Gujarati News

Gujarati News

News of Thursday, 14th March 2019

ચૂંટણી પંચના નોડલ ઓફીસર નરસિંમ્હા કોમાર બારોબાર દરોડા પડાવશે તેવી ભીતીથી ભારે ફફડાટ

ચૂંટણી પંચનો ચમત્કારઃ ગણતરીના દિવસોમાં જ લાખો રૂપીયાનો દારૂ ઝડપાયો : રાજયભરમાં કાળા નાણાની હેરફેર અટકાવવા એરપોર્ટ પર એર ઇન્ટેલીજન્સ કાર્યરતઃ ઠેર-ઠેર નાકાબંધી-ચેકીંગ : વડોદરાના પોલીસ કમિશ્નર અનુપમસિંહ ગેહલોત મધરાતે : સંવેદનશીલ મત વિસ્તારોમાં : લુખ્ખાઓને શાનમાં સમજાવ્યા : ભાવનગર રેન્જ વડા અશોકકુમાર યાદવ -બોટાદ એસપી હર્ષદ મહેતાના સુપરવીઝનમાં ૭ જેટલી શંકાસ્પદ રીક્ષાઓ મળી

રાજકોટ, તા., ૧૪: લોકસભાની ચુંટણીની જાહેરાત સાથે જ ચુંટણી પંચ દ્વારા બે સિનીયર કક્ષાના આઇપીએસ સંજય શ્રીવાસ્તવ અને નરસિંમ્હા કોમારની ગુજરાતના પોલીસ નોડલ ઓફીસર તરીકે પસંદગી કરવા સાથે જ નરસિંમ્હા કોમારને  ચુંટણી ખર્ચ સાથે ગુજરાતમાં ચુંટણી દરમિયાન દારૂબંધીના કડક અમલ માટેની વિશાળ સતાઓ આપતા નરસિંમ્હા કોમાર દ્વારા ઉચ્ચ અધિકારીઓ પાસેથી રોજે રોજ  કેટલો દારૂ પકડાયો? તેની માહીતી સાથે કંઇ કંઇ જગ્યાએ સર્ચ કર્યુ? દારૂના કેટલા અડ્ડાઓ ચેક કર્યા? નાકાબંધી દરમિયાન  દારૂના ટ્રકો કેટલા પકડાયા? તેવી માહીતી માંગી શરૂ થતા  ગણતરીના દિવસોમાં જ લાખો રૂપીયાનો અધધધ દારૂ રાજયભરમાંથી પકડાઇ ગયો છે.

સમગ્ર તંત્ર ચુંટણી પંચની અન્ડરમાં ચાલ્યું જતા અને ચુંટણી પંચ બારોબાર દરોડા પડાવે તો ખરાબ હાલત થઇ જાય તેવું સમજતા ચોક્કસ અધિકારીઓએ દારૂબંધીના કડક અમલ માટે ભરચક્ક પ્રયાસો આદર્યા છે. જો કે રાજયના પોલીસ વડા શિવાનંદ ઝા દ્વારા ચુંટણી પહેલા પણ દારૂબંધીના કડક અમલ માટે સરાહનીય પ્રયાસો કર્ર્યા છે. જેનો ઇન્કાર થઇ શકે તેમ નથી.

દરમિયાન રાજયભરમાં ચુંટણીઓ ન્યાયી અને ભયમુકત બને તે માટેના પ્રયાસોના ભાગરૂપે વડોદરાના પોલીસ કમિશ્નર મધરાતે સંવેદનશીલ વિસ્તારમાં પહોંચી આસપાસની સ્થિતિનું નિરીક્ષણ  કરવા સાથે કેટલાક શકમંદ તત્વોને આગવી ઢબે રાજકોટ સ્ટાઇલથી શાનમાં સમજાવી દીધા હતા. તેઓએ સંવેદનશીલ મત તથા અતિ સંવેદનશીલ મતદાન કેન્દ્રોની પણ મુલાકાત લીધી હતી.

સુત્રોમાંથી સાંપડતા નિર્દેેશ મુજબ  કાળા નાણાની હેરફેર અટકાવવા માટે રાજયભરમાં એર ઇન્ટેલિજન્સ કાર્યરત કરવામાં આવ્યા છે. ફલાઇંગ સ્કવોડ  વિડીયો સર્વેલન્સ, વિડીયો વ્યુઇંગ દ્વારા રાજયભરમાં રાજકીય પક્ષોના ખર્ચ પર દેખરેખ રાખવાના આઇજીપી નરસિંમ્હા કોમારના આદેશનું કડકાઇથી પાલન થઇ રહયું છે.

દરમિયાન ભાવનગરના રેન્જ વડા અશોકુાર યાદવના માર્ગદર્શન હેઠળ બોટાદના એસપી હર્ષદ મહેતાની આગેવાની હેઠળ એસઓજીના પીઆઇ એમ.એમ.દિવાન તથા ટીમ ચુંટણી સંદેર્ભે પેટ્રલીંગ હતા ત્યારે ૭ જેટલી શંકાસ્પદ રીક્ષાઓ કબ્જે કરવામાં આવી છે. આ બાબતે વિશેષ તપાસ ચાલુ છે.  સુરત, અમદાવાદ, રાજકોટ સહિત રાજય ભરમાં ચુંટણી સંદર્ભે કાયદો વ્યવસ્થા જાળવવા તંત્ર દોડધામ કરી રહયું છે.

(3:28 pm IST)
  • શેરબજારમાં તોફાની તેજી : સેન્સેકસ ૩૮૦૦૦ની ઉપર : શેરબજારમાં એકધારી તેજી જોવા મળી રહી છે : બેંક-ઓટો-આઇટીમાં ધુમ લેવાલી : મોદી સરકારની વાપસીના એંધાણ વચ્ચે શેરબજાર સતત પાંચમાં દિવસે અપમાં છે : બપોરે આ લખાય છે ત્યારે સેન્સેકસ ૪૩૩ પોઇન્ટ વધીને ૩૮૧૮૮ અને નીફટી ૧ર૭ પોઇન્ટ વધીને ૧૧૪૭ર ઉપર છે ડોલર સામે રૂપિયો ૬૯.૦૮ ઉપર ટ્રેડ કરે છે આઇસીઆઇસીઆઇ, ટાટા સ્ટીલ, નવકાર, જય કોર્પો.માં લેવાલી : નીફટીમાં એનટીપીસી, ઇન્ડસ બેંક, એરટેલ, યશ બેંક, સનફાર્મા તેજીમાં છે access_time 3:58 pm IST

  • કાલે ભાજપની સેન્ટ્રલ ઇલેકશન કમીટીની બેઠક : દિલ્હી ભાજપ કાર્યાલય ખાતે સાંજે ૪ વાગે બેઠક મળશેઃ ૧૮ અને ૨૨ માર્ચે પણ ભાજપની સેન્ટ્રલ ઇલેકશન કમિટિની બેઠક મળશેઃ તમામ બેઠકમાં નરેન્દ્રભાઇ હાજર રહેશે access_time 3:33 pm IST

  • શીલા દીક્ષિતે કહ્યું મારી ટિપ્પણીને તોડીમરોડીને રજુ કરાઈ :દિલ્હીના પૂર્વ મુખ્યમંત્રી શીલા દીક્ષિતે આતંકી અંગે મનમોહનસિંહ અને મોદીની તુલના કરતુ નિવેદન આપ્યું હતું :શીલા દીક્ષિતે કહ્યું કે હું જોઈ રહી છું કે મીડિયાનો એક હિસ્સો ઇન્ટરવ્યૂમાં કરાયેલ મારી ટિપ્પણી તોડી મરોડીને રજુ કરાઈ રહી છે access_time 1:29 am IST