Gujarati News

Gujarati News

News of Saturday, 15th May 2021

રાજપીપળા વૈષ્ણવ વણિક સમાજ દ્વારા બની રહેલા સ્મશાનમાં ડેડ બોડી મુકવા કોલ્ડ સ્ટોરેજ ની સુવિધા પણ ઉભી કરાશે

(ભરત શાહ દ્વારા) રાજપીપળા : સમસ્ત વૈષ્ણવ વણિક સમાજ રાજપીપળાના યુવાનો દ્વારા અદ્યતન સ્મશાન (નવી ગેસની સગડી મુકવાની કામગીરી) નો પ્રોજેકટ હાથ ધરાયો છે જેમાં હવે ડેડ બોડી મુકવા કોલ્ડ સ્ટોરેજ સહિતની અનેક સુવિધાઓ ઉભી કરાશે તેમ સમાજના આગેવાનો દ્વારા જાણવા મળ્યું છે.
 આ અદ્યતન સ્મશાન માટે નર્મદા જિલ્લા કલેકટર ડી. એ. શાહ તરફથી ગેસ આધારિત સગડી માટે CSR  ફંડ હેઠળ રૂ. ૧૫ લાખ તથા ધી નર્મદા ખાંડ ઉદ્યોગ લી. ધારીખેડા દ્વારા ઘનશ્યામભાઈ પટેલ તરફથી રૂ.5,00,000 નો સહયોગ પૂરો પાડવામા આવ્યો છે  આમ તંત્ર પ્રજાજનોના સહયોગને ધ્યાને રાખી આ પ્રોજેક્ટ વધુ સારી સુવિધા વાળો બનશે જેમાં એક ગેસ સગડીના બદલે હવે 2 ગેસ સગડી, ગેસની સગડી માટે બિલ્ડીંગ તથા અંડર ગ્રાઉન્ડ ટાંકી, ગાર્ડન, બેઠક વ્યવસ્થા, પીવાના પાણીની વ્યવસ્થા, શૌચાલય, ડેડ બોડી મુકવા માટેનું કોલ્ડ સ્ટોરેજ જેવી અદ્યતન સુવિધા ઉપલબ્ધ કરવા નું આયોજન કરવામાં આવી રહ્યું છે જેનો અંદાજીત ખર્ચ લગભગ રૂ.95,00, 000 જેટલો થશે તેમ વૈષ્ણવ વણિક સમાજના ગુંજન ભાઈ મલાવીયા દ્વારા જાણવા મળ્યું છે

(10:14 pm IST)
  • અમેરિકા : ન્યુ યોર્ક શહેર, કોરોના રોગચાળોનો સામનો કરવા માટે 4 મિલિયનથી વધુ COVID-19 ટેસ્ટ કિટ્સ, 3.00.000 પલ્સ ઓક્સિમીટર, લગભગ 300 વેન્ટિલેટર અને અન્ય રાહત સામગ્રીના સાધનો ભારત મોકલશે તેમ ન્યૂ યોર્ક મેયર ના પ્રેસ સેક્રેટરીએ જણાવ્યું છે. access_time 12:38 am IST

  • ૧૭ અને ૧૮ મેના રોજ વાવાઝોડાના કારણે અનેક ટ્રેનો રદ : ગુજરાત-સૌરાષ્ટ્રના સાગરકાંઠે વાવાઝોડાની ચેતવણી આપવામાં આવી છે તેના પગલે ૧૭ અને ૧૮ મેના રોજ સંખ્યાબંધ ટ્રેનો રદ કરી દેવામાં આવી છે. access_time 10:38 pm IST

  • વ્યારા માટે કાળો દિવસ : વ્યારાના બિલ્ડર નિશિશ શાહની જાહેરમાં હત્યા : શનિમંદિર ચાર રસ્તા ઉપર કારમાં આવેલા ચાર શખ્સો ઉપરાઉપરી તલવાર વડે હુમલો કરી નાસી છૂટ્યા :નજીકમાં બેઠલા તરબુચવાળાએ છોડાવવાની કોશિશ કરતા ગંભીર ઘાયલ : લોહીલુહાણ હાલતમાં નિશિશ શાહને દવાખાને ખસેડાયા : તબીબોએ મૃત જાહેર કર્યા access_time 1:02 am IST