Gujarati News

Gujarati News

News of Sunday, 15th September 2019

સુરતમાં કાપડ માર્કેટની 1000 જેટલી દુકાનો સીલ: ફાયર સેફ્ટીની સુવિધા નહિ હોવાથી મોટી કાર્યવાહી

ટેક્સટાઇલ માર્કેટમાં મોટીસંખ્યામાં દુકાનો સીલ કરતા વેપારીઓમાં દોડધામ

સુરત શહેરના રીંગ રોડ વિસ્તારમાં ફાયર સેફ્ટીના અભાવે ટેક્સટાઇલ માર્કેટની 1000 જેટલી દુકાનોને સુરત ફાયર વિભાગ દ્વારા સીલ કરવામાં આવતા વેપારીઓમાં દોડધામ મચી હતી.

સુરત શહેરમાં તક્ષશિલા અગ્નિકાંડની ઘટના બાદ પણ વેેપારીઓ અને રહીશો ફાયર સેફ્ટીના સાધનો વસાવવામાં આળસ બતાવી રહ્યા છે, ત્યારે શહેરના રિંગરોડ ખાતે આવેલ રૂષભ માર્કેટ, રોહિત એસ.સી. માર્કેટ, શંકર માર્કેટ અને લક્ષ્‍મી માર્કેટને સુરત ફાયર વિભાગ દ્વારા વારંવાર નોટિસ પણ આપવામાં આવી હતી. પરંતુ તેઓ દ્વારા કોઇ પગલાં લેવામાં નહિ આવતા 1000 જેટલી દુકાનોને સીલ મારી દેવામાં આવી છે.

સુરત ટેક્સટાઇલ માર્કેટમાં રોજ હજારો લોકોનો જમાવડો હોય છે પરંતુ રૂષભ માર્કેટ, રોહિત એસ.સી. માર્કેટ, શંકર માર્કેટ અને લક્ષ્‍મી માર્કેટના વેપારીઓએ ફાયર સેફ્ટીના નિયમનું અમલીકરણ નહીં કરાતા આખરે સુરત ફાયર વિભાગની દ્વારા આ ચારેય માર્કેટની 1000 જેટલી દુકાનોને સીલ મારી દેતા વેપારીઓ દોડતા થઇ ગયાં છે.

(1:57 pm IST)
  • રાજ્યમાં ટ્રાફિકના નવા નિયમનના અમલવારી માટે પોલીસતંત્ર સજ્જ : નવા નિયમની અમલવારીને લઈને ટ્રાફિકના ઉચ્ચ અધિકારીઓની બેઠક : નિયમની કડક અમલવારી કેવી રીતે કરાવવી તે અંગે બેઠકમાં મહત્વના નિર્ણય લેવાયા:સામન્ય લોકો સાથે સાથે પોલીસ કર્મીઓને પણ ટ્રાફિકના નિયમોનું પાલન કરવા સૂચના : access_time 12:51 am IST

  • ભારે કરી : રેલવે પોલીસને હેલ્પલાઇન નંબર પર આવે છે પિઝ્ઝા -બર્ગર માટે ફોન : સ્ટાફ પિઝા અને બર્ગરની ડિલિવરી કરે છે કે કેમ ? તેવા પુછાય છે સવાલ : રાજધાની દિલ્હીમાં રેલવેને નવી મુશીબત :યાત્રીઓ પિઝા અને બર્ગરની ડિલિવરી માટે કરે છે માંગણી : હેલ્પલાઇન નંબરમાં 80 ટકાથી વધુ ફોન પીઝા અને બર્ગર માટે આવે છે : મોબાઈલ રિચાર્જ માટે પણ કરાઈ છે પૂછપરછ access_time 12:53 am IST

  • ભારતીય વાયુસેનાની સૈન્ય ક્ષમતામાં મોટો વધારો :વાયુસેનાને ઇઝરાયલ પાસેથી મળ્યો સ્પાઇસ બોમ્બનો પહેલો જથ્થો: બાલાકોટમાં ઉડાવ્યા હતા આતંકી કેમ્પ: ભારતીય વાયુસેનાના કાફલામાં સ્પાઇસ-2000 લેઝર ગાઇડેડ બોમ્બને સામેલ કરાયા : માર્ક 84 વૉર હેડ અને બોમ્બની સાથે સ્પાઇસ 2000 બોમ્બની પહેલી ખેપ ગ્વાલિયર પહોંચી હતી. access_time 12:52 am IST