Gujarati News

Gujarati News

News of Thursday, 15th February 2018

મહેસાણા-ગાંધીનગર રોડ નજીક બે ટ્રક અથડાતા અફડાતફડી

મહેસાણા:મહેસાણા-ગાંધીનગર રોડ પર રામપુરા સર્કલ પાસે બે ટ્રકો સામ સામે અથડાતા અકસ્માત સર્જાયો હતો વિજાપુરથી મહેસાણા તરફ જઇ રહેલી અને મહેસાણાથી ગાંધીનગર તરફ આવી રહેલી બે ટ્રકો જોરદાર ધડાકા સાથે સામ સામે અથડાઇ હતી.

જેમાં એક ટ્રક રોડની બાજુમાં પલટી ખાઇ ગઇ હતી જ્યારે બીજી ટ્રકની કેબિનમાં આગ લાગતાં રોડ પર અફરાતફરી મચી ગઇ હતી. જોકે આ ઘટનામાં કોઇ જાનહાનિ કે કોઇને ઇજા થવા પામી ન હતી. ઘટનાના પગલે ટ્રાફિક જામ થઇ ગયો હતો.

(5:55 pm IST)
  • વડાપ્રધાન નરેન્દ્રભાઈ આજે અરૂણાચલ- ત્રિપુરાની મુલાકાત સમયે અનોખા અંદાજમાં જોવા મળ્યા હતા. સભા દરમ્યાન તેઓ સ્થાનિક પહેરવેશમાં જોવા મળ્યા હતા. તેમણે અહીંયા દોરજી ખાંડુ રાજ્ય સભાગારનું ઉદ્ઘાટન કર્યું હતું. આ પ્રસંગે તેમણે કહ્યું કે હવે સરકાર દિલ્હીથી નહીં, દેશના ઘણા હિસ્સાઓમાંથી લોકો ચલાવી રહ્યા છે. પીએમ ત્રિપુરામાં બે ચૂંટણી રેલીઓને સંબોધશે. ત્રિપુરા વિધાનસભા માટે 18 ફેબ્રુઆરીએ ચૂંટણી થવાની છે. access_time 4:12 pm IST

  • અમેરિકાના રાષ્ટ્રપતિ ડોનાલ્ડ ટ્રમ્પના વકીલે ચોંકાવનારો ખુલાસો કર્યો છે કે તેણે પોર્ન સ્ટાર ડેનિયલ્સનું ઉર્ફે સ્ટેફની ફ્લિફોર્ડને પોતાના ખિસ્સામાંથી 1,30,000 ડોલર (રૂ.83 લાખ) આપ્યા હોવાની વાત સ્વીકારી છે. આ પોર્ન સ્ટાર પર 2006માં યુએસ રાષ્ટ્રપ્રમુખ ડોનાલ્ડ ટ્રમ્પ પર કથિત રીતે જાતિય સંબંધ બનાવ્યા હતા. ટ્રમ્પના વકીલ માઈકલ કોહેને ધ ન્યૂ યોર્ક ટાઈમ્સને જણાવ્યું હતું કે તેમણે સ્ટોર્મી ડેનિયલ્સને ટ્રમ્પ ઓર્ગેનાઈઝેશન કે ટ્રમ્પના પ્રચાર અભિયાનમાંથી કોઈ નાણાં આપ્યા નથી access_time 9:28 am IST

  • કેનેડાના વડા પ્રધાન ટ્રુડો ૧૭મીથી ભારતની ચાર દિવસ યાત્રા પરઃ ટ્રુડો સરકાર ખાલીસ્તાનીઓ પ્રત્યે કુણું વલણ ધરાવતી હોવાનો આક્ષેપ access_time 11:21 am IST