Gujarati News

અમદાવાદઃ વિદેશમાં ટુરના બહાને લાખોની છેતરપિંડી કરનાર પ્રતીક રાવલને એરપોર્ટ પરથી ઝડપી લેવાયો છે  દિવાળી સમયે પ્રતીક ટુર્સ એન્ડ ટ્રાવેલ્સના માલિકે અલગ-અલગ સ્કીમો કાઢીને વિદેશ પ્રવાસના નામે રૂપિયા 46 લાખ ખંખેરી ફરાર થઇ ગયો હતો.તેને વાડજ પોલીસે ઝડપી લીધો હતો .
  અમદાવાદના ઇન્કમટેક્ષ ખાતે આવેલ પ્રતીક ટુર્સ એન્ડ ટ્રાવેલ્સના માલિક દ્વારા દિવાળી સમયે વિદેશ પ્રવાસના પેકેજ બહાર પાડવામાં આવ્યા હતા.પ્રતીક રાવલ થાઈલૅંડન, મેલેશિયા અને સિંગાપુરની ટુરના નામે એડવાન્સમાં જ 50થી વધુ લોકો પાસે 46 લાખથી વધુના રૂપિયા ઉઘરાવી થાઈલેન્ડમાં ફરાર થઇ ગયો હતો. જેની ફરિયાદ વાડજ પોલીસ મથકમાં નોંધાઇ હતી. પોલીસે 6 મહિના બાદ વિદેશથી પરત આવતા જ આરોપીને ઝડપી લીધો હતો. આ અંગેની પોલીસે વધુ તપાસ હાથ ધરી છે.