Gujarati News

Gujarati News

News of Thursday, 14th March 2019

વિજાપુર તાલુકાના પીલવાઇમાં સામાન્ય તકરારમાં ઉશ્કેરાઈ યુવકને છરીના ઘા જીકી મોતનેઘાટ ઉતારી દીધો

વિજાપુર: તાલુકાના પિલવાઈ ગામમાં મંગળવારની મોડી રાતે સામાન્ય તકરારમાં ઉશ્કેરાઈ ગયેલા શખસે છરીના ઘા ઝીંકી યુવાનની હત્યા કરી દીધી હતી. આ અંગે પોલીસે ગુનો નોંધી કાયદેસરની કાર્યવાહી હાથ ધરી છે.

પિલવાઈ ગામમાં ફાયનાન્સના ધંધા સાથે સંકળાયેલા યુવાને તાજેતરમાં અગનપીછોડી ઓઢી આપઘાત કર્યો હતો. આ ઘટનાની ચર્ચા હજુ શમી નથી ત્યાં મંગળવારની રાત્રે યુવાનની હત્યા થતાં ચકચાર ફેલાઈ છે. આ ઘટના અંગે સૂત્રોમાંથી જાણવા મળેલી વિગત અનુસાર પિલવાઈ ગામમાં આવેલ ખેમરાજીનાવાસમાં રહેતા અરવિંદસિંહ સમરૃજી વિહોલ ગતરાત્રે બજારમાં ગયા હતા તે વખતે અજય સાથે તકરાર થઈ હતી. જેમાં ઉશ્કેરાઈ ગયેલા શખસે અરવિંદસિંહને છરીના ઘા ઝીંકી દીધા હતા. જેથી ગંભીર રીતે ઘવાયેલા આ યુવાનનુ મોત નીપજ્યું હતું. ઘટનાની જાણ થતાં લોકોના ટોળા ઘટનાસ્થળે ઉમટી ગયા હતા.

 

(5:54 pm IST)
  • ભાવનગરમાં ભારતીબેન શિયાળ, હિરાભાઇ સોલંકી સહિત દાવેદારોની ઉમેદવારી માટે રાફડો ફાટયો access_time 3:33 pm IST

  • સ્વાઇન ફલૂથી જુનાગઢ પંથકના વૃધ્ધાનું મોતઃ રાજકોટમાં કુલ મૃત્યુઆંક ૮૫ : શહેરની ખાનગી હોસ્પિટલમાં સ્વાઇન ફલૂથી વધુ એક દર્દીનું મોત નિપજ્યું છે. જુનાગઢ પંથકના ૬૦ વર્ષના વૃધ્ધાએ લેન્ડમાર્ક હોસ્પિટલમાં દમ તોડી દીધો છે. તેમનો રિપોર્ટ પોઝિટીવ હતો. આ સાથે કુલ મૃત્યુઆંક ૮૫ થયો છે access_time 3:32 pm IST

  • કોંગ્રેસની સ્ક્રીનીંગ કમીટીની બેઠક હવે ૧૭ માર્ચે મળશેઃ તારીખો ફરી access_time 11:26 am IST