Gujarati News

Gujarati News

News of Saturday, 16th January 2021

સુરતના વરાછામાં હીરાની ઓફિસમાં કામે લાગેલ કારીગર 15 જ દિવસમાં 1.75 લાખના હીરા ચોરી ફરાર થઇ જતા ગુનો દાખલ

સુરત: શહેરના વરાછા માનગઢ ચોક ખાતે ઓફિસ ધરાવતા હીરા કારખાનેદારે ઓફિસમાં સરીન પ્લાનર તરીકે રાખેલો કારીગર કામ ઉપર જોડાયાના અઠવાડીયામાં પહેલી વખત જ નાઈટ શિફ્ટમાં નોકરી ઉપર હતો ત્યારે ભાઈ ટિફિન આપવા નીચે આવ્યો છે તેમ સહકર્મીને કહી રૂ.1.75 લાખના હીરા ચોરી ફરાર થઈ ગયો હતો.

મૂળ ભાવનગરના વતની અને સુરતમાં વરાછા હીરાબાગ પૂર્વી સોસાયટી વિભાગ 2માં રહેતા વિઠ્ઠલભાઈ આંબાભાઈ મેંદપરાની ઓફિસમાં એક માસ અગાઉ ઓફિસમાં સરીન પ્લાનરની જરૂર હોય કારીગર પ્રશાંત શર્માની ઓળખાણથી જયદિપ રમેશભાઈ ભેસારા ગત 19 ડિસેમ્બરના રોજ નોકરીએ જોડાયો હતો.

ગત 25 ડિસેમ્બરની રાત્રે રાહુલ જયદિપને પહેલી વખત નાઈટ શિફ્ટમાં મૂકી તેને રૂ.1.75 લાખની કિંમતના 31 કેરેટ કાચા હીરા આપી ઘરે પહોંચ્યો તેના એક જ કલાકમાં અન્ય કારીગર લોકેન્દ્ર રાજપૂતનો 9.15 વાગ્યે ફોન આવ્યો હતો કે જયદિપ 9 વાગ્યે ભાઈ ટિફિન આપવા નીચે આવ્યો છે તેમ કહી નીચે ગયો છે પણ પરત આવ્યો નથી. આથી વિઠ્ઠલભાઈ અને રાહુલ ઓફિસે દોડી ગયા હતા.

(6:02 pm IST)
  • ટીમ ઈન્ડિયાના ક્રિકેટરો હાર્દિક અને કૃણાલ પંડ્યાના પિતાશ્રીનું નિધન : ભારતીય ટીમના ઓલરાઉન્ડરો હાર્દિક પંડ્યા અને કૃણાલ પંડ્યાના પિતાશ્રી હિમાંશુ પંડ્યાનું આજે વડોદરામાં વ્હેલી સવારે હાર્ટએટેકનો હુમલો આવતા દુઃખદ નિધન : કૃણાલ સૈયદ મુસ્તાક અલી ટી-૨૦ ટુર્નામેન્ટ છોડી રવાના થઈ ગયો હોવાનું જાણવા મળે છે. સવારે ૧૦ વાગ્યે access_time 10:10 am IST

  • વેક્સિન અંગે કોઇ અફવા માનશો નહીં, સંપૂર્ણ સલામત છે: તબક્કાવાર સૌને મળશે: વિજયભાઈ રૂપાણી : ગુજરાતમાં વેક્સિનેશનને લઇને મુખ્યમંત્રી વિજયભાઈ રૂપાણીએ કહ્યું, વેક્સિનને લઇને કોઇ જ અફવામાં આવવું નહીં, તબક્કાવાર તમામને મળશે, વેક્સિન સંપૂર્ણ સુરક્ષિત છે access_time 1:47 pm IST

  • ' માનવ જબ જોર લગાતા હૈ ,પથ્થર પાની બન જાતા હૈ ' : વડાપ્રધાન શ્રી નરેન્દ્ર મોદીએ ટીકાકરણની શરૂઆત પ્રસંગે રાષ્ટ્રકવિ રામધારી સિંહ દિનકરની કવિતાની પંક્તિ ટાંકી : પ્રથમ તબક્કે 1 કરોડ હેલ્થ વર્કર ,તથા 2 કરોડ ફ્રન્ટલાઈન વર્કર્સને રસી અપાશે access_time 11:08 am IST