Gujarati News

Gujarati News

News of Saturday, 16th January 2021

આ...લે...લે... પ્‍લેનમાં આવી લોકોના ઘરોમાં ચોરી કરતી ગેંગ આણંદથી ઝડપાઇ

આણંદ: આંણદ પોલીસે એવા ચોરને પકડ્યો છે કે જેની ઓળખ અને ગુનામાં તો એક ઘરફોડ ચોર તરીકેની છે. પરંતુ આ સિવાય આ ચોર વિમાન મુસાફરી કરીને ગુજરાત બહાર પણ ચોરી કરતો હતો.

રાજ્યમાં વધી રહેલા ઘરફોડ ચોરીના કિસ્સા પોલીસ માટે પણ માથાનો દુખાવો બન્યા છે. ત્યારે આંણદ-નડિયાદ શહેર અને આસપાસના વિસ્તારોમાં પણ આજ મુજબ બનેલ ચોરીના કિસ્સાઓ બન્યા હતા. તેથી તેને લઇને આંણદ પોલીસની અલગ અલગ ટીમ ચોરી કરનારને શોધી રહી હતી. નડિયાદ શહેરના બંધ મકાનમાં ચોરી કરનાર શખ્સ નવગણપુજા અને તેના સાગરિતો વિશેની બાતમી આંણદ ટાઉન પોલીસને મળી હતી. આંણદના ચિખોદરા ગામેથી

શહેર તરફ એક જ્યુપીટર ટુ વ્હીલર પર બે શખ્સો આવવાની જાણ થતા એલસીબી અને ટાઉન પોલીસે શહેરની ગણેશ ચોકડી પાસે તેમને રોકી પૂછપરછ કરી હતી. જે દરમિયાન તેમના વાહનના પુરાવા વિશે સંતોષકારક જવાબ ન મળતા તેમની અટકાયત કરાઇ હતી. આ શખ્સો પાસેથી રોકડ રકમ અને મોબાઇલ પણ મળી આવ્યા હતા.

જોકે પોલીસે તેમની અટકાયત કરતા ચોંકાવનારા ખુલાસા થયા હતા. તેઓએ નડિયાદની મકાન ચોરી સહિત બીજા પણ ઘરફોડ ચોરી કરી હોવાનું કબૂલ્યું હતું. પોલીસે આ ઘરફોડ ચોર પાસેથી ૯૮૪ ગ્રામ જેટલુ સોનુ અને ૩.૪ કીલો ચેટલી ચાંદીની રિકવરી કરી છે. ત્યારે પોલીસનું માનવુ છે કે, આ ચોરો સામેની તપાસમાં વધુ કેટલાક ઘરફોડ ચોરીના કિસ્સાના ભેદ ઉકેલી શકાશે.

પકડાયેલા આ ચોર બંધ મકાનને ટાર્ગેટ કરી રોકડ રકમ અને સોના ચાંદીની ચોરી કરવાની મોડસ ઓપરેન્ડી ધરાવા હતા. પોલીસની પૂછપરછમાં ચોરો ન માત્ર ગુજરાત, પરંતુ રાજ્ય બહાર કર્ણાટક, તમિલનાડુ જેવા રાજ્યોમાં પણ વિમાન મુસાફરી કરી હોવાનું જાણવા મળ્યું છે તેવુ આણંદના ડીવાયએસપી ડીઆર ભાટિયાએ જણાવ્યું.

(4:54 pm IST)
  • ટીમ ઈન્ડિયાના ક્રિકેટરો હાર્દિક અને કૃણાલ પંડ્યાના પિતાશ્રીનું નિધન : ભારતીય ટીમના ઓલરાઉન્ડરો હાર્દિક પંડ્યા અને કૃણાલ પંડ્યાના પિતાશ્રી હિમાંશુ પંડ્યાનું આજે વડોદરામાં વ્હેલી સવારે હાર્ટએટેકનો હુમલો આવતા દુઃખદ નિધન : કૃણાલ સૈયદ મુસ્તાક અલી ટી-૨૦ ટુર્નામેન્ટ છોડી રવાના થઈ ગયો હોવાનું જાણવા મળે છે. સવારે ૧૦ વાગ્યે access_time 10:10 am IST

  • કોવેક્સિન રસી બનાવતી કંપની ભારત બાયોટેક્નું એલાન : રસીની અવળી અસર થશે તો સારવારનો ખર્ચ કંપની ઉઠાવશે : ગંભીર અસર થાય તો વળતર ચુકવશે access_time 8:41 pm IST

  • ભાજપ સાંસદ સાધ્વી પ્રજ્ઞાએ પોતાને મળતા પગારમાંથી 1.11 લાખ રૂપિયા રામ મંદિર નિર્માણ માટે આપ્યા : ભારત ભક્તિ અખાડા તરફથી 11 લાખ રૂપિયાનું દાન આપ્યું : વિશ્વ હિન્દૂ પરિષદને ચેક આપતી વખતે મંદિર નિર્માણમાં તેઓના સહયોગને બિરદાવ્યું access_time 6:27 pm IST