Gujarati News

Gujarati News

News of Friday, 15th January 2021

ખેડા હાઈવે પર ટ્રક ચાલકે બાઈકને ટક્કર મારતા ત્રણ મિત્રોના કરુણ મોત: પંથકમાં શોકનો માહોલ

મેહમદાવાદ બજારમાં મિત્રો સાથે બાઈક પર પતંગ દોરી લેઈ ઘરે પરત ફરી રહેલા યુવાનોને કાળ ભેટ્યો

ખેડા : મેહમદાવાદ બજારમાં મિત્રો સાથે બાઈક પર પતંગ દોરી લેઈ ઘરે પરત ફરી રહેલા ત્રણ યુવકોને ખેડા હાઈવે પર ટ્રક ચાલકે અડફેટે લેતા ત્રણેયના મોત થયા હતા. સમગ્ર પંથકમાં ભારે શોકનો માહોલ જોવા મળી રહ્યો છે.

આ બનાવની મળતી માહિતી પ્રમાણે, મહેમદાવાદના ગાડવાના સુરેશભાઈ બુધાભાઈ પરમાર, પોતાના મિત્રો સુનીલ પુંજાભાઈ રાઠોડ, સતીષભાઈ રમેશભાઈ પરમાર, ભત્રીજો રતનસિંહ અમરસિંહ પરમાર, મનહરભાઈ રણછોડભાઈ ચૌહાણ ઉત્તરાયણના આગલા રાત્રે સાડા અગિયારવાગે પતંગ દોરી કપડાં લેવા માટે બે બાઈકો પર મહેમદાવાદ બજારમાં જવા નીકળ્યા હતા. ત્યાંથી પતંગ દોરી ખરીદી પાંચેય મિત્રો બે જુદી જુદી બાઈકો પર પરત ઘરે આવી રહ્યા હતા.

રાત્રિના બે વાગ્યાના સુમારે જ્યારે પાંચેય યુવાનો બે અલગ અલગ બાઈકો પર ઘરે આવી રહ્યા હતા ત્યારે મહેમદાવાદ ટી પોઈન્ટ પાસે સુનિલે આગળ જતી ટ્રકને ઓવરટેક કરવા જતા સામેથી અચાનક બીજી ટ્રક આવી હતી. અને સુનીલનું બાઈક આગળ જતી ટ્રક સાથે અથડાતા ત્રણેય ટ્રક નીચે પટકાયા હતા અને ટ્રકનું વ્હીલ તમામના ઉપરથી ફરી વળતા ત્રણેયનું ઘટના સ્થળે જ મોત નિપજયું હતું. જ્યારે ટ્રક ચાલક અકસ્માત સર્જી ફરાર થઈ ગયો હતો.

આ બનાવને લઈ પરિવારનોમાં ભારે શોકનો માહોલ જોવા મળી રહ્યો છે. બનાવની જાણ પોલીસને થતા પોલીસ કાફલો તાત્કાલિક ઘટના સ્થળે આવી મૃતદેહોને પીએમ અર્થે મહેમદાવાદની હોસ્પિટલમાં ખસેડ્યા હતા અને આગળની કાર્યવાહી હાથ ધરી હતી.

(12:47 am IST)
  • કોવિદ -19 કરતા પણ ભાજપ વધુ ખતરનાક છે : હિન્દૂ મુસ્લિમો વચ્ચે દંગા કરાવે છે : જો પશ્ચિમ બંગાળમાં ભાજપનું શાસન આવશે તો મુસલમાનોનું કાઉન્ટ ડાઉન શરૂ : ટી.એમ.સી.સાંસદ નુસરત જહાં access_time 6:36 pm IST

  • સમાજવાદી પાર્ટીના કદાવર નેતા આઝમ ખાં ને ઝટકો : જોહર યુનિવર્સીટીની 70 હેકટર જમીન યુ.પી.સરકારના નામે થઇ જશે : એસ.પી.પાર્ટીના રાજમાં સેંકડો વીઘા જમીન જોહર ટ્રસ્ટને પાણીના ભાવે અપાઈ હતી : એ.ડી.એમ.કોર્ટનો ચુકાદો access_time 8:14 pm IST

  • અયોધ્યામાં રામ મંદિર નિર્માણ માટે દાનનો ધોધ : ઉત્તરાખંડના રાજ્યપાલ બેબી રાની મૌર્યએ 1 લાખ 21 હજાર તથા મહારાષ્ટ્રના રાજ્યપાલ ભગતસિંહ કોશિયારીએ 1 લાખ 11 હજાર રૂપિયા આપ્યા : ઉત્તરાખંડના મુખ્યમંત્રી ત્રિવેન્દ્ર સિંહ રાવતે 1 લાખ 51 હજાર તથા ઉત્તર પ્રદેશના મુખ્યમંત્રી યોગી આદિત્યનાથે 2 લાખ રૂપિયાનું ડોનેશન આપ્યું : ઉત્તર પ્રદેશના રાયબરેલી જિલ્લાના તેજગામ ના પૂર્વ ધારાસભ્ય સુરેન્દ્ર બહાદુર સિંહએ 1 કરોડ , 11 લાખ ,11 હજાર ,111 રૂપિયા આપ્યા : ' જય શ્રી રામ " access_time 12:07 pm IST