Gujarati News

Gujarati News

News of Wednesday, 15th May 2019

ધાનેરામાં આશાસ્પદ યુવકનો ટ્રેન નીચે પડતું મૂકીને આપઘાત

પાકીટમાં ડ્રાયવિંગ લાયસન્સથી વેપારી વાસનો યુવાન મુસ્લા આદમભાઈ નુરાભાઈ હોવાનું ખુલ્યું

ધાનેરા : ધાનેરામાં યુવકે ટ્રેન નીચે પડતું મૂકી આત્મહત્યા કરતા લોકોના ટોળા ઘટના સ્થળે ભેગા થયા હતા. આજે સવારે ધાનેરા રેલવેના કર્મચારીને રેલ નદીના પુલ પાસે યુવક કપાયેલી લાશ જોવા મળતા તેઓએ ધાનેરા પોલીસને જાણ કરી હતી. જ્યારે યુવકના કપડામાંથી પાકીટ મળી આવતા તેમાં રહેલા ડ્રાયવિંગ લાયસન્સથી જાણવા મળ્યું હતુ કે, યુવક ઘટના સ્થળના બાજુના જ વેપારી વાસનો યુવાન મુસ્લા આદમભાઈ નુરાભાઈ છે. જેથી પોલીસ દ્વારા તાત્કાલિક યુવકના પરિવાર જનોને જાણ કરવામાં આવતા યુવકની ઓળખ થવા પામી હતી

  . આ સમાચાર પ્રસરતા લોકોના ટોળા ઘટના સ્થળે ભેગા થયા હતા. જે બાદ લાશને પી.એમ. અર્થે ખસેડી આગળની કાર્યવાહી હાથ ધરવામાં આવી હતી. ત્યારે અપરણિત આશાસ્પદ યુવકના મોતથી પરિવારમાં શોકની લાગણી પ્રસરી જવા પામી હતી. પરંતુ આત્મહત્યાનું કારણ જાણવા મળ્યું ન હતું

(7:40 pm IST)
  • ઘંટેશ્વરમાં જીલ્લા કોર્ટ સંકુલ અંગે હાઈકોર્ટની ટીમ રાજકોટમાં: સર્વે શરૂ : ઘંટેશ્વર સર્વે નં. ૧૪૦માં નવુ અદ્યતન જીલ્લા કોર્ટ સંકુલ બનાવવા અંગે આજે હાઈકોર્ટના જજો અને તેમની ટીમ રાજકોટ આવી છે, કલેકટર તંત્રના સર્કલ ઓફિસર દ્વારા જમીન અંગે માહિતી અપાઈઃ કુલ ૧૫ એકર જગ્યા અગાઉ પ્લાન મુકાયા છેઃ આજે સર્વે-સમીક્ષા બાદ નવા બિલ્ડીંગ અંગે નિર્ણય લેવાશે access_time 3:29 pm IST

  • પાણી પુરવઠા મંત્રી કુંવરજીભાઇ બાવળીયા પાણીનો પ્રશ્ન નિવારવા રાજસ્થાન જશે : પાણીના પ્રશ્ને નિવારવા સરકારનો એકશન પ્લાનઃ રાજસ્થાનનું મોડલ ગુજરાતમાં અમલી બનાવવા વિચારણા access_time 1:15 pm IST

  • કોલકતામાં અમિતભાઈ વિરૂધ્ધ ૨ ફરિયાદ : અમિતભાઈ વિરૂધ્ધ કોલકત્તામાં બે ફરીયાદ નોંધાઈઃ વિદ્યાસાગર કોલેજના ટીએમસી છાત્ર સંગઠનની રાવ બાદ જોડાસાંકો અને અર્મહર્સ્ટ સ્ટ્રીટ પોલીસ સ્ટેશનમાં એફઆરઆઈ દાખલઃ ગઈકાલે રોડ- શો દરમિયાન વિદ્યાનગર કોલેજમાં ઈશ્વરચંદ્ર વિદ્યાસાગરની મૂર્તિ તોડી પડાયેલઃ ટીએમસીએ ચુંટણી પંચ પાસે પણ સમય માંગ્યો છે access_time 1:15 pm IST