Gujarati News

Gujarati News

News of Thursday, 15th February 2018

સુરત-વ્યારા રોડ પર પુરપાટ ઝડપે જતા બે બાઈક સામસામે અથડાતા બે યુવાનના ઘટનાસ્થળેજ મોત

અમદાવાદ:સુરત-વ્યારા રોડ પરથી ફુલ સ્પીડે પસાર થઇ રહેલા બે બાઇક સામસામે અથડાતા સર્જાયેલા અકસ્માતમાં બંને યુવાનનાં ઘટનાસ્થળે જ કમકમાટીભર્યા મોત થયા હતા.

મળતી માહિતી મુજબ આ અંગેની વિગત એવી છે કે, વ્યારા તાલુકાના બાલપુર ગામે રહેતા રિતેશ અર્જુનભાઇ ગામીત બાઇક લઇ વ્યારા તરફ જઇ રહ્યા હતા ત્યારે સામેથી પુર ઝડપે કલ્પેશભાઇ ગામીત બાઇક પર આવી રહ્યા હતા ત્યારે સુરત-વ્યારા રોડ પર ટિચકીયા ગામ નજીક આ બંને બાઇક સામસામે અથડાતાં બંને યુવાનો રોડ પર પટકાતા માથાના ભાગે ગંભીર ઇજા પહોંચી હતી.

જેમાં એકનું ઘટનાસ્થળે જ મોત થયું હતું જ્યારે અન્ય એકને સારવાર માટે ખસેડાતા તેનું હોસ્પિટલમાં મોત થયું હતું. પોલીસે આ અંગે અકસ્માતે મોતનો ગુનો દાખલ કર્યો છે અને બંને લાશોને પીએમ માટે વ્યારાની હોસ્પિટલમાં મોકલી આપી આગળની કાર્યવાહી હાથ ધરી છે.

(5:55 pm IST)
  • માઉન્ટ આબુમાં પ્રેમી યુગલે ગળાફાંસો લગાવી જીવન ટુંકાવ્યુ :વેલેન્ટાઈન ડેના દિવસે કરી આત્મહત્યા : આત્મહત્યાના કારણની તપાસમાં લાગી પોલીસ access_time 4:11 pm IST

  • પ્રિયંકા ચોપડાએ ગીતાંજલિ બ્રાન્ડ જ્વેલરીની જાહેરાત માટે તેને પૈસાની ચુકવણી કરવામાં ન આવી હોવાના અને તે આ મામલે અબજોપતિ નિરવ મોદી વિરુદ્ધ કેસ કરવાની હોવાના વેહતા થયેલા મીડિયા એહવાલોને નકારી કાઢ્યા છે. જો કે પ્રિયંકાએ એમ પણ કહ્યું હતું કે તેણે ગીતાંજલિ સાથેનો કોન્ટ્રાકટ કેન્સલ કરી દેવાનો નિર્ણય લીધો છે. તે હવે આ બ્રાન્ડની જાહેરાતમાં નહિં દેખાય. આ પાછળ પ્રિયંકાએ નિરવ મોદી પર થયેલા છેતરપિંડીના આરોપોને જવાબદાર ગણાવ્યા હતા. access_time 11:51 pm IST

  • કેનેડાના વડા પ્રધાન ટ્રુડો ૧૭મીથી ભારતની ચાર દિવસ યાત્રા પર : ટ્રુડો સરકાર ખાલીસ્તાનીઓ પ્રત્યે કુણું વલણ ધરાવતી હોવાનો આક્ષેપ access_time 4:11 pm IST