Gujarati News

Gujarati News

News of Thursday, 14th March 2019

ઊંઝા APMC ચૂંટણી વિવાદ મામલે હાઇકોર્ટે 15 સહકારી મંડળી મુદ્દે ચુકાદો અનામત રાખ્યો

આગાઉ નારાયણ જૂથ સાથે સંકળાયેલી 16 જેટલી સહકારી મંડળીઓની અરજી ફગાવી હતી.

 

ઊંઝાઃ APMC ચૂંટણી વિવાદ મામલે હાઇકોર્ટની સિંગલ બેન્ચે નારાયણ જૂથની ફગાવેલી 16 જેટલી સહકારી મંડળીઓની અરજી મામલે  હાઇકોર્ટના ચીફ જસ્ટિસ અનંત દવે અને બીરેન વૈષ્ણવની ડબલ બેંચે પણ 15 સહકારી મંડળીઓ મુદ્દે ચુકાદો યથાવત રાખ્યો છે

   . હાઇકોર્ટની ડબલ બેન્ચના ચુકાદા બાદ નારાયણ પટેલના પુત્ર ગૌરાંગ આવનારા સમયમાં ચેરમેન નહિ બની શકે એવી શક્યતા વ્યક્ત કરવામાં આવી રહી છે.

    અગાઉ હાઇકોર્ટના જસ્ટિસ બેલા ત્રિવેદીએ નારાયણ જૂથ સાથે સંકળાયેલી 16 જેટલી સહકારી મંડળીઓની અરજી ફગાવી હતી. જેમાં હાઇકોર્ટની ડબલ બેંચે 15 સહકારી મંડળીઓની અરજી ફગાવી દીધી હતી. બચેલી 1 સહકારી મંડળી મામલે આગામી 25મી માર્ચમાં રોજ સુનાવણી હાથ ધરવામાં આવશે.
   
અત્રે ઉલ્લેખનીય છે કે ગત 29મી જાન્યુઆરીના રોજ APMCની ચૂંટણીને લઈને પ્રોવિઝનલ યાદી તૈયાર કરવામાં આવી હતી. જેની સામે વાંધો ઉઠાવવામાં આવતા જવાબદાર અધિકારીએ તપાસ કરી એગ્રીકલ્ચર ક્રેડિટ આપતી સહકારી મંડળીઓનાં સભ્યોના નામ રદ કર્યા હતા.

 
જવાબદાર અધિકારીના ઓર્ડરને પડકારવા માટે હાઇકોર્ટમાં સહકરી મંડળીઓ દ્વારા પિટિશન દાખલ કરવામાં આવી હતી.

(12:16 am IST)
  • કોંગ્રેસ અધ્યક્ષ રાહુલ ગાંધી 2 સીટ ઉપરથી લોકસભા ચૂંટણી લડશે તેવી ચર્ચા : અમેઠીમાં 3 ટર્મથી ચૂંટાઈ આવતા રાહુલ ગાંધી માટે બીજી સીટ દક્ષિણ ભારતમાંથી પસંદ થાય તેવી શક્યતા : મહારાષ્ટ્ર અથવા મધ્યપ્રદેશની સલામત ગણાતી સીટની પણ પસંદગી થઇ શકે તેવું જાણકારોનું મંતવ્ય access_time 8:14 pm IST

  • અમૃતસરના કેટલાક વિસ્તારોમાં મધરાત્રે મોટા ધડાકાઃ ગભરાટઃ અમૃતસરમાં ગઇ મોડી રાત્રે દોઢ વાગે કેટલાક વિસ્તારોમાં ધડાકાઓના મોટા અવાજોથી ઘરોની દિવાલો ધ્રુજી ઉઠી હતી. લોકો ભારે ગભરાઇ ગયેલ અને ભારત-પાકિસ્તાન જંગ છેડાયાની ચર્ચા થવા લાગેલ. જો કે પોલીસ આવા વિસ્ફોટોનો ઇન્કાર કરી રહેલ છે અને કોઇ આવા રિપોર્ટ નોંધાયા ન હોવાનું કહેે છે. પરંતુ લોકોમાં ભારે ભય છે. પોલીસે લોકોને નહી ગભરાવા અને અફવાથી બચવા કહયું છે. સોશ્યલ મીડીયા ઉપર અનેક લોકોએ ધડાકા અંગે લખ્યું છે. access_time 11:27 am IST

  • ઐતીહાસીક ઘટના : અમેરિકી રાષ્ટ્રપતિ ડોનાલ્ડ ટ્રમ્પે પોતાનો પ્રથમ વીટો જારી કર્યો છે : કોંગ્રેસને સરહદ દિવાલ ભંડોળ માટેના આપાતકાલીન ઘોષણાને સુરક્ષિત કરવા માટે કોંગ્રેસના નિર્ણયને ઉથલાવી દીધો છે. access_time 1:59 am IST