Gujarati News

Gujarati News

News of Monday, 15th April 2019

કોંગ્રેસથી મળેલ સન્માન અને શક્તિ અલ્પેશ પચાવી શક્યા નહિ :હાર્દિક પટેલનો કટાક્ષ

ભાજપે લોકસભાની ચૂંટણી લડતો અટકાવ્યો: હું હાઇકોર્ચના ચુકાદાને સ્વીકારૂ છું.;હાર્દિક પટેલ

અમદાવાદ ;ઠાકોર સેનાના પ્રમુખ અને રાધનપુરના ધારાસભ્ય અલ્પેશ ઠાકોરે કોંગ્રેસમાંથી રાજીનામ આપવા અંગે પાસના સુપ્રીમો અને કોંગ્રેસના નેતા હાર્દિક પટેલે  કહ્યું હતું કે કોંગ્રેસે અલ્પેશને ઘણી ઇજ્જત આપી હતી પરંતુ કોંગ્રેસમાંથી મળેલી ઇજ્જત અને તાકાત અલ્પેશ હેન્ડલ કરી શક્યા નહીં.

  હાર્દિક પટેલે કહ્યું,“કોંગ્રેસે આટલું સન્માન અને શક્તિ આપી હતી પરંતુ તેઓ સંભાળી શક્યા નહીં તેમણે આક્ષેપ-પ્રતિઆક્ષેપની રાજનીતિ શરૂ કરી દીધી. ” હાર્દિક આ સાથે જ ભારતીય જનતા પાર્ટી પર આક્ષેપ મૂક્યો હતો. હાર્દિકે કહ્યું હતું કે ભાજપે તેમને લોકસભાની ચૂંટણી લડતો અટકાવ્યો. તેમણે કહ્યું કે હું હાઇકોર્ચના ચુકાદાને સ્વીકારૂ છું.
 હાર્દિકે વધુમાં કહ્યું કે ભાજપના વકીલોએ મને રોકવાનો ભરપૂર પ્રયાસ કર્યો તેથીહું ચૂંટણી લડી શક્યો નહીં. કોંગ્રેસ મને સંસદમાં મોકલવા માંગતી હતી. જોકે, હું 25 વર્ષનો યુવાન છું અને ભવિષ્યમાં અનક ચૂંટણીઓ થશે

(10:53 pm IST)
  • રાજકોટમાં વાતાવરણ એકદમ ગોરંભાયુઃ વિજળીના જોરદાર કડાકા-ભડાકા : ભારે વરસાદને લીધે પડધરીમાં કોંગ્રેસનું કાર્યાલય તૂટી પડયુ : ભાજપના કાર્યાલયમાં પાણી ઘુસી ગયા : રાજકોટના પડધરીમાં ભારે વરસાદ : કોંગ્રેસનું કાર્યાલય તૂટી પડયુ : ભાજપના કાર્યાલયમાં પાણી ઘુસી ગયાઃ ભારે પવનથી એક ઝાડ પણ તૂટી ગયાનું જાણવા મળે છે : પડધરીના ખાખડાબેલા ગામે તોફાની પવન સાથે ભારે વરસાદ ચાલુ : કરા પડતા મકાનની દિવાલ ધરાશાયી : ધ્રોલના લતીપર ગામે પણ ધોધમાર વરસાદ ચાલુ હોવાનું જાણવા મળે છે access_time 4:12 pm IST

  • 48 કલાક સુધી જાહેર પ્રચાર ઉપર મુકાયેલા બાન બદલ બસપા સુપ્રીમો માયાવતીએ ચૂંટણી પંચ વિરુધ્ધ કરેલી અરજીને ફગાવી દેતી સુપ્રીમ કોર્ટ : આચારસંહિતાનો ભંગ કરતા નિવેદનો કરવા બદલ ચૂંટણી પંચે આજ સવારના 6 વાગ્યાથી 48 કલાક માટે માયાવતી ઉપર તથા 72 કલાક માટે યોગી આદિત્યનાથ ઉપર જાહેર પ્રચાર કરવા ઉપર બાન મુકેલ છે : યુ.પી.ના ચિફ મિનિસ્ટર યોગી આદિત્યનાથે મંદિરમાં જઈ હનુમાન ચાલીસાના પાઠ કર્યા access_time 11:57 am IST

  • વિવાદી નિવેદન કરવા બદલ નવજોતસિંહ સિધ્ધુ સામે ફરિયાદ દાખલ :કટિહાર જિલ્લા વહીવટી તંત્રે સાંપ્રદાયિક ભડકાઉ ભાષણ આવવા મામલે કોંગ્રેસના નેતા નવજોતસિંહ વિરુદ્ધ એફઆઈઆર દાખલ કરી :નવજોતસિંહ સિધ્ધુએ મુસલમાનોને એકજુથ થઈને મત આપવા અપીલ કરતા વિવાદ થયો હતો access_time 1:04 am IST