Gujarati News

Gujarati News

News of Sunday, 16th February 2020

અમદાવાદ એરપોર્ટ પર કસ્ટમ વિભાગે બે દિ'માં 13 જેટલા પેસેન્જરો પાસેથી 7 કિલો સોનુ પકડ્યું

કેરિયરો કપડા, મોજા, ટ્રાઉઝર, જેકેટ્સ, જીન્સ, અન્ડર ગારમેન્ટમાં સોનુ સંતાડીને દાણચોરી કરતા હતા.

અમદાવાદ એરપોર્ટ પર દાણચોરી વધી રહી છે. અમદાવાદમાં એરપોર્ટ પર સોનાની દાણચોરી કરતા કેરિયરો નવી-નવી ટેકનિક અપનાવીને ભારતમાં સોનું લાવવાનો પ્રયાસ કરે છે. અવારનવાર અમદાવાદના એરપોર્ટ પર પેસેન્જરો સોનામાં લાખો રૂપિયાના મુદ્દામાલ સાથે પકડાય છે. કસ્ટમ વિભાગની સતર્કતાના કારણે કેરિયરો દાણચોરી કરવામાં સફળ થતા નથી અને અગલ-અલગ પેંતરાઓથી લાવવામાં આવેલુ સોનુ કસ્ટમ વિભાગની સક્રિય કામગીરીના કારણે પકડાય છે. ત્યારે કસ્ટમ વિભાગે અલગ-અલગ રીતે સોનુ લાવતા 13 પેસેન્જરોને ઝડપી પાડીને તેમની પાસેથી 7 કિલો 24 કેરેટ સોનું જપ્ત કર્યું હતું.

              રિપોર્ટ અનુસાર અમદાવાદ એરપોર્ટ પર 7 અને 8 ફેબ્રુઆરીની રાત્રી દરમિયાન કુવેત, શારજાહ, દુબઈ, દોહા અને બેંગકોકથી ફ્લાઈટમાં આવેલા કેટલાક મુસાફરો  પાસે સોનુ હોવાની માહિતી કસ્ટમ વિભાગને મળી હતી. કસ્ટમ વિભાગના અધિકારીઓ આ ફ્લાઈટમાંથી આવતા તમામ મુસાફરોની તપાસ કરીને 13 જેટલા પેસેન્જરની પાસેથી 3.06 કરોડ રૂપિયાનું 7 કિલો 24 કેરેટ સોનું ઝડપી પાડ્યું હતું. સોનાની દાણ ચોરો કરતા કેરિયરો કપડા, મોજા, ટ્રાઉઝર, જેકેટ્સ, જીન્સ, અન્ડર ગારમેન્ટમાં સોનુ સંતાડીને દાણચોરી કરતા હતા.

(11:44 pm IST)
  • લોકતંત્રમાં અસહમતીનું સ્વાગત પરંતુ દેશને તોડવાની વાત નહિ કરી શકો : વૈંક્યા નાયડુ : ઉપરાષ્ટ્રપતિએ અભિવ્યક્તિની સ્વતંત્રતાનો યોગ્ય ઉપયોગ કરવા અનુરોધ કરતા કહ્યું કે લોકતંત્રમાં અસહમતીનું સ્વાગત છે પરંતુ તેના નામ પર દેશને તોડવાની વાત સ્વીકાર્ય નથી access_time 12:40 am IST

  • પશ્ચિમ બંગાળના માલદામાં નિર્માણાધીન પુલનો ભાગ ધરાસાયી : બે લોકોના કરૂણમોત : પાંચ લોકો ઘાયલ : માલદા જિલ્લાના વૈષ્ણવનગરમાં રવિવારે રાત્રે ગોઝારી દુર્ઘટના : ઘાયલોને હોસ્પિટલમાં ખસેડાયા : પોલીસ અને વહીવટીતંત્ર દ્વારા રાહત-બચાવ કાર્ય પુરજોશમાં ચાલુ : રાત્રે 8 વાગ્યે પુલનો એક ગર્ડર તૂટી પડતા કેટલાક મજૂરો દબાયાંની આશંકા access_time 12:33 am IST

  • એલઆરડી ભરતી વિવાદ મામલે રાજ્ય સરકારની મોટી જાહેરાત : 62,5 ટકા માર્ક્સ ધરાવનાર લોકોની ભરતી કરાશે : લઘુતમ મેરિટની માંગ સ્વીકારાઈ :તમામ વર્ગના પ્રતિનિધિઓની રજૂઆત સાંભળીને સરકારે કર્યો નિર્ણંય : મહિલાઓની બેઠકોની સંખ્યામાં જબરો વધારો કરાયો : તમામ વર્ગની મહિલાઓને વિશેષ ફાયદો કરાવ્યાનો સરકારનો દાવો : નીતિનભાઈ પટેલની મોટી જાહેરાત access_time 7:15 pm IST