Gujarati News

Gujarati News

News of Friday, 14th September 2018

પેટલાદ તાલુકાના જોગણ ગામે રહસ્યમય રીતે દંપતી ગૂમ થતા તપાસ શરૂ

પેટલાદ:તાલુકાના જોગણ ગામે આવેલા સુથાર ફળિયામાં રહેતું એક દંપતી રહસ્યમ રીતે ગત ૧૪મી મેના રોજથી ગુમ થઈ જતાં ચકચાર મચી જવા પામી છે. આ અંગે પેટલાદ શહેર પોલીસે જાણવા જોગ નોંધ દાખલ કરીને તપાસ હાથ ઘરી છે. 
પ્રાપ્ત વિગતો અનુસાર કલ્પેશભાઈ હિંંમતભાઈ પટેલ (ઉ. વ. ૩૫)પોતાની પત્ની કાજલબેન ઉર્ફે પાર્વતીબેન (ઉ. વ. ૩૨)ની સાથે જોગણ ગામે આવેલા પિતરાઈ ભાઈને ત્યાં રહેતા હતા અને તેમની અનાજ કરિયાણાની દુકાને બેસીને મદદ કરતા હતા. ગત ૧૪મી મેના રોજ સાંજના સુમારે આ દંપતી ઘરેથી કોઈને પણ કહ્યા વગર ક્યાંક ચાલી નીકળ્યું હતુ. જેથી લાગતાવળગતા તમામ સગાસંબંધીઓને ત્યાં તપાસ કરવામાં આવી હતી પરંતુ મળી આવ્યા નહોતા. પોલીસના જણાવ્યા અનુસાર કલ્પેશે રાજસ્થાનની કાજલબેન ઉર્ફે પાર્વતીબેન સાથે ત્રણેક વર્ષ પહેલા પીપળાવ આશાપુરી માતાના મંદિરે ફુલહાર કરીને લગ્ન કર્યા હતા. તેઓને કોઈ સંતાન નથી. કલ્પેશના પિતા અસ્થિર મગજના છે, જ્યારે માતા નથી. એક ભાઈ છે તે પણ પિતરાઈ ભાઈની સાથે રહે છે. જેથી એવું મનાઈ રહ્યું છે કે, દંપતી રાજસ્થાન જતુ રહ્યું હોય. પોલીસ દ્વારા રાજસ્થાનના સરનામાની શોધખોળ હાથ ઘરી છે. 
બીજી તરફ દંપતી ગુમ થયાને ચાર મહિનાનો સમય વીતી ગયો હોવા છતાં પણ કોઈ ભાળ ના મળતાં પરિવારજનો પણ ચિંતામાં મુકાયા છે.

(4:42 pm IST)
  • વડોદરામાં જળ શુદ્ધી માટે ફટકળીના ગણપતિ બનાવાયા access_time 12:12 am IST

  • આંતરરાષ્ટ્રીય બજારોમાં ઓઈલના ભાવોમાં વધારો થતા દેશમાં પેટ્રોલના ભાવો વધ્યા : અરૂણ જેટલીઃ દેશભરમાં પેટ્રોલ - ડિઝલના દરરોજ ભાવ વધી રહ્યા છે ત્યારે આખરે મૌન તોડતા નાણામંત્રી અરૂણ જેટલીએ સમીક્ષા બેઠકમાં પોતાની પ્રતિક્રિયા આપતા જણાવ્યું હતું કે, ભારતીય અર્થ વ્યવસ્થાનો વિકાસદર ઉંચો છે અને આંતરરાષ્ટ્રીય બજારોમાં ઓઈલના ભાવોમાં વધારો થતા પેટ્રોલ - ડિઝલના ભાવમાં વધારો થઈ રહ્યો છે : રાજકોષીય ખોટને કાબુમાં લાવવાના પ્રયાસો સતત ચાલુ હોવાનું તેમણે જણાવ્યુ હતું access_time 3:18 pm IST

  • જામનગરમાં તારમામદ સોસાયટીમાં હુમલો કરીને લૂંટ :દસ શખ્સોએ ચાર યુવાનની કારને આંતરી કર્યો હુમલો:ત્રણ લાખની રોકડ અને એક સોનાના ચેઇનની લૂંટ:કારમાં તોડફોડ, ચારેય ઘાયલોને હોસ્પિટલ ખસેડાયા:પોલીસ ઘટના સ્થળ બાદ હોસ્પિટલ પહોંચી:જૂની અદાવતમાં માથાકૂટ થયાનું પ્રાથમિક તારણ : પોલીસ તપાસ શરૂ access_time 9:19 pm IST