Gujarati News

Gujarati News

News of Friday, 15th March 2019

સરકારી ડોકટરો એપ્રન પહેરવુ ગુજરાતીમાં નેઇમ પ્લેટ રાખવી

ડોકટર તરીકેની ઓળખ બતાવવા સરકારની સૂચના

રાજકોટ તા.૧પ : રાજ્ય સરકારે સરકારી ડોકટરને નિયત એપ્રન (કપડાનુ નિયત આવરણ)  પહેરવા અને ગુજરાતીમાં નેઇમ પ્લેટ રાખવાના નિયમનું પાલન કરવા સૂચના આપી છે.

નાયબ મુખ્યમંત્રીની સુચનાથી તબીબી સેવાના અધિક નિયામકે પરિપત્રમાં જણાવ્યું કે રાજય સરકાર હસ્તકની સરકારી હોસ્પીટલો ખાતે ફરજ બજાવતા તમામ ડોકટરોએ પોતાની ફરજ દરમ્યાન એપ્રન ફરજીયાત પહેરવાનું હોય છે. અત્રેની કચેરીના ધ્યાન ઉપર આવેલ છે કે ડોકટરો ફરજ દરમ્યાન એપ્રન પહેરતા નથી જેથી સામાન્ય પ્રજાને ડોકટરોની ઓળખ થઇ શકતી નથી જેથી સારવાર લેવામાં અડચણ ઉભી થાય છે. માટે ડોકટરોની નેઇમ પ્લેટ ગુજરાતી માં રાખવાથી સામાન્ય પ્રજાને સરળતાથી ઓળખ થઇ શકે અને સરળતાથી સારવાર મેળવી શકે તે હેતુથી નેઇમ પ્લેટ ગુજરાતીમાં રાખવા તથા ફરજ  પરના તમામ ડોકટરોએ  એપ્રેન પહેરવા જણાવવામાં આવે છે. આ આદેશનો અનાદર કરવામાં આવશે તો તબીબ તેમજ કંટ્રોલીંગ ઓફીસર સામે યોગ્ય કાર્યવાહી કરવામાં આવશે.

(4:05 pm IST)
  • શેરબજારમાં તોફાની તેજી : સેન્સેકસ ૩૮૦૦૦ની ઉપર : શેરબજારમાં એકધારી તેજી જોવા મળી રહી છે : બેંક-ઓટો-આઇટીમાં ધુમ લેવાલી : મોદી સરકારની વાપસીના એંધાણ વચ્ચે શેરબજાર સતત પાંચમાં દિવસે અપમાં છે : બપોરે આ લખાય છે ત્યારે સેન્સેકસ ૪૩૩ પોઇન્ટ વધીને ૩૮૧૮૮ અને નીફટી ૧ર૭ પોઇન્ટ વધીને ૧૧૪૭ર ઉપર છે ડોલર સામે રૂપિયો ૬૯.૦૮ ઉપર ટ્રેડ કરે છે આઇસીઆઇસીઆઇ, ટાટા સ્ટીલ, નવકાર, જય કોર્પો.માં લેવાલી : નીફટીમાં એનટીપીસી, ઇન્ડસ બેંક, એરટેલ, યશ બેંક, સનફાર્મા તેજીમાં છે access_time 3:58 pm IST

  • સુપ્રિમ કોર્ટનો ચુકાદો શ્રીસંત પર BCCIનો પ્રતિબંધ રહેશે યથાવતઃ ક્રિકેટર શ્રીસંતની અરજી મુદ્દે સુપ્રિમનો ચુકાદો : શ્રીસંતને ક્રિકેટ રમવા પરનો આજીવન પ્રતિબંધ સુપ્રિમે હટાવ્યો : બીસીસીઆઈને શ્રીસંતનો પક્ષ સાંભળવા સુપ્રિમનો આદેશઃ શ્રીસંત પર બીસીસીઆઈનો પ્રતિબંધ રહેશે યથાવત access_time 11:28 am IST

  • કાલે ભાજપની સેન્ટ્રલ ઇલેકશન કમીટીની બેઠક : દિલ્હી ભાજપ કાર્યાલય ખાતે સાંજે ૪ વાગે બેઠક મળશેઃ ૧૮ અને ૨૨ માર્ચે પણ ભાજપની સેન્ટ્રલ ઇલેકશન કમિટિની બેઠક મળશેઃ તમામ બેઠકમાં નરેન્દ્રભાઇ હાજર રહેશે access_time 3:33 pm IST