Gujarati News

Gujarati News

News of Saturday, 16th January 2021

નીલગાયનો શિકાર કરવા ગયેલી ટોળકી દ્વારા મિસફાયર થતા એક સાગરિતનું મોત :ચકચાર

કરજણના ચોરંદા ગામની સીમમાં શિકાર કરવાના ઇરાદે નીલ ગાય પર ફાયરિંગ

વડોદરા : જિલ્લાના કરજણ તાલુકાના ચોરંદા ગામની સીમમાં મોડી રાત્રે નીલ ગાયનો શિકાર કરવા આવેલી ટોળકીએ નીલ ગાય ઉપર ફાયરિંગ કર્યુ હતું. જોકે, ફાયરિંગમાં ટોળકીના જ એક સાગરીતને ગોળી વાગતા મોત નિપજતા ચકચાર મચી ગઇ હતી

  ભરૂચ જિલ્લાના હલદરવા અને જંગાર ગામની નીલ ગાયનો શિકાર કરતી ટોળકી મોડી રાત્રે કરજણ તાલુકાના ચોરંદા ગામની સીમમાં નીલ ગાયનો શિકાર કરવા માટે આવી હતી. ટોળકી દ્વારા નીલ ગાયનો શિકાર કરતી વખતે મિસ ફાયર થયું હતું. જેમાં ટોળકીના આસિફ ઝગારીયાવાલાને છાતીના ભાગે ગોળી વાગતા ઇજા થઈ હતી. આ ટોળકી આસિફને લઇને ભરુચ પહોંચી ગઈ હતી અને સ્થાનિક હોસ્પિટલમાં ખસેડયો હતો. જ્યાં તેનું સારવાર દરમિયાન મોત નીપજ્યું હતું. જે દરમિયાન આ બનાવની જાણ કરજણ પોલીસને થતાં કરજણ પોલીસ સ્થળ પર દોડી ગઇ હતી અને મૃતદેહનું પોસ્ટમોર્ટમ કરવાની તજવીજ સાથે સ્થાનિક લોકો પાસેથી વિગતો મેળવી આગળની કાર્યવાહી હાથ ધરી હતી

(3:04 pm IST)
  • દેશભરમાં આજે 1,65,714 લોકોને કોરોનાની રસી આપવામાં આવી હતી : રસીકરણ પછી હજી સુધી એકપણ વ્યક્તિને આડઅસર થઈ હોય કે હોસ્પિટલમાં દાખલ થયા હોય તેવું સામે નથી આવ્યું તેમ કેન્દ્રીય આરોગ્ય મંત્રાલયે જણાવ્યું છે. access_time 7:42 pm IST

  • સમગ્ર પાટનગર ઉપર : ધુમ્મસની ચાદર છવાઇ ગઈ :આજે સવારે રાજધાની નવી દિલ્હીના લગભગ તમામ વિસ્તારો ઉપર ગાઢ ધુમ્મસની ઘેરી ચાદર છવાઈ ગયાનું દ્રશ્ય જોવા મળતું હતું. આવતા ચોવીસ કલાકમાં ટેમ્પરેચરમાં થોડો ઘટાડો થશે. દિલ્હી એરપોર્ટ ઉપર આવતી અને જતી ઘણી ફ્લાઇટો આ ધુમ્મસને લીધે મોડી થઈ રહી હતી. સવારે સાડા આઠ વાગ્યે પણ દિલ્હી એરપોર્ટ ના રન-વે ઉપર ઝીરો વિઝિબિલિટી જોવા મળી હતી. access_time 11:39 am IST

  • સ્પેનમાં કોરોનાની ત્રીજી લહેર : કોરોના વિસ્ફોટ :છેલ્લા ૨૪ કલાકમાં સ્પેનમાં રેકોર્ડબ્રેક :૪૦ હજારથી વધુ નવા કેસ અને બે દિવસમાં ૭૫ હજારથી વધુ કેસ નોંધાયા access_time 11:40 am IST