Gujarati News

Gujarati News

News of Saturday, 16th March 2019

નડિયાદ ડિવિઝનલ સ્કવોર્ડે સેવાલિયા નજીકથી 102 કિલો પોશ ડોડાનો જથ્થો જપ્ત કર્યો

નડિયાદ: ડિવિઝન સ્ક્વોર્ડ તથા એસઓજી પોલીસે સંયુક્ત રીતે સેવાલિયા પોલીસ સ્ટેશનની હદમાં આવેલ હડમતીયા ગામ પાસેથી ગાડીમાં લઈ જવાતાં ૧૦૨.૮૩૦ કિલોગ્રામ પોશ ડોડાનો જથ્થો જપ્ત કરી પકડાયેલા બે ઈસમોની પુછપરછ હાથ ધરી છે. જથ્થો ક્યાંથી લવાતો હતો. અને ક્યાં લઈ જવાતો હતો તેની તપાસ માટે રીમાન્ડ પર મેળવવાની તજવીજ હાથ ઘરી છે. 

મળતી માહિતી મુજબ નડિયાદના ડીવાયએસપી સ્ક્વોર્ડને માહિતી મળી હતી કે, સ્વીફ્ટ ડિઝાયર કાર નં જીજે ૦૬ ડીબી ૧૧૨૧ માં નશાયુક્ત પદાર્થોની હેરાફેરી થઈ રહી છે. અને કાર સેવાલિયા વિસ્તારમાંથી પસાર થનાર છે. અંગે ડીવાયએસપી જી. એસ. શ્યાનને જાણ કરાતાં તેમણે એસઓજી પોલીસને સાથે રાખી સેવાલિયા નજીક આવેલ હડમતિયા ગામ પાસે વોચ રાખી હતી. દરમિયાન માહિતીના નંબરવાળી કાર બાલાસિનોર તરફથી આવી હડમતિયા થઈ ઠાસરા જતી હતી ત્યારે પોલીસે કારને અટકાવી હતી. અને કારની પાછળની સીટમાં તેમજ ડેકીમાં તપાસ કરતાં કોથળા નજરે પડ્યાં હતાં. કોથળાને ખોલીને જોતાં તેમાં પ્રતિબંધિત વનસ્પતિજન્ય માદક પદાર્થ એટલે કે પોશડોડા દેખાઈ આવ્યાં હતાં. પોલીસે કોથળાનું વજન કરતાં ૧૦૨.૮૩૦ કિ.ગ્રા કિંમત રૂ.૫૭,૦૭૫ નો જથ્થો મળી આવ્યો હતો. પોલીસે કારમાં બેઠેલા ઈસમોની પુછપરછ કરતાં મહેશભાઈ ઉર્ફે રાજુ મહીજીભાઈ સોલંકી (રહે.અરડી તા.પેટલાદ) તેમજ મુકેશ ઉર્ફે ભુપાજી ગૌતમભાઈ મીણા (રહે. અરડી તા.પેટલાદ)ના હોવાનું જાણવા મળ્યું હતું.

 

 

(6:47 pm IST)
  • ઓલ ઇન્ડિયા બાર એક્ઝામીનેશન XIII (AIBE XIII )નું પરિણામ થયું જાહેર : પરિક્ષાર્થીઓ પોતાના પેપરની પુનઃ ચકાસણી માટે 15 થી 31 માર્ચ સુધીમાં રૂ. 200 ભરીને અરજી કરી શકશે : પરિણામ http:// aibe13. allindiabarexamination. com/result. aspx વેબસાઈટ પર જોઈ શકાય છે access_time 9:50 pm IST

  • લોકસભા ચૂંટણી માટે કોંગ્રેસની ચોથી યાદી જાહેર :કેરળના 12,યુપીના 7,છત્તીસગઢના 5 અને અરુણાચલ પ્રદેશના 2 અને આંદામાન-નિકોબારના એક ઉમેદવાર જાહેર :શશી થરૂરને તિરૂવનંતપુરમ અને અરૂણચલ પ્રદેશના પૂર્વ સીએમ નાબા, ટૂંકીને અરુણાચલ પ્રદેશની ટિકિટ અપાઈ :કૈરાનામાં હરેન્દર મલિક,બીજનોરથી ઇન્દિરા ભાટી,મેરઠમાં ઓમપ્રકાશ શરમને અને અલીગઢની ચૌધરી વૃજેન્દ્રસિંહને ટિકિટ access_time 12:55 am IST

  • દેશમાં સૌથી મોટી સમસ્યા બેરોજગારી, જો અમારી સરકાર આવશે તો ગરીબોના ખાતામાં રૂપિયા જમા કરશે : રાહુલઃ રાહુલ ગાંધીએ કહ્યું કે જો અમારી સરકાર આવશે તો મર્યાદા કરતાં ઓછી આવક હશે તેને રૂપિયા મળશે : અમારી સરકાર ગરીબોના ખાતામાં પૈસા જમા કરશે access_time 3:24 pm IST