Gujarati News

Gujarati News

News of Thursday, 15th February 2018

સુરતમાં નરાધમ પુજારીનું ૩ બાળકો ઉપર દુષ્કર્મઃ ધરપકડ

ચોકલેટ - પતંગના બહાને બોલાવતો નરાધમ સામે પોસ્કો સહિતની કલમ હેઠળ ગુનો નોંધાયોઃ પુજારી કહે છે ખોટી રીતે ફરિયાદ નોંધાયેલ

રાજકોટ તા. ૧૫ : સુરતના એક મંદિરના પુજારીએ ૩ બાળકો સાથે દુષ્કર્મ આચરવાની ઘટના પ્રકાશમાં આવતા ભારે હોબાળો મચી ગયો છે. પોલીસ ઘટનાની ગંભીરતા જોઇ પુજારીની ધરપકડ કરી આગળની કાર્યવાહી હાથ ધરી છે.

નવસારી બજાર ખાતે આવેલા એક મંદિરના પૂજારી સામે ત્રણ બાળકો સાથે સૃષ્ટી વિરુદ્ઘની કૃત્યની ફરિયાદ નોંધાવવામાં આવી હતી. ત્યારબાદ પૂજારી ધરપકડ કરવામાં આવી છે. ગત મોડી રાત્રે ત્રણેય બાળકોને સિવિલ હોસ્પિટલ ખાતે મેડિકલ તપાસ માટે લઈ જવામાં આવ્યા હતા. જયારે આજે વહેલી સવારે પૂજારીને પણ મેડિકલ તપાસ માટે પોલીસ લઈ આવી હતી.

નવસારી બજાર ગોપી તળાવ સામે આવેલા મંદિરમાં છેલ્લા ૧૫ વર્ષથી આચાર્ય પૂજારી છે. પૂજારી કેટલાક બાળકોને ચોકલેટ અને પતંગના બહાને બોલાવતો હતો. અને ત્યારબાદ ત્રણેક જેટલા બાળકો સાથે છેડછાડ કરી સૃષ્ટી વિરુદ્ઘનું કૃત્યુ આચર્યું હતું. જેથી ત્રણેય બાળકો અકળાઈને વાતો કરતા હતા. જેથી આ સમગ્ર મામલો બહાર આવ્યો હતો. અને પૂજારી વિરુદ્ઘ પોલીસ સ્ટેશનમાં પોસ્કો અને ૩૭૭ની કલમ હેઠળ ગુનો નોંધવામાં આવ્યો છે. અને પૂજારીની ધરપકડ કરી છે.

મોડી રાત્રે ત્રણેય બાળકોને મેડિકલ તપાસ માટે સિવિલ હોસ્પિટલ લઈ જવામાં આવ્યા હતા. ત્યારબાદ ફોરેન્સિક તપાસ માટે વધુ તપાસ માટે લઈ જવામાં આવશે. જયારે પોલીસ પૂજારીને પણ આજે વહેલી સવારે મેડિકલ તપાસમાં લઈને આવી હતી. બાળકોએ જણાવ્યું હતું કે, ૧૨ ફેબ્રુઆરીએ અમારી સાથે ગંદુ કામ કર્યું હતું. જયારે પૂજારીએ જણાવ્યું હતું કે, ખોટી રીતે મારી વિરુદ્ઘ આવી ફરિયાદ નોંધાવવામાં આવી છે.

(4:43 pm IST)
  • નોબેલ શાંતિ પારિતોષિક વિજેતા મલાલા યુસુફઝાઈએ સ્ત્રીઓનાં માસિક ચક્ર વખતે સ્વચ્છતા જાળવવાની સાથોસાથ એવી સ્ત્રીઓની અવગણના ન કરવાનો સંદેશ આપતી બોલીવૂડની ફિલ્મ ‘પેડ મેન'ની પ્રશંસા કરી છે. હવે ‘પેડ મેન'નાં નિર્માતાઓ મલાલા માટે સ્પેશિયલ શો યોજવાની તૈયારીમાં છે, એવું ફિલ્મના દિગ્દર્શક આર. બાલ્કીએ જણાવ્યું હતું. access_time 11:57 pm IST

  • કચ્છનાં મુંદ્રા પોર્ટ પરથી ફરી કિંમતી સિગારેટની દાણચોરી કરી મોટ જથ્થો ધુસાડવાનો પ્રયાસ DRIએ નાકામ બનાવ્યો છે. DRI દ્રારા 14 લાખ 40 હજાર સિગારેટનો માતબર જથ્થો ઝડપવામાં આવ્યો છે જેની બજાર કિંમત 1 કરોડ 44 લાખ કરતા પણ વઘુ આંકવામાં આવે છે access_time 9:29 am IST

  • અમેરિકાના રાષ્ટ્રપતિ ડોનાલ્ડ ટ્રમ્પના વકીલે ચોંકાવનારો ખુલાસો કર્યો છે કે તેણે પોર્ન સ્ટાર ડેનિયલ્સનું ઉર્ફે સ્ટેફની ફ્લિફોર્ડને પોતાના ખિસ્સામાંથી 1,30,000 ડોલર (રૂ.83 લાખ) આપ્યા હોવાની વાત સ્વીકારી છે. આ પોર્ન સ્ટાર પર 2006માં યુએસ રાષ્ટ્રપ્રમુખ ડોનાલ્ડ ટ્રમ્પ પર કથિત રીતે જાતિય સંબંધ બનાવ્યા હતા. ટ્રમ્પના વકીલ માઈકલ કોહેને ધ ન્યૂ યોર્ક ટાઈમ્સને જણાવ્યું હતું કે તેમણે સ્ટોર્મી ડેનિયલ્સને ટ્રમ્પ ઓર્ગેનાઈઝેશન કે ટ્રમ્પના પ્રચાર અભિયાનમાંથી કોઈ નાણાં આપ્યા નથી access_time 9:28 am IST