Gujarati News

Gujarati News

News of Thursday, 15th February 2018

ઓઇલ ચોરી કરતા ચાર શખ્સ અંતે ઝડપાઈ ગયા

ક્રાઈમ બ્રાંચ દ્વારા પકડી પડાયા

અમદાવાદ,તા. ૧૫, નારોલથી ખેડા જતા રોડ પર સારસા ગામે ઓએનજીસીની પાઈપલાઈનમાં પંચર પાડી ઓઇલ ચોરી કરવાના પ્રયાસ કરનાર ઓઇલ ચોરી ગેંગના ચાર સભ્યોને પકડી પાડવામાં આવ્યા છે. ક્રાઈમ બ્રાંચે ઓઇલ ચોરી કરવાના સાધનો સાથે તેમને પકડી પાડ્યા છે. તમામ ઝડપાયેલા શખ્સોની પુછપરછ કરી લેવાઈ છે. ઝડપાયેલા શખ્સોમાં અવધેશકુમાર, પુનિત ઉર્ફે છોટુ ઉર્ફે ગોલુ, મેહુલ તથા મુકેશ ઉર્ફે મોન્ટુ તરીકે ઓળખાયા છે. તેમની પુછપરછના આધારે વધુ તપાસ ચાલી રહી છે. નારોલ લાંભાગામ ટર્નિંગ પાસે ખેડા તરફ જવાના રોડ ઉપરથી તેમની ધરપકડ કરવામાં આવી છે. તેમની પાસેથી લોખંડના બે સળિયા અને અન્ય સાધનો જપ્ત કરાયા છે. ૨૪૮૮૫નો મુદ્દામાલ જપ્ત કરાયો છે. આમા અવધેશ અગાઉ પણ કેટલાક કેસમાં પકડાઈ ચુક્યો છે. વધુ પુછપરછ ઝડપાયેલાશખ્સોની હાથ ધરવામાં આવી છે.

(11:42 pm IST)
  • કેનેડાના વડા પ્રધાન ટ્રુડો ૧૭મીથી ભારતની ચાર દિવસ યાત્રા પર : ટ્રુડો સરકાર ખાલીસ્તાનીઓ પ્રત્યે કુણું વલણ ધરાવતી હોવાનો આક્ષેપ access_time 4:11 pm IST

  • મહારાષ્ટ્રમાં વાવાઝોડાએ અબજોની તબાહી સર્જી : ૧૯૦૦ ગામડાના પાક સાફ :મહારાષ્ટ્રમાં ૩ દિવસના તોફાની વરસાદ - બરફના કરાના તોફાન અને વાવાઝોડાથી ૧૯૦૦ ગામડાના પાકની તબાહી : બે લાખ હેકટર ઉપર ઉભો પાક સાફ થઈ ગયો : અબજો - અબજો રૂપિયાનું નુકશાનઃ મહારાષ્ટ્ર સરકારે આ કુદરતી તબાહી માટે કેન્દ્ર પાસે ૨૦૦ કરોડ માગ્યા access_time 4:09 pm IST

  • મુંબઇ મહાનગરપાલિકા(BMC)એ સલમાનખાનની પ્રખ્યાત NGO સંસ્થા 'બીઈંગ હ્યુમન'ને બ્લેકલીસ્ટમાં મૂકી દીધી છે. 'બીઈંગ હ્યુમન' પર આરોપ છે કે તેણે BMCની સાથે વચનભંગ કર્યો છે. આ માટે BMCએ સંસ્થાને કારણ દર્શાઓ નોટીસ પણ ફટકારી છે. મુંબઈ મીરરના એહવાલ અનુસાર બીઈંગ હ્યુમન' ફાઉન્ડેશને બંદર વિસ્તારમાં ડાયાલીસીસના યુનિટ બનાવવાના હતા, જેના લીધી મધ્યમ અને ગરીબ વર્ગના લોકોને સસ્તી સારવાર મળી રહે, પરંતુ બીઈંગ હ્યુમન' ફાઉન્ડેશને હજુ સુધી આ યુનિટો ચાલુ નથી કર્યા. access_time 2:25 pm IST