Gujarati News

વડોદરા:આઇપીએલની મેચો પર સટ્ટો રમવાના અડધો ડઝન જેટલા કેસો થઇ ગયા હોવા છતાં હજી આઇપીએલની મેચો પર ધૂમ સટ્ટો રમાઇ રહ્યો છે.વાઘોડિયા રોડ પર ગઇરાતે પોલીસે એક દુકાનદારને સટ્ટો રમાડતાં ઝડપી પાડયો હતો.વાઘોડિયા રોડ પર ડી માર્ટ નજીક એક્સલ શૂઝના ગોડાઉનનો સંચાલક સટ્ટો રમી રહ્યો હોવાની વિગતોને પગલે ક્રાઇમ બ્રાન્ચની ટીમે છાપો માર્યો હતો.પોલીસે છાપો મારતાં દુકાનદાર રંગેહાથ ઝડપાઇ ગયો હતો.પોલીસની તપાસમાં રાહુલ સુભાષભાઇ શેઠ(રહે.કોર્ટયાર્ક નગર,વિભાગ-૪, શાસ્ત્રી બાગ પાસે,વાડી) મુંબઇ ઇન્ડિયન અને રાજસ્થાન રોયલ્સ મેચ ઉપર ગ્રાહકો સાથે સટ્ટાનો હિસાબ કરી રહ્યો હતો.પોલીસે તેની પાસે ૨ મોબાઇલ, ટુ વ્હિલર અને રોકડા રૃા.૩૮૪૬૦ મળી કુલ રૃા.૬૮ હજારની મત્તા કબજે કરી હતી.