Gujarati News

Gujarati News

News of Thursday, 14th March 2019

વડોદરાના વાઘોડિયા રોડ પર છકડો પલ્ટી ખાતા ધો.12ના વિદ્યાર્થીનું મોત નિપજતા ચકચાર

વડોદરા:શહેરના વાઘોડિયારોડ પર વૃંદાવન ચોકડી પાસે મંગળવારે રાત્રે છકડો પલટી જતાં, છકડા નીચે ચગદાઇ જવાથી ધો.૧૨ના વિદ્યાર્થીનું મોત થયુ હતું. વિદ્યાર્થી વડોદરા ખાતે પરીક્ષા આપવા આવ્યો હતો અને પછી રાત્રે છકડામાં બેસીને પોતાના ગામ વાઘોડિયા ખાતે પરત ફરી રહ્યો હતો અને છકડા ચાલકની બેદરકારીના કારણે વિદ્યાર્થીનું મોત થયુ હતું.

પ્રાપ્ત વિગતો અનુસાર વાઘોડિયા ગામમાં નર્મદા કોલોનીમાં રહેતો મયુરધ્વજસિંહ શંભુસિંહ રાઠોડ (ઉ.૧૯) ધો.૧૨ સામાન્ય પ્રવાહમાં અભ્યાસ કરી રહ્યો હતો. હાલમાં બોર્ડની પરીક્ષા ચાલી રહી છે અને તેનો નંબર વડોદરાના ફતેગંજ વિસ્તારની એક સ્કૂલમાં આવ્યો હોવાથી તે વાઘોડિયાથી અપડાઉન કરતો હતો. 

(5:58 pm IST)
  • સુપ્રિમ કોર્ટનો ચુકાદો શ્રીસંત પર BCCIનો પ્રતિબંધ રહેશે યથાવતઃ ક્રિકેટર શ્રીસંતની અરજી મુદ્દે સુપ્રિમનો ચુકાદો : શ્રીસંતને ક્રિકેટ રમવા પરનો આજીવન પ્રતિબંધ સુપ્રિમે હટાવ્યો : બીસીસીઆઈને શ્રીસંતનો પક્ષ સાંભળવા સુપ્રિમનો આદેશઃ શ્રીસંત પર બીસીસીઆઈનો પ્રતિબંધ રહેશે યથાવત access_time 11:28 am IST

  • શેરબજારમાં તોફાની તેજી : સેન્સેકસ ૩૮૦૦૦ની ઉપર : શેરબજારમાં એકધારી તેજી જોવા મળી રહી છે : બેંક-ઓટો-આઇટીમાં ધુમ લેવાલી : મોદી સરકારની વાપસીના એંધાણ વચ્ચે શેરબજાર સતત પાંચમાં દિવસે અપમાં છે : બપોરે આ લખાય છે ત્યારે સેન્સેકસ ૪૩૩ પોઇન્ટ વધીને ૩૮૧૮૮ અને નીફટી ૧ર૭ પોઇન્ટ વધીને ૧૧૪૭ર ઉપર છે ડોલર સામે રૂપિયો ૬૯.૦૮ ઉપર ટ્રેડ કરે છે આઇસીઆઇસીઆઇ, ટાટા સ્ટીલ, નવકાર, જય કોર્પો.માં લેવાલી : નીફટીમાં એનટીપીસી, ઇન્ડસ બેંક, એરટેલ, યશ બેંક, સનફાર્મા તેજીમાં છે access_time 3:58 pm IST

  • કોંગ્રેસ અધ્યક્ષ રાહુલ ગાંધી 2 સીટ ઉપરથી લોકસભા ચૂંટણી લડશે તેવી ચર્ચા : અમેઠીમાં 3 ટર્મથી ચૂંટાઈ આવતા રાહુલ ગાંધી માટે બીજી સીટ દક્ષિણ ભારતમાંથી પસંદ થાય તેવી શક્યતા : મહારાષ્ટ્ર અથવા મધ્યપ્રદેશની સલામત ગણાતી સીટની પણ પસંદગી થઇ શકે તેવું જાણકારોનું મંતવ્ય access_time 8:14 pm IST