Gujarati News

Gujarati News

News of Friday, 15th March 2019

વડોદરામાં નામચીન કંપનીના કર્મચારીઓએ બાકી લેણાં માટે કલેક્ટરને આવેદનપત્ર આપ્યું

વડોદરા: શહેરની બહુચર્ચીત વધુ એક કંપની બાયોટોર ઇન્ડસ્ટ્રીઝ તા.૩૧ ડિસેમ્બરથી લીક્વીડીટીમાં ગઇ છે અને સરકાર દ્વારા એનસીએલટીના અધિકારીને નિયુક્ત કરવામાં આવ્યા છે. આજે આ કંપનીના કર્મચારીઓએ પોતાના બાકી લેણાં માટે કલેક્ટરને આવેદનપત્ર આપ્યું હતું.

બાયોટોર ઇન્ડસ્ટ્રીઝ લી.(જયંત ઓઇલ્સ એન્ડ ડેરીવેટીવ્ઝ લી.) વર્ષ ૧૯૭૩થી જીઆઇડીસી મકરપુરામાં કેસ્ટર ઓઇલ (દિવેલ) તેમજ અન્ય પ્રોડક્ટસનું ઉત્પાદન કરતી હતી. એશિયાની નંબર-૧ કંપનીમાં પાંચસોથી વધારે કર્મચારીઓ ફરજ બજાવતા હતાં. આજે કેટલાક કર્મચારીઓએ જિલ્લા કલેક્ટરને આપેલા આવેદનપત્રમાં આક્ષેપ કર્યો હતો કે કંપનીના માલિકોએ કામદારોનું હંમેશા શોષણ કર્યું છે. આ કંપની કાયદાકીય રીતે ફેક્ટરી અને લેબર વિભાગમાં બંધ કરી નથી પરંતુ કાયદાનું ઉલ્લંઘન કરી લિક્વીડીટીની પ્રક્રિયા કામદારોને અંધારામાં રાખી કરી જેની જાણ સરકારે નિયુક્ત કરેલા અધિકારી દ્વારા અમોને થઇ  હતી.

(5:39 pm IST)
  • શેરબજારમાં તોફાની તેજી : સેન્સેકસ ૩૮૦૦૦ની ઉપર : શેરબજારમાં એકધારી તેજી જોવા મળી રહી છે : બેંક-ઓટો-આઇટીમાં ધુમ લેવાલી : મોદી સરકારની વાપસીના એંધાણ વચ્ચે શેરબજાર સતત પાંચમાં દિવસે અપમાં છે : બપોરે આ લખાય છે ત્યારે સેન્સેકસ ૪૩૩ પોઇન્ટ વધીને ૩૮૧૮૮ અને નીફટી ૧ર૭ પોઇન્ટ વધીને ૧૧૪૭ર ઉપર છે ડોલર સામે રૂપિયો ૬૯.૦૮ ઉપર ટ્રેડ કરે છે આઇસીઆઇસીઆઇ, ટાટા સ્ટીલ, નવકાર, જય કોર્પો.માં લેવાલી : નીફટીમાં એનટીપીસી, ઇન્ડસ બેંક, એરટેલ, યશ બેંક, સનફાર્મા તેજીમાં છે access_time 3:58 pm IST

  • કાલે ભાજપની સેન્ટ્રલ ઇલેકશન કમીટીની બેઠક : દિલ્હી ભાજપ કાર્યાલય ખાતે સાંજે ૪ વાગે બેઠક મળશેઃ ૧૮ અને ૨૨ માર્ચે પણ ભાજપની સેન્ટ્રલ ઇલેકશન કમિટિની બેઠક મળશેઃ તમામ બેઠકમાં નરેન્દ્રભાઇ હાજર રહેશે access_time 3:33 pm IST

  • પ્રવિણ તોગડીયા પાણીની ટાંકીના ચિન્હ સાથે લોકસભાની ચૂંટણી લડશે : હિન્દુસ્તાન નિર્માણ દળ રાજકીય પક્ષનું ચિન્હ પાણીની ટાંકી અપાયુ access_time 6:16 pm IST