Gujarati News

Gujarati News

News of Wednesday, 15th May 2019

સુરતમાં બાળક બદલવાના આક્ષેપ : DNA ટેસ્ટ આવે તે પહેલાં માતા પિતા નવજાતને મૂકી ફરાર : દોડધામ

ખાનગી હોસ્પિટલમાં બાળક કહ્યું અને સરકારી હોસ્પિટલમાં બાળકી હોવાનું જણાવતા વિવાદ

સુરત :નવી સિવિલ હોસ્પિટલમાં બાળક બદલી જવાના વિવાદ બાદ DNA ટેસ્ટ આવે તે પહેલાં NICU માં દાખલ એક અઠવાડિયાની બાળકીને માતા પિતા છોડીને નાસી ગયા.

સુરત પાંડેસરા વિસ્તારમાં આવેલ મહાદેવ નગરમાં રહેતા મૂળ યુપીના રહેવાસી નૈના બેન રાજેશ પટેલ ને ગત તારીખ 8 મેં ના રોજ પ્રસૂતિની પીડા ઉપડી હતી પાંડેસરામાં લવલી હોસ્પિટલમાં દાખલ નયના બાળકને જન્મ આપ્યો હતો ત્યારબાદ બાળકને શ્વાસ લેવામાં વધુ તકલીફ થતા તેને તાત્કાલિક નવી સિવિલ હોસ્પિટલમાં રીફર કરવામાં આવ્યો હતો.જયાં સારવાર દરમિયાન માતાએ સિવિલ તંત્ર ઉપર બાળક બદલી દેવાનો આરોપ લગાવ્યો હતો

નયના બેન પટેલ ના પતિ રાજેશ પટેલ સિવિલ તંત્ર ઉપર આક્ષેપ કરતાં જણાવ્યું હતું કે મારી પત્ની અને પુત્રને સિવિલ હોસ્પિટલમાં વધુ સારવાર માટે દાખલ કર્યો હતો. મારી પત્નીએ પુત્રને જન્મ આપ્યો હતો જ્યારે પત્ની બાળકને દૂધ પીવડાવવા જતા બાળકની જગ્યાએ બાળકી જોવા મળી હતી. નયના પટેલ રાજેશ પટેલે બાળક બદલી હોવાના સિવિલ તંત્ર પર આક્ષેપ કરી ભારે હોબાળો મચાવ્યો હતો.

આ સમગ્ર મામલે પોલીસે જાણ થતાં પોલીસ ઘટના સ્થળે આવી બાળક માતાનો ડી.એન.એ ટેસ્ટ કરવા રિપોર્ટ મોકલી આપ્યા હતા. જ્યારે રિપોર્ટ આવે તે પહેલાં જ માતા-પિતા એક અઠવાડિયા બાળકીને છોડીને નાસી ગયા છે હાલ આ મામલે પોલીસ માતા-પિતાને શોધખોળ શરૂ કરી છે.

(11:50 am IST)
  • મમતા બેનર્જીના ચૂંટણી પ્રચાર પર પ્રતિબંધ મુકવા ભાજપની માંગણી :દિલ્હીમાં ભાજપના પ્રતિનિધિ મંડળે ચૂંટણી આયોગ સમક્ષ રજુઆત કરી ;ભાજપે આક્ષેપ કર્યો કે મમતા બેનર્જીએ ભાજપને નિશાન બનાવવા હિંસામાં સહભાગી થયા છે :તેણીએ ટીએમસીના કાર્યકરોને હુમલો કરવા ઉશ્કેર્યા હતા access_time 1:27 am IST

  • કોલકતામાં અમિતભાઈ વિરૂધ્ધ ૨ ફરિયાદ : અમિતભાઈ વિરૂધ્ધ કોલકત્તામાં બે ફરીયાદ નોંધાઈઃ વિદ્યાસાગર કોલેજના ટીએમસી છાત્ર સંગઠનની રાવ બાદ જોડાસાંકો અને અર્મહર્સ્ટ સ્ટ્રીટ પોલીસ સ્ટેશનમાં એફઆરઆઈ દાખલઃ ગઈકાલે રોડ- શો દરમિયાન વિદ્યાનગર કોલેજમાં ઈશ્વરચંદ્ર વિદ્યાસાગરની મૂર્તિ તોડી પડાયેલઃ ટીએમસીએ ચુંટણી પંચ પાસે પણ સમય માંગ્યો છે access_time 1:15 pm IST

  • ઘંટેશ્વરમાં જીલ્લા કોર્ટ સંકુલ અંગે હાઈકોર્ટની ટીમ રાજકોટમાં: સર્વે શરૂ : ઘંટેશ્વર સર્વે નં. ૧૪૦માં નવુ અદ્યતન જીલ્લા કોર્ટ સંકુલ બનાવવા અંગે આજે હાઈકોર્ટના જજો અને તેમની ટીમ રાજકોટ આવી છે, કલેકટર તંત્રના સર્કલ ઓફિસર દ્વારા જમીન અંગે માહિતી અપાઈઃ કુલ ૧૫ એકર જગ્યા અગાઉ પ્લાન મુકાયા છેઃ આજે સર્વે-સમીક્ષા બાદ નવા બિલ્ડીંગ અંગે નિર્ણય લેવાશે access_time 3:29 pm IST