Gujarati News

ખેડા: જિલ્લામાં રતનપુર પાટિયા, જીભાઈપુરા તેમજ વાંઠવાળી એક્સપ્રેસ હાઈવે ઉપર અકસ્માત સર્જાયો હતો. આ ત્રણ અકસ્માતમાં ચારને ઈજા થવા પામી હતી.

પોલીસ સૂત્રોમાંથી મળતી માહિતી અનુસાર ખેડામાં રહેતા અનિલભાઈ ભલાભાઈ ધોરી ગત તા. ૧૨-૩-૨૦૧૮ના રોજ મોટરસાયકલ નં. જીજે-૭-એપી-૮૪૬૬ લઈને નડિયાદથી ખેડા જતા હતા. ત્યારે રતનપુર પાટિયા નજીક બાઈક લઈને ઊભા રહ્યા હતા. ત્યારે પૂરઝડપે આવેલ સફેદ ગાડી નં. જીજે-૭-ડીએ-૭૫૩૩એ બાઈકને ટક્કર મારતાં અનિલભાઈ ધોરી તથા તેમના સંબંધીને ઈજા થઈ હતી. આ બનાવ અંગે અનિલભાઈ ભલાભાઈ ધોરીની ફરિયાદ આધારે માતર પોલીસે ગુનો નોંધી કાયદેસર કાર્યવાહી હાથ ધરી છે.

જ્યારે બીજા બનાવમાં મહેમદાવાદ તાલુકાના જીભાઈપુરામાં રહેતા લ-મીબેન સોલંકી ગત તા. ૧૨-૩-૨૦૧૮ના સાંજે અમૂલ જેરી પાસે રોડ ક્રોસ કરતા હતા ત્યારે પંચવટી તરફથી નડિયાદ તરફ જતી મોટરસાયકલ નં. જીજે-૭-એપી-૭૯૩૪એ રાહદારીને ટક્કર મારતાં લ-મીબેનને ઈજા થઈ હતી. આ બનાવ અંગે સુરેશભાઈ સોલંકીની ફરિયાદ આધારે મહેમદાવાદ પોલીસે ગુનો નોંધી કાર્યવાહી હાથ ધરી છે. અકસ્માતનો ત્રીજો બનાવ અમદાવાદ-વડોદરા એક્સપ્રેસ વે વાંઠવાળી નજીક સર્જાયો હતો. જેમાં ગત તા. ૧૦-૩-૨૦૧૮ની બપારો નવી નક્કોર સફેદ ઈકો ગાડીના ચાલકે પૂરઝડપે હંકારી રોડની મધ્યમાં આવેલ ડિવાઈડર સાથે અથડાવતાં ગાડીને નુકસાન થયું હતું જ્યારે કારચાલકને ઈજા થઈ હતી.