Gujarati News

સુરતના સચિનના લોજપોરમા આવેલ એક હોસ્પિટલમાં પ્રસૂતાના પેટમાં બાળકનું મોત થયા બાદ માતાનું પણ મૃત્યુ નિપજતા પરિવારજનોએ તબીબની બેદરકારીનો આરોપ મૂકીને હોબાળો મચાવ્યો હતો

 મળતી વિગત મુજબ મૂળ બિહારના ગોપાલ ગંજના રહેવાસી નીલમ ગુપ્તા સુરતમાં સચીન તલગપુર ખાતે આવેલી સરદાર નગરમાં પરિવાર સાથે રહે  છે  નીલમ છેલ્લા ત્રણ દિવસથી પ્રેગનન્સીને લઈને સચિનમાં લોજપોર ખાતે આવેલી રોહિમીયા સાર્વજનિક હોસ્પિટલમાં દાખલ હતી. દરમિયાન પ્રસુતના પેટમાં જ બાળકનું મોડી રાત્રે મોત નિપજ્યું હતું.
  ગર્ભમાં જ બાળકનું મોત નિપજ્યા બાદ પ્રસુતાની તબિયત લથડી હતી. જેથી તેણીને અન્ય હોસ્પિટલમાં ખસેડવાની કામગીરી હાથ ધરવામાં આવી હતી. દરમિયાન પ્રસુતાને ખેંચ આવવાથી મોત નિપજ્યું હતું. જેથી પરિવારજનોએ હોસ્પિટલમાં હોબાળો મચાવી દીધો હતો. અને પ્રસુતાના પેટમાં રહેલા મૃત બાળકને કાઢવામાં ન આવતા માતાનું પણ મોત નિપજ્યું હોવાનો પરિવારજનોએ આક્ષેપ કર્યો હતો.