Gujarati News

ગાંધીનગરમાં એક પછી એક આંદોલન વેગ પકડી રહ્યું છે ત્યારે એક હજારથી વધુ આદિવાસી લોકો ગાંધીનગર ખાતે આવી પહોંચ્યા છે અને તિર કામઠા સાથે સરકારનો હુરિયો બોલાવી અનુસૂચિત જાતિના ખોટા પ્રમાણપત્રો આપનાર અને લેનાર સામે ગુનો દાખલ કરવા માંગ કરી છે.

 આદિવાસી નૃત્ય કરી સરકાર સામે વિરોધ દર્શાવ્યો છે.  વિરોધમાં મહિલાઓ પણ જોડાઈ છે. આદિવાસી લોકોએ સરકારને 26 તારીખ સુધીનું અલ્ટીમેટમ આપ્યું છે. સરકાર નહી સાંભળે તો ઉગ્ર વિરોધની ચીમકી ઉચ્ચારી છે. આદિવાસી સમાજ ના લોકો દ્વારા તિર કામઠાં તૈયાર કરવામાં આવ્યા છે. 15 થી 16 હજાર જેટલા તિર કામઠાં તૈયાર કરવામાં આવ્યા છે. સરકાર નહી સાંભરે તો તિર કામઠાં સાથે રસ્તા ઉપર લોકો ઉતરી પડશે તેવી ચીમકી ઉચ્ચારવામાં આવી છે.