Gujarati News

Gujarati News

News of Thursday, 14th March 2019

પડતર માંગણીનો ઉકેલ ના આવતા ધોરણ-10 અને ધોરણ-12ની ઉત્તરવહી ચકાસણીનો બહિષ્કાર કરતો શિક્ષક સંઘ

રાજકોટ : ગુજરાત રાજ્ય ઉચ્ચતર માધ્યમિક શિક્ષક સંઘ દ્વારા પડતર માંગણીનો ઉકેલ નહિ આવતા ધોરણ 10 અને ધોરણ 12ની ઉત્તરવહી ચકાસણીનો બહિષ્કાર કર્યો છે

ગુજરાત રાજ્ય ઉચ્ચતર માધ્યમિક શિક્ષક સંઘ મહામંડળના પ્રમુખ ભરતભાઈ પટેલ, ગુજરાત રાજ્ય માધ્યમિક શિક્ષક સંઘ મહામંડળના પ્રમુખ દિનેશભાઈ ચૌધરી તથા બંને મહામંડળના મહામંત્રીશ્રી રમેશચંદ્ર ઠક્કર, સુરેશભાઈ પટેલ સંયુક્ત નિવેદનમાં જણાવે છે કે ગ્રાન્ટેડ શાળાઓના શિક્ષણ સહાયકોને વેતન ભેદ, સળંગ નોકરી, નોકરીમાં ફાજલનું કાયમી રક્ષણ અને વૃત્તિ સમયે ૩૦૦ રજાઓનું રોકડમાં રૂપાંતર એમ ચાર પડતર માંગણીઓ અંગે છેલ્લા બે દિવસથી શિક્ષણમંત્રી તથા નાયબ મુખ્યમંત્રી સમક્ષ રજુઆતો ચાલુ છે છતાં આજદિન સુધી હજુ કોઈ નક્કર પરિણામ પ્રાપ્ત થતા ધોરણ ૧૦ અને ૧૨ની બોર્ડની પરીક્ષાનું પેપર ચકાસણી કામગીરીનો બહિષ્કાર ચાલુ રાખેલ છે, તેના અનુસંધાને ધો. ૧૨ જ્ઞાન પ્રવાહની તા. ૧૬ માર્ચથી શરુ થનાર ભૌતિક વિજ્ઞાન, ૧૮ માર્ચથી શરુ થનાર રસાયણ વિજ્ઞાન અને ૧૯ માર્ચથી શરુ થનાર જીવ વિજ્ઞાન વિષયની ઉત્તરવહી ચકાસણી કોઇપણ સંજોગોમાં ચાલુ થઇ શકશે નહી, જે જિલ્લાઓમાં મધ્યસ્થ મુલ્યાંકન કેન્દ્ર હશે ત્યાં બંને  મંડળના હોદ્દેદારો કેટીંગ કરી પેપર ચકાસણીનો બહિષ્કાર કરશે, વિજ્ઞાન પ્રવાહના વિદ્યાર્થીઓને પરિણામમાં વિલંબ થવાથી સ્પર્ધાત્મક પરીક્ષાઓ અને ઉચ્ચ શિક્ષણની પ્રવેશ પ્રક્રિયામાં મુશ્કેલી નડશે તેની જવાબદારી સરકારની રહેશે.

(10:29 pm IST)
  • સ્વાઇન ફલૂથી જુનાગઢ પંથકના વૃધ્ધાનું મોતઃ રાજકોટમાં કુલ મૃત્યુઆંક ૮૫ : શહેરની ખાનગી હોસ્પિટલમાં સ્વાઇન ફલૂથી વધુ એક દર્દીનું મોત નિપજ્યું છે. જુનાગઢ પંથકના ૬૦ વર્ષના વૃધ્ધાએ લેન્ડમાર્ક હોસ્પિટલમાં દમ તોડી દીધો છે. તેમનો રિપોર્ટ પોઝિટીવ હતો. આ સાથે કુલ મૃત્યુઆંક ૮૫ થયો છે access_time 3:32 pm IST

  • કાલે ભાજપની સેન્ટ્રલ ઇલેકશન કમીટીની બેઠક : દિલ્હી ભાજપ કાર્યાલય ખાતે સાંજે ૪ વાગે બેઠક મળશેઃ ૧૮ અને ૨૨ માર્ચે પણ ભાજપની સેન્ટ્રલ ઇલેકશન કમિટિની બેઠક મળશેઃ તમામ બેઠકમાં નરેન્દ્રભાઇ હાજર રહેશે access_time 3:33 pm IST

  • રાફેલ મામલો :સુપ્રીમ કોર્ટે કહ્યું પહેલા કેન્દ્ર સરકારની આપત્તિઓ પર નિર્ણય લેવાશે :પીઠે કહ્યું કે કેન્દ્ર દ્વારા ઉઠાવેલ પ્રારંભિક વાંધા પર ફેંસલોઃ કર્યા બાદ મામલાના તથ્યો પર વિચારણા કરાશે access_time 1:30 am IST