Gujarati News

સુરત: સુરત જિલ્લાના માંગરોળમાં ગોઝારો અકસ્માત જેમાં માંડવી મામલતદાર કચેરીમાં નાયબ મામલતદાર તરીકે ફરજ બજાવતા સીમાબેન દેશમુખ અને તેમના પતિનું ઘટના સ્થળે મોત નીપજ્યું છે

આ અંગે  મળતી વિગત મુજબ માંડવીના નાયબ મામલતદાર સીમાબેન તેમના પતિ સાથે કારમાં સ્વતંત્રતા પર્વ નિમિત્તે અંકલેશ્વરથી માંડવી આવી રહ્યાં હતા. આ દરમિયાન રસ્તામાં માંડલ પાટિયા નજીક સામેથી બેફામ આવી રહેલા ડમ્પરે તેમની કારને ભીષણ ટક્કર મારી હતી. આ અકસ્માતમાં સીમાબેન અને તેમના પતિનું ઘટના સ્થળે જ મોત નીપજ્યું હતું.

આ અકસ્માત એટલો ભયાનક હતો કે, ડમ્પર સાથે ટક્કર બાદ કારનો કચ્ચરઘાણ નીકળી ગયો હતો. આ અકસ્માતની જાણ થતાં માંગરોળ પોલીસ ઘટના સ્થળે પહોંચી ગઈ હતી અને મૃતદેહોને પોસ્ટમોર્ટમ માટે મોકલીને આગળની કાર્યવાહી હાથ ધરી હતી.