Gujarati News

Gujarati News

News of Friday, 15th March 2019

લોકસભા ચૂંટણી લડવા માટે વિસનગર કોર્ટનો સજાનો હૂકમ મોકુફ રાખવા હાર્દિક પટેલની અરજી ઉપર હાઇકોર્ટમાં સુનાવણી હાથ ધરાશે

અમદાવાદ: કોંગ્રસના નેતા હાર્દિક પટેલે ચૂંટણી લડી શકે તે માટે ગુજરાત હાઇકોર્ટમાં અરજી કરી હતી. જેમાં લોકસભા ચૂંટણી લડવા માટે વિસનગર કોર્ટનો સજાનો હુકમ મોકૂફ કરવા હાઇકોર્ટમાં અરજી કરાઈ હતી. ત્યારે હાર્દિકની આ અરજી પર સુનાવણી હાથ ધરાઇ શકે તેવી શક્યતાઓ દર્શાવવામાં આવી રહી છે.

લોકસભા ચૂંટણીની તારીખો જાહેર થતા જ પાટીદાર નેતાનું પદ છોડી હવે હાર્દિક પટેલે રાજકારણમાં ઝપલાવ્યું છે. ત્યારે 12 માર્ચના કોંગ્રેસની CWC બેઠકમાં હાર્કિદ પટેલ સત્તાવરા રીતે પાર્ટીમાં જોડાયો હતો. જોકે, રિપ્રેઝન્ટેશન ઓફ પિપલ્સ એક્ટ પ્રમાણે જેલની સજા ભોગવી રહેલા વ્યક્તિને ચૂંટણી લડવામાં કાયદાકીય મુશ્કેલીનો સામનો કરવો પડે છે. ત્યારે હાર્દિક પટેલ દ્વારા કોઈ અવરોધો વિના લોકસભાની ચૂંટણી લડી શકે તે માટે હાઈકોર્ટમાં અરજી કરવામાં આવી છે.

ત્યારે હાર્દિક પટેલે લોકસભા ચૂંટણી લડવા માટે વિસનગર કોર્ટના સજાના હુકમને મોકૂફ કરવા ગુજરાત હાઇકોર્ટમાં અરજી કરી હતી. આ અગાઉ હાર્દિક પટેલની અરજી પર સુનાવણી પહેલા જ જસ્ટિસ આર.પી ધોલરીયાએ અરજી નૉટ બીફોર મી કરી દીધી છે. જો કે, હવે આ કેસ અન્ય કોઈ જસ્ટિસને ટ્રાન્સફર કરવામાં આવ્યો છે. જેને લઇ સજા મોકૂફ રાખવાની અરજી પર આજે સુનાવણી હાથ ધરાઈ શકે છે.

ઉલ્લેખનીય છે કે, આ અગાઉ ગુજરાતમાં આવેલા રાહુલ ગાંધીએ હાર્દિક પટેલ ચૂંટણી લડશે અને જીતશે પણનું નિવેદન આપ્યું હતું. ત્યારે હાર્દિક હવે ચૂંટણી લડવાની સંપૂર્ણ તૈયારી સાથે કાયદાકીય લડત પણ આપી રહ્યો છે.

(4:32 pm IST)
  • રાત્રે રાજકોટના ગુરુપ્રસાદ ચોક પાસે અકસ્માત.: રીક્ષા અને કાર વચ્ચે ગંભીર અકસ્માત સર્જાયો : રીક્ષા ચાલકની હાલત ગંભીર access_time 11:09 pm IST

  • શેરબજારમાં તોફાની તેજી : સેન્સેકસ ૩૮૦૦૦ની ઉપર : શેરબજારમાં એકધારી તેજી જોવા મળી રહી છે : બેંક-ઓટો-આઇટીમાં ધુમ લેવાલી : મોદી સરકારની વાપસીના એંધાણ વચ્ચે શેરબજાર સતત પાંચમાં દિવસે અપમાં છે : બપોરે આ લખાય છે ત્યારે સેન્સેકસ ૪૩૩ પોઇન્ટ વધીને ૩૮૧૮૮ અને નીફટી ૧ર૭ પોઇન્ટ વધીને ૧૧૪૭ર ઉપર છે ડોલર સામે રૂપિયો ૬૯.૦૮ ઉપર ટ્રેડ કરે છે આઇસીઆઇસીઆઇ, ટાટા સ્ટીલ, નવકાર, જય કોર્પો.માં લેવાલી : નીફટીમાં એનટીપીસી, ઇન્ડસ બેંક, એરટેલ, યશ બેંક, સનફાર્મા તેજીમાં છે access_time 3:58 pm IST

  • ગીર સોમનાથમાં યુવાન ઉપર સિંહનો હુમલો : કોડીનારના હઠમડીયા ગામે યુવાન ઉપર સિંહે હુમલો કરી કમ્મર અને છાતીના ભાગે ઈજા પહોંચાડી access_time 6:10 pm IST