Gujarati News

Gujarati News

News of Thursday, 15th February 2018

બનાસકાંઠાના અંબાજીની એકલવ્ય સ્કુલનાં વિદ્યાર્થીનો આપઘાત

બનાસકાંઠાના અંબાજીની એકલવ્ય સ્કુલનાં વિદ્યાર્થીનો આપઘાત

બનાસકાંઠાઃ અંબાજી ખાતેની સ્કૂલમાં વિદ્યાર્થીએ આત્મહત્યા કરી લેતા અરેરાટી વ્યાપી ગઇ છે.

પ્રાપ્ત માહીતી મુજબ  બનાસકાંઠામાં આદિવાસી બાળકોની એકલવ્ય સ્કૂલમાં ભણતા 14 વર્ષના અજય ગમારે રાત્રે હોસ્ટલના રૂમમાં જ ગળે ફાંસો ખાઈ આત્મહત્યા કરી હતી. જેને પગલે સ્કૂલમાં ઉહાપોહ મચ્યો હતો. માત્ર 14 વર્ષના વિદ્યાર્થીએ આત્મહત્યા કરતા સ્કૂલ સંકુલમાં વિવિધ વાતો વહેતી થઈ છે. આ બનાવને પગલે અંબાજી પોલીસ દ્યટના સ્થળે પહોંચીને તપાસ હાથ ધરી છે.

અંબાજી પાસે અનેક આદિવાસીઓ વસવાટ કરે છે, આ આદિવાસી વિસ્તારોના બાળકોનું શિક્ષણ સ્તર સુધરે અને તેમને સારું શિક્ષણ મળી રહે તે માટે આ વિસ્તારમાં સરકાર દ્વારા એકલવ્ય મોડલ સ્કૂલ બનાવવામાં આવી છે. તેથી માત્ર 14 વર્ષના બાળકે કયા કારણોસર આત્મહત્યા કરી, તેને સ્કૂલમાં કોઈ તકલીફ હતી કે, પછી પરિવારની કોઈ સમસ્યા કારણભૂત હતી, તે વિશે પોલીસે તપાસ શરૂ કરી છે.

(6:56 pm IST)
  • દુનિયામાં માત્ર ૫ ટકા મહિલાઓ ગણિત અને નેચરલ સાઈન્સ ક્ષેત્રમાં કામ કરે છેઃ એન્જીનીયરીંગમાં ૮ ટકા અને સ્વાસ્થ્યના ક્ષેત્રમાં ૧૫ ટકા મહિલાઓ access_time 4:11 pm IST

  • હજારો કરોડના પંજાબ નેશનલ બેન્કના કૌભાંડમાં નિરવ મોદીને ત્યાં દરોડા : મુંબઈમાં એન્ફોર્સમેન્ટ ડાયરેકટોરેટના ત્વરિત પગલા : નિરવ મોદીના ઘરે અને ઓફીસે ૧૦ થી ૧૨ સ્થળો પર ઈડીએ શરૂ કર્યુ સર્ચ ઓપરેશન : પંજાબ નેશનલ બેન્કના ૧૧ હજાર ૪૦૦ કરોડના કૌભાંડની તપાસનો જબરો ધમધમાટ : અનેકને રેલો આવશે access_time 12:24 pm IST

  • વડોદરામાં નકલી નોટોનું કૌભાંડ ઝડપાયું છે. અહીં રૂ. 2 હજારની નકલી નોટો છાપવામાં આવતી હતી અને ઇન્દોર અને વડોદરામાં નકલી નોટોનો કારોબાર ધમધમતો હતો. આ મામલે પોલીસે 2 શખ્સોની ધરપકડ કરી છે. નકલી નોટો સાથે પિસ્તોલ પણ જપ્ત કરવામાં આવી છે. access_time 3:28 pm IST