Gujarati News

બારડોલી :સુરત જિલ્લાના ઓલપાડ તાલુકાનાં વિહારા ગામમાં વૃદ્ધ કોરોનાની ચપેટમાં આવ્યા બાદ તેની માતા, પત્ની અને પુત્રના રિપોર્ટ પણ પોઝિટિવ આવતા ગામમાં ફફડાટ ફેલાયો છે તાલુકામાં ત્રણ અને પલસાણામાં એક મળી જિલ્લામાં આજે કુલ 4 પોઝિટિવ કેસ સામે આવતા કોરોનાના દર્દીઓની સંખ્યા 62 પર પહોંચી છે.

  ગત 13મી મે ના રોજ ઓલપાડ તાલુકાનાં વિહારા ગામના પ્રફુલભાઈ જયકિશન પટેલનો રિપોર્ટ પોઝિટિવ આવ્યા બાદ એમના પરિવારજનોને ક્વોરોંટાઇન કરી ટેસ્ટ કરવામાં આવ્યા હતા. જેનો શુક્રવારના રોજ રિપોર્ટ આવતા પ્રફુલની માતા માઈકોરબેન (91), પત્ની મીનાબેન અને પુત્ર નીલ પટેલ (24) પણ કોરોના પોઝિટિવ હોવાનું સામે આવ્યું હતું. ત્રણેયને સુરતની કોવિડ 19 હોસ્પિટલમાં દાખલ કરવામાં આવ્યા છે. એક જ ઘરમાં ચાર કોરોના પોઝિટિવ આવ્યા બાદ ઓલપાડ તાલુકામાં કોરોનાના દર્દીઓની સંખ્યા 13 થઈ ગઈ છે.