Gujarati News

Gujarati News

News of Saturday, 15th August 2020

અમરાઈવાડીમાં ટેબલ ફેનના વાયરનો કરંટ લાગતા બે માસુમ બહેનોના મોત : અરેરાટી

ટેબલ ફેન ચાલુ કરી રમતી 7 અને 8 વર્ષની બે માસુમ બાળકીઓને વાયરમાંથી કરંટ લાગ્યો

અમદાવાદ :અમરાઈવાડી વિસ્તારમાં આકાશ ગંગાનગરમાં કરુંણ ઘટના બની છે  મકાનના ઉપરના માળે ટેબલ ફેન ચાલુ કરી રમતી 7 અને 8 વર્ષની બે માસુમ બાળકીઓને વાયરમાંથી કરંટ લાગતા સારવાર માટે એલ.જી. હોસ્પિટલ લઈ જવાઈ હતી. ફરજ પરના ડૉક્ટરોએ બન્ને બાળકીને મૃત જાહેર કરી હતી. બે માસુમ સગી બહેનોના મોતથી સોસાયટીમાં ગમગીની છવાઈ ગઈ હતી. વિસ્તારના સ્થાનિક કોર્પોરેટર પણ સ્થળ પર પહોંચી ગયા હતા. અમરાઈવાડી પોલીસે અકસ્માત મોતની નોંધ કરી તપાસ હાથ ધરી છે.

અમરાઈવાડીના આકાશ ગંગાનગરમા રહેતાં મુકેશ સોમાભાઈ રાઠોડની બે પુત્રીઓ જેમાં મોટી 8 વર્ષની ધ્રુવી અને નાની દીકરી 7 વર્ષની માહી હતી.માસુમ ધ્રુવી અને માહી બપોરે ઘરના ઉપરના માળે ટેબલ ફેન ચાલુ કરીને રમતી હતી. રમવામાં મશગુલ બન્ને માસુમનો હાથ ટેબલ ફેનના વાયરને અડ્યો હતો. એક તરફ વરસાદ ચાલુ હોવાથી અચાનક બન્ને બાળકીને વાયરમાંથી કરંટનો જોરદાર ઝાટકો લાગ્યો હતો.

બાળકીઓ કરંટનો ઝાટકો લાગતા પટકાઈ અને અવાજ થયો હતો. જેના પગલે પરિવારજનો દોડી ગયા હતા. તત્કાળ બંને બાળકીને એલ.જી. હોસ્પિટલ લઈ ગયા હતા. ફરજ પરના ડૉકટરોએ બન્ને માસુમને મૃત જાહેર કરી હતી.

અમરાઈવાડી પોલીસે બન્ને બાળકીના મોત અંગે અકસ્માત મોતની નોંધ કરી હતી. મૃત ધ્રુવી અને માહીની ડેડબોડીનું પોસ્ટમોર્ટમ કરાવી પરિવારને સોંપી હતી. પરિવારે આજે બન્ને બાળકીના અંતિમ સંસ્કાર પતાવ્યા અને મરણની અન્ય વિધિ માટે વતન જવા રવાના થયો હતો.

(9:52 am IST)
  • નર્મદા : સ્ટેચ્યુ ઓફ યુનિટી પરિસરની સુરક્ષા વ્યવસ્થા 1 સપ્ટેમ્બરથી સીઆઇએસએફના હવાલે : કેન્દ્રીય ગૃહમંત્રી અમિતભાઇ શાહ દ્રારા મંજૂરી અપાયા બાદ સુરક્ષાનો હવાલો સીઆરપીએફ અને સ્થાનિક પોલીસ પાસેથી સીઆઈએસએફ સંભાળશે.: 17 ઓગસ્ટથી સીઆઇએસએફનું કેવડિયા આગમન access_time 12:38 am IST

  • જૂનાગઢ ગિરનાર જંગલમાં આવેલો પૂ.કાશમીરી બાપુના અમકું આશ્રમમાં પર્વત માળા ઉપરથી વહેતું વરસાદી પાણી નયન રમ્ય નજારો... access_time 9:44 am IST

  • નેપાળ- ભારત સરહદી વિવાદ વચ્ચે નેપાળના પ્રાઈમ મિનિસ્ટર કે.પી.શર્મા ઓલીએ સ્વાતંત્ર્ય પર્વની શુભેચ્છા પાઠવી : ભારતની પ્રગતિ થાય અને સમૃદ્ધિ વધે તેવી કામના વ્યક્ત કરી access_time 1:53 pm IST