Gujarati News

Gujarati News

News of Saturday, 16th January 2021

વિપક્ષ નેતા ધાનાણી ધરણા કરશેઃ સીએમ રૂપાણીને પત્ર લખી જણાવ્‍યું ‘અંગત સચિવની નિમણુંક થતી નથી'

ગાંધીનગરઃ ગુજરાત વિધાનસભામાં વિપક્ષ નેતા પરેશ ધાનાણીએ મુખ્યમંત્રી વિજય રૂપાણી અને તેમના મુખ્ય અગ્ર સચિવને પત્ર લખીને ચીમકી આપી છે કે, તેમના અંગત સચિવની નિમણૂંક નહીં કરવામાં આવે, તો તેઓ તેમના કાર્યાલય બહાર ગાંધી ચિંધ્યા માર્ગે ધરણા કરશે.

પરેશ ધાનાણીએ પત્ર લખીને આરોપ મૂક્યો છે કે, મારા અંગત સચિવની જગ્યા ઉપર 31 જાન્યુઆરી 2020ના રોજ ડેપ્યુટી કંટ્રોલર તરીકે નિવૃત થયેલા એચ. જે. પારેખની નિયુક્તિ કરવામાં આવી હોવા છતા તેમની નિમણૂંકને હજુ મંજૂરી આપવામાં આવી નથી.

ઉલ્લેખનીય છે કે, 4 મહિના જેટલો સમય થઇ ગયો હોવા છતાંય વિપક્ષ નેતાના કાર્યાલય માટે અંગત સચિવની નિમણૂકની ખાલી જગ્યા સરકાર દ્વારા મંજૂર કરવામાં આવી નથી. આટલું જ નહીં, આ માટેની કોઈ કાર્યવાહી પણ કરવામાં આવતી ન હોવાનો આક્ષેપ કરવામાં આવ્યો છે.

CM રૂપાણીને લખેલા પત્રમાં વિપક્ષ નેતા ધાનાણીએ આક્ષેપ કર્યો છે કે, રાજ્ય સરકારના વિભાગોમાં અને મંત્રીઓના અંગત સચિવ તરીકે તેમના માનીતા અધિકારીઓને નિમણૂંકની કાર્યવાહી એક સપ્તાહ કરતાં ઓછા સમયમાં પૂરી કરી દેવામાં આવે છે.

આટલું જ નહીં, આ નિમણૂંકોમાં 7 જુલાઇ, 2016ના પરિપત્રનું ઉલ્લંઘન કરીને 62 વર્ષના બદલે 79 વર્ષ સુધી પહોંચેલા અધિકારીઓની નિયુક્તિ પણ કરવામાં આવે છે. આ સાથે જ પરેશ ધાનાણીએ નિવૃત્ત થયેલા સરકારના અલગ-અલગ વિભાગમાં ફરજ બજાવતા ઉચ્ચ અધિકારીઓની વિગતો પણ મુખ્યમંત્રીના ધ્યાને દોરી છે. જેમાં વર્ષ 2013માં વય નિવૃત થઈ ચૂકેલા સનદી અધિકારી અને 68 વર્ષના કૈલાસનાથનના નામનો પણ ઉલ્લેખ કરવામાં આવ્યો છે.

પરેશ ધાનાણીએ પ્રશ્ન ઉઠાવ્યો છે કે, CMOથી માંડીને અલગ-અલગ જગ્યાઓ ઉપર વય નિવૃત્ત થયેલા ઉચ્ચ અધિકારીઓની નિમણૂંક ઝડપી કરવામાં આવતી હોય, તો મારા કાર્યાલય માટે નિમણૂંકની મંજૂરીમાં સરકાર કેમ વિલંબ કરે છે?

વિપક્ષ નેતા ધાનાણીએ ખાલી પડેલી પોતાના અંગત સચિવની નિમણૂકની કાર્યવાહી ઝડપી નહીં કરવામાં આવે તો આવનાર દિવસોમાં ગાંધી ચિંધ્યા માર્ગે ધરણા કરવાની ચીમકી ઉચ્ચારી છે.

(4:52 pm IST)
  • ટીમ ઈન્ડિયાના ક્રિકેટરો હાર્દિક અને કૃણાલ પંડ્યાના પિતાશ્રીનું નિધન : ભારતીય ટીમના ઓલરાઉન્ડરો હાર્દિક પંડ્યા અને કૃણાલ પંડ્યાના પિતાશ્રી હિમાંશુ પંડ્યાનું આજે વડોદરામાં વ્હેલી સવારે હાર્ટએટેકનો હુમલો આવતા દુઃખદ નિધન : કૃણાલ સૈયદ મુસ્તાક અલી ટી-૨૦ ટુર્નામેન્ટ છોડી રવાના થઈ ગયો હોવાનું જાણવા મળે છે. સવારે ૧૦ વાગ્યે access_time 10:10 am IST

  • દેશમાં કોરોના થાક્યો; નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 12 વાગ્યા સુધીમાં કોરોનાના નવા 14,019 કેસ નોંધાયા :કુલ કેસની સંખ્યા 1,05, ,57,679 થઇ :એક્ટિવ કેસ 2,06,879 થયા: વધુ 15,011 દર્દીઓ સ્વસ્થ થતા કુલ 1,01,93,994 થયા :વધુ 162 લોકોના મોત સાથે કુલ મૃત્યુઆંક 1,52,292 થયા access_time 12:56 am IST

  • દેશમાં કોરોના હાંફ્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 11 વાગ્યા સુધીમાં કોરોનાના નવા 15,336 કેસ નોંધાયા :કુલ કેસની સંખ્યા 1,05, ,43,844 થઇ :એક્ટિવ કેસ 2,08,357 થયા: વધુ 16,355 દર્દીઓ સ્વસ્થ થતા કુલ 1,01,78,437 થયા :વધુ 771 લોકોના મોત સાથે કુલ મૃત્યુઆંક 1,52,665 થયા access_time 1:04 am IST