Gujarati News

Gujarati News

News of Friday, 15th March 2019

અમદાવાદ : પબજી ગેમ રમતો યુવાન રખિયાલમાંથી પકડાયો

પબજી પર પ્રતિબંધ બાદ અમદાવાદનો સૌપ્રથમ કેસઃ રખિયાલ પોલીસે અર્બનનગર ચાર રસ્તા પાસેથી સરફરાઝ મહંમદ નસીમ શેખ નામના યુવકની ધરપકડ કરતા ચકચાર

અમદાવાદ,તા. ૧૫: અમદવાદ શહેરમાં પબજી ગેમ પર પ્રતિબંધ લદાયો હોવાછતાં આ ગેમ રમનાર યુવકની રખિયાલ પોલીસે આજે ધરપકડ કરતાં ભારે ચકચાર મચી ગઇ હતી. અમદાવાદમાં પબજી ગેમ પર પ્રતિબંધ મૂકાયા બાદ પબજી ગેમ રમતા પકડાયેલો આ સૌપ્રથમ કેસ છે, તેને લઇ ભારે ચર્ચા ચાલી હતી. રખિયાલ પોલીસે યુવકનો મોબાઈલ જપ્ત કરી કાર્યવાહી હાથ ધરી છે. આ અંગે પ્રાપ્ત માહિતી મુજબ, બે દિવસ પહેલાં જ અમદાવાદ શહેર પોલીસે પબજી ગેમ રમવા પર પ્રતિબંધ ફરમાવતું જાહેરનામું જારી કર્યું હતું. દરમ્યાન પ્રતિબંધિત હોવાછતાં પબજી ગેમ એક યુવક રમી રહ્યો હોવાની મળેલી ચોક્કસ બાતમીના આધારે, રખિયાલ પોલીસે અર્બનનગર ચાર રસ્તા પાસેથી સરફરાઝ મહંમદ નસીમ શેખ (ઉ.વ.૨૦, રહે.ગુજરાત હાઉસિંગ બોર્ડ, રખિયાલ)ને રસ્તા ઓર પબજી ગેમ રમતા ઝડપી લીધો હતો. અમદાવાદ શહેરમાં પબજી ગેમ રમવા પર પ્રતિબંધ હોવા છતાં ગેમ રમતા પોલીસે સરફરાઝ સામે જાહેરનામા ભંગનો ગુનો નોંધી કાર્યવાહી કરી હતી. પબજી ગેમ મામલે અમદાવાદ શહેરમાં આ પહેલો ગુનો નોંધાયો હતો. આ બનાવને પગલે આજે અમદાવાદ શહેરમાં પણ ભારે ચકચાર મચી હતી.

ઉલ્લેખનીય છે કે, પબજી ગેમથી બાળકો પર પડી રહેલી અસરને કારણે રાજકોટ શહેર પોલીસે તાજેતરમાં મોટી કાર્યવાહી હાથ ધરી હતી. રાજકોટ પોલીસ કમિશનર દ્વારા પબજી ગેમ પર થોડાક દિવસો પહેલા પ્રતિબંધ મૂકવામાં આવ્યો હતો. તેમ છતાં શહેરમાં કોઇને ખબર ન પડે તેમ પબજી ગેમ લોકો રમી રહ્યા હતા. તેની સામે શહેર પોલીસે લાલ આંખ કરતા તાજેતરમાં મોટી કાર્યવાહી હાથ ધરી હતી અને આ ઘટનામાં પબજી રમતા રાજકોટના દસ લોકોને ઝડપી લીધા હતા. જો કે, બાદમાં પકડાયેલા તમામ લોકોને જામીન પર મુકત કરવામાં આવ્યા હતા. રાજકોટ બાદ વડોદરા અને અમદાવાદમાં પણ પબજી ગેમ પર પ્રતિબંધ મૂકાયો હતો.

(9:53 pm IST)
  • ગીર સોમનાથમાં યુવાન ઉપર સિંહનો હુમલો : કોડીનારના હઠમડીયા ગામે યુવાન ઉપર સિંહે હુમલો કરી કમ્મર અને છાતીના ભાગે ઈજા પહોંચાડી access_time 6:10 pm IST

  • સુપ્રિમ કોર્ટનો ચુકાદો શ્રીસંત પર BCCIનો પ્રતિબંધ રહેશે યથાવતઃ ક્રિકેટર શ્રીસંતની અરજી મુદ્દે સુપ્રિમનો ચુકાદો : શ્રીસંતને ક્રિકેટ રમવા પરનો આજીવન પ્રતિબંધ સુપ્રિમે હટાવ્યો : બીસીસીઆઈને શ્રીસંતનો પક્ષ સાંભળવા સુપ્રિમનો આદેશઃ શ્રીસંત પર બીસીસીઆઈનો પ્રતિબંધ રહેશે યથાવત access_time 11:28 am IST

  • રાત્રે રાજકોટના ગુરુપ્રસાદ ચોક પાસે અકસ્માત.: રીક્ષા અને કાર વચ્ચે ગંભીર અકસ્માત સર્જાયો : રીક્ષા ચાલકની હાલત ગંભીર access_time 11:09 pm IST