Gujarati News

Gujarati News

News of Saturday, 16th March 2019

અમદાવાદ: હેબતપુરની સિમ નજીકથી પોલીસે 9.50 લાખના દારૂનો જથ્થો ઝડપી પાડ્યો

અમદાવાદ:લોકસભાની ચૂંટણીમાં દારૃની રેલમછેલ કરવા બુટલેરો મેદાને પડયા હોય તેમ અમદાવાદમાં દારૃની હેરાફેરી વધી રહી છે. પોલીસે હેબતપુર ગામની સીમમાંથી રૃા. ૯.૫૦ લાખની દારુની ૨,૬૨૦ બોટલો પકડી પાડી હતી. ચૂંટણીની આચાર સંહિતાના કારણે ઠેર ઠેર ચેકિંગ છતાં પોલીસની મીલી ભગતથી છેક રાજસ્થાનથી દારૃનો જથ્થો અમદાવાદ આવ્યો હોવાની શંકા સેવાઇ રહી છે.

પોલીસ કમિશનરની ગુના નિવારણ શાખાએ ગઇકાલે મોડી રાતે હેબતપુર ગામની સીમમાં આવેલા જય મેલડી ફાર્મ ખાતે દરોડો પાડયો હતો. જ્યાં અંધારામાં પડેલી એક આઇસર ગાડી ચેક કરતાં તેમાંથી ભારતીય બનાવટની દારૃની રૃા. ૯,૪૮,૦૦૦ની કિંમતની કુલ ૨૬૨૦ બોટલો કબજે કરી હતી. પોલીસે પણ તોડ કરીને દારૃ લાવનારાને ભગાડી મૂકીને કેસ નોંધ્યો હોવાનું પોલીસ વર્તુળોમાં ચર્ચાઇ રહ્યું છે.

(6:38 pm IST)
  • આજે ભાજપ ખોલશે પતાઃ પ્રથમ યાદી આવશેઃ ૧૦૦ ઉમેદવારો જાહેર થશેઃ નવી દિલ્હીઃ આજે ભાજપ સંસદીય પક્ષની બેઠક મળી રહી છેઃ ૧૦૦ જેટલા ઉમેદવારો જાહેર કરાશેઃ પ્રથમ યાદીમાં જ પીએમ મોદીનું નામ હશેઃ તેઓ વારાણસીથી ચૂંટણી લડશેઃ બિહાર માટેના નામોનું એલાન થઇ શકે છે. આ ઉપરાંત પ.યુપી, ઉત્તરાખંડ, દિલ્હી, પ.બંગાળ, ઓડીશા, મહારાષ્ટ્રના પણ કેટલાક નામો હશેઃ તેલંગણા અને આંધ્રની બધી બેઠકોના નામ જાહેર થશે કારણ કે ત્યાં ૧૧ અને ૧૮ એપ્રિલે મતદાન છે access_time 11:22 am IST

  • કોંગ્રેસ અધ્યક્ષ રાહુલ ગાંધી 2 સીટ ઉપરથી લોકસભા ચૂંટણી લડશે તેવી ચર્ચા : અમેઠીમાં 3 ટર્મથી ચૂંટાઈ આવતા રાહુલ ગાંધી માટે બીજી સીટ દક્ષિણ ભારતમાંથી પસંદ થાય તેવી શક્યતા : મહારાષ્ટ્ર અથવા મધ્યપ્રદેશની સલામત ગણાતી સીટની પણ પસંદગી થઇ શકે તેવું જાણકારોનું મંતવ્ય access_time 8:14 pm IST

  • છોટાઉદેપુરના નસવાડી તાલુકાના ઘેઁશવાડી ગામે ઘટના : સેન્ટરીંગ અને મિક્સર મશીનનો સામાન ભરીને જતી વખતે અને શ્રમજીવીઓ ને લઈ જતો ટેમ્પો પલ્ટી માર્યો :એક શ્રમજીવી મહીલા ઘટના સ્થળે નું મોત નિપજયું : અન્ય 6 મજૂરો ઘાયલ : 4 મજૂરો ને સારવાર અર્થે વડોદરા એસ.એસ.જી માં ખસેડાયા: 2 મજૂરો ને નસવાડી સામૂહિક આરોગ્ય કેન્દ્ર ખાતે સારવાર ચાલી રહયા છે access_time 2:10 pm IST