Gujarati News

અરવલ્લી જીલ્લાના વિવિધ વિસ્તારોમાં અનરાધાર વરસાદ પડ્યો હતો. ત્રણ દિવસના વિરામ બાદ જિલ્લના મોડાસા, માલપુર, મેઘરજ અને ભિલોડા તાલુકામાં સરેરાશ ૨ ઇંચ જેટલો વરસાદ ખાબક્યો હતો. જયારે મોડાસાના મોટી ઇસરોલ પંથકમાં ચાર ઇંચ જેટલો વરસાદ ખાબતા ખેતરોમાં પાણી ભરાયા હતા. જ્યારે ઇસરોલથી માધુપુરા ગામ વચ્ચેના રસ્તા પરના કોજ વે ઉપર થઇ પાણી પસાર થતા આસપાસના પાંચ ગામોના વાહન વ્યવહારને અસર થઇ હતી. જિલ્લાના અન્ય માર્ગો પર પણ વરસાદને કારણે વાહન ચાલકો ફસાયા હતા.