Gujarati News

Gujarati News

News of Friday, 14th September 2018

ચકલાસી પોલીસે જાદવપુરામાં ધમધમતા જુગારધામ પર દરોડા પાડી 9 શકુનિઓને 20 હજારની રોકડ સાથે ઝડપ્યા

ચકલાસી:પોલીસે જાદવપુરામાં ધમધમતા જુગારધામ ઉપર દરોડો પાડીને હારજીતનો જુગાર રમતા નવ ઈસમોને રંગે હાથ ઝડપી પાડ્યા હતા. પોલીસે સ્થળ પરથી જુગાર રમવાના સાધનો તેમજ રોકડા રૂા. ૨૦૨૧૦ કબજે કરી કાયદેસર કાર્યવાહી હાથ ધરી હતી. 
ચકલાસી પોલીસ નાઈટ પેટ્રોલીંગમાં નીકળી હતી. આ દરમ્યાન માહિતી મળેલ કે ચકલાસીના જાદવપુરામાં મહેશભાઈ ગોરધનભાઈ જાદવના ઘર આગળ ચાર્જેબલ બેટરીના લાઈટના અજવાળે કેટલાક લોકો જુગાર રમે છે. જેથી પોલીસે રાત્રે દરોડો પાડી જુગાર રમતા નજીરભાઈ ઈબ્રાહીમભાઈ વ્હોરા, દિલીપભાઈ જશભાઈ સોની, ફરીદભાઈ અબ્દુલ રસીદ શેખ, સિકંદરખાન ઐયુબખાન પઠાણ, મનોજભાઈ જગદીશભાઈ દરજી, પિયુષભાઈ ઓમ પ્રકાશ પંડિત, ઈશ્વરભાઈ બાબુભાઈ ગોહિલ, ઉમેશભાઈ ઓઘવભાઈ કપુરીયા તથા ઈમરાન અસગરભાઈ કુરેશી (તમામ રે. નડિયાદ) ને ઝડપી પાડ્યા હતા. પોલીસે સ્થળ પરથી પત્તા પાના જુગાર રમવાના સાધનો, દાવ ઉપરથી રૂા. ૨૮૫૦ તથા અંગ જડતીમાં રૂા. ૧૭૩૬૦ મળી કુલ રૂા. ૨૦૨૧૦ રોકડ કબજે કર્યા હતા. આ બનાવ અંગે ચકલાસી પોલીસે જુગારધારા હેઠળ કાયદેસર કાર્યવાહી હાથ ધરી છે. 

(4:41 pm IST)
  • સાવરકુંડલાના ઘોબા અને ભમોદરા માં ધોધમાર વરસાદ:અડધો ઇંચ વરસાદ ખાબકતા ઘોબા ની બજારો થઈ પાણી પાણી:ખેડૂતો માટે આશીર્વાદ સમાનનો વરસાદ:રસાદને કારણે ખેડૂતોમાં ખુશહાલી access_time 8:28 pm IST

  • એક દેશ એક ચૂંટણી થાય : અમિત શાહઃ ભાજપના રાષ્ટ્રીય અધ્યક્ષે કહ્યું એક દેશ એક ચૂંટણી થાય: જે સમર્થનમાં હતા તે હવે ફરી ગયાઃ દેશમાં લોકસભા - વિધાનસભા ચૂંટણી એક સાથે યોજાય : ચંદ્રશેખરે કેમ વધાર્યા ચૂંટણી ખર્ચ : તેલંગણામાં ભાજપ મજબૂતીથી લડશે access_time 3:18 pm IST

  • વડોદરાના મુસ્લિમ યુવાને માચિસની 12 હજાર સળીથી બનાવી:ગણેશજીની અનોખી મૂર્તિ: હુસેનખાન પઠાણ માત્ર ચોથું ધોરણ ભણેલો:દેશમાં કોમી-એક્તાનો સંદેશો પાઠવવા માટે મૂર્તિ બનાવાઈ :માચિસની સળીઓ વડે ગણેશની 2.5 ફૂટ ઊંચી પ્રતિમા બનાવી access_time 1:06 am IST