Gujarati News

Gujarati News

News of Thursday, 14th March 2019

લોકસભા ચૂંટણીમાં સમલૈંગિક ઉમેદવારો આગળ આવે :ચૂંટાઈને સંસદમાં બેસે : માનવેન્દ્રસિંહે ટેકો જાહેર કર્યો

સમલૈંગિક સાંસદ હશે તો પ્રશ્નોતરી વધુ થશે અને મુદ્દો વધુ સારી રીતે રજૂ થઇ શકશે

 

અમદાવાદ :લોકસભાની ચૂંટણીની તારીખો જાહેર થઇ છે. રાજકીય પક્ષોએ ઉમેદવારોની પસંદગી પ્રક્રિયા શરૂ કરી છે. ત્યારે રાજપીપળાના ગે પ્રિન્સ માનવેન્દ્રસિંહે ઇચ્છા વ્યક્ત કરી કે વખતની ચૂંટણીમાં સમલૈગિક ઉમેદવારો આગળ આવે અને ચૂંટાઇને સંસદમાં બેશે

  માનવેન્દ્રસિંહે જણાવ્યું કે વખતની લોકસભાની ચૂંટણીમાં સમલૈંગિક ઉમેદવારોને ટેકો જાહેર કરું છું.અને અપીલ કરું છું કે સમલૈંગિકો ખાસ ચૂંટણીમાં ભાગ લે અને સંસદમાં બેશે. તેઓએ કહ્યું કે લોકસભામાં એક બે MP સમલૈંગિક હોવા જોઇએ તેવી મારી અંગત ઇચ્છા છે.

    રાજપીપલાના ગે પ્રિન્સ માનવેન્દ્ર સિંહે વધુમાં જણાવ્યું કે દેશમાં સમલૈંગિકોની સંખ્યા કેટલી છે તે અંગે કોઇ રિપોર્ટ નથી, પરંતુ અંદાજે 5 ટકા જેટલી વસ્તી હોઇ શકે છે. હું એક જાતે ગે હોવાથી મારે મારા મિત્રો ચૂંટણીમાં ઉમેદવારી કરશે તો હું તેને સંપૂર્ણ સપોર્ટ કરીશ. સમલૈંગિકને કેમ સાંસદ બનાવવા ઇચ્છો છો તેવા પ્રશ્નના જવામાં માનવેન્દ્રસિંહે જણાવ્યું કે ભારતમાં હજુ પણ સમલૈંગિકો પ્રત્યે ભેદભાવની નીતિ પ્રવર્તિ રહી છે. સમલૈંગિક સાંસદ હશે તો પ્રશ્નોતરી વધુ થશે અને મુદ્દો વધુ સારી રીતે રજૂ થઇ શકશે

(12:37 am IST)
  • ગીર સોમનાથમાં યુવાન ઉપર સિંહનો હુમલો : કોડીનારના હઠમડીયા ગામે યુવાન ઉપર સિંહે હુમલો કરી કમ્મર અને છાતીના ભાગે ઈજા પહોંચાડી access_time 6:10 pm IST

  • સ્વાઇન ફલૂથી જુનાગઢ પંથકના વૃધ્ધાનું મોતઃ રાજકોટમાં કુલ મૃત્યુઆંક ૮૫ : શહેરની ખાનગી હોસ્પિટલમાં સ્વાઇન ફલૂથી વધુ એક દર્દીનું મોત નિપજ્યું છે. જુનાગઢ પંથકના ૬૦ વર્ષના વૃધ્ધાએ લેન્ડમાર્ક હોસ્પિટલમાં દમ તોડી દીધો છે. તેમનો રિપોર્ટ પોઝિટીવ હતો. આ સાથે કુલ મૃત્યુઆંક ૮૫ થયો છે access_time 3:32 pm IST

  • કોંગ્રેસ કેન્દ્રીય ચૂંટણી સમિતિએ લોકસભા ચૂંટણીની ત્રીજી યાદી પ્રસિદ્ધ કરી access_time 1:27 am IST