Gujarati News

Gujarati News

News of Thursday, 15th February 2018

કપડવંજના આંબલીયારાની નહેરમાંથી અજાણ્યા પુરુષની લાશ મળી આવતા તપાસ શરૂ

નડિયાદ : કપડવંજ તાલુકાના આંબલીયારા ગામની સીમમાં નર્મદા નહેરના આયફન ગરનાળામાંથી ગઈકાલે બપોરે એક અજાણ્યા પુરૂષની લાશ મળી આવી હતી. આ અજાણ્યો પુરૂષ ૩૦ થી ૩૫ વર્ષના આશરાનો હોવાનું જણાઈ આવેલ છે. આ અજાણ્યા પુરૂષનું અકસ્માતે નહેરમાં પડી જતાં તણાઈ ગયો કે પછી નહેરમાં પડી આપધાત કર્યો તે અંગે તરેહ-તરેહની અટકળો થઈ રહી છે. આ અજાણ્યા પુરૂષની ફોગાઈ ગયેલી લાશનો કબજો લઈ કપડવંજ ટાઉન પોલીસે સરકારી હોસ્પિટલમાં પોસ્ટ મોર્ટમ કરાવ્યું હતું. કપડવંજ શહેર પોલીસે અકસ્માતે મોતનો ગુનો દાખલ કરીને તેના વાલીવારસોની શોધખોળ હાથ ઘરી છે.

(5:57 pm IST)
  • પ્રિયંકા ચોપડાએ ગીતાંજલિ બ્રાન્ડ જ્વેલરીની જાહેરાત માટે તેને પૈસાની ચુકવણી કરવામાં ન આવી હોવાના અને તે આ મામલે અબજોપતિ નિરવ મોદી વિરુદ્ધ કેસ કરવાની હોવાના વેહતા થયેલા મીડિયા એહવાલોને નકારી કાઢ્યા છે. જો કે પ્રિયંકાએ એમ પણ કહ્યું હતું કે તેણે ગીતાંજલિ સાથેનો કોન્ટ્રાકટ કેન્સલ કરી દેવાનો નિર્ણય લીધો છે. તે હવે આ બ્રાન્ડની જાહેરાતમાં નહિં દેખાય. આ પાછળ પ્રિયંકાએ નિરવ મોદી પર થયેલા છેતરપિંડીના આરોપોને જવાબદાર ગણાવ્યા હતા. access_time 11:51 pm IST

  • વડાપ્રધાન નરેન્દ્રભાઈ આજે અરૂણાચલ- ત્રિપુરાની મુલાકાત સમયે અનોખા અંદાજમાં જોવા મળ્યા હતા. સભા દરમ્યાન તેઓ સ્થાનિક પહેરવેશમાં જોવા મળ્યા હતા. તેમણે અહીંયા દોરજી ખાંડુ રાજ્ય સભાગારનું ઉદ્ઘાટન કર્યું હતું. આ પ્રસંગે તેમણે કહ્યું કે હવે સરકાર દિલ્હીથી નહીં, દેશના ઘણા હિસ્સાઓમાંથી લોકો ચલાવી રહ્યા છે. પીએમ ત્રિપુરામાં બે ચૂંટણી રેલીઓને સંબોધશે. ત્રિપુરા વિધાનસભા માટે 18 ફેબ્રુઆરીએ ચૂંટણી થવાની છે. access_time 4:12 pm IST

  • સુરતમાં ૩ બાળક સાથે પૂજારીએ દુષ્કર્મ કર્યુ : ફરીયાદ : નવસારી બજાર વિસ્તારની ઘટના : ગોખી તળાવના મંદિરના પૂજારી વિરૂદ્ધ ફરીયાદ access_time 12:23 pm IST