST)
  • વૈષ્ણોદેવી યાત્રા માર્ગ પર શંકાસ્પદ હિલચાલની માહિતી બાદ સર્ચ ઓપરેશન: વૈષ્ણોદેવી યાત્રાની સાંઝી છત આસપાસનાં જંગલોમાં શંકાસ્પદ હિલચાલની માહિતી : પરંપરાગત યાત્રા માર્ગ બંધ કરાવીને સર્ચ ઓપરેશન ચલાવાયું access_time 1:13 am IST

  • 48 કલાક સુધી જાહેર પ્રચાર ઉપર મુકાયેલા બાન બદલ બસપા સુપ્રીમો માયાવતીએ ચૂંટણી પંચ વિરુધ્ધ કરેલી અરજીને ફગાવી દેતી સુપ્રીમ કોર્ટ : આચારસંહિતાનો ભંગ કરતા નિવેદનો કરવા બદલ ચૂંટણી પંચે આજ સવારના 6 વાગ્યાથી 48 કલાક માટે માયાવતી ઉપર તથા 72 કલાક માટે યોગી આદિત્યનાથ ઉપર જાહેર પ્રચાર કરવા ઉપર બાન મુકેલ છે : યુ.પી.ના ચિફ મિનિસ્ટર યોગી આદિત્યનાથે મંદિરમાં જઈ હનુમાન ચાલીસાના પાઠ કર્યા access_time 11:57 am IST

  • રાજકોટમાં વાતાવરણ એકદમ ગોરંભાયુઃ વિજળીના જોરદાર કડાકા-ભડાકા : ભારે વરસાદને લીધે પડધરીમાં કોંગ્રેસનું કાર્યાલય તૂટી પડયુ : ભાજપના કાર્યાલયમાં પાણી ઘુસી ગયા : રાજકોટના પડધરીમાં ભારે વરસાદ : કોંગ્રેસનું કાર્યાલય તૂટી પડયુ : ભાજપના કાર્યાલયમાં પાણી ઘુસી ગયાઃ ભારે પવનથી એક ઝાડ પણ તૂટી ગયાનું જાણવા મળે છે : પડધરીના ખાખડાબેલા ગામે તોફાની પવન સાથે ભારે વરસાદ ચાલુ : કરા પડતા મકાનની દિવાલ ધરાશાયી : ધ્રોલના લતીપર ગામે પણ ધોધમાર વરસાદ ચાલુ હોવાનું જાણવા મળે છે access_time 4:12 pm IST