Gujarati News

Gujarati News

News of Thursday, 15th February 2018

સરદાર પટેલના સ્ટેચ્યુ ઓફ યુનિટીનું ઉદ્ઘાટન ૩૧ ઓકટોબરે તેમના જન્મદિને

નવી દિલ્હી, તા. ૧પ : ગુજરાતની બીજેપી સરકાર ૩૧ ઓટકટોબર ભારતના પ્રથમ ગૃહપ્રસધાન સરદાર વલ્લભભાઇ પટેલના જન્મદિવસે ૧૮ર મીટર ઉંચા 'સ્ટેચ્યુ ઓફ યુનિટી'નું ઉદ્ઘાટન કરવા ઇચ્છે છે. નર્મદા નદી પર બાંધવામાં આવેલા સરદાર સરોવર ડેમથી ૩.૩ર કિલોમીટર દૂર આવેલા સાધુ દ્વીપ પર ઉભું કરવામાં આવેલું આ સ્મારક ૩૧ ઓકટોબર સુધીમાં તૈયાર થઇ જવા અપેક્ષિત છે એમ ગુજરાતના ચીફ સેક્રેટરી જે.એન. સિંહે જણાવ્યું હતું. પ્રોજેકટના કામનું નિરીક્ષણ કરવા મંગળવારે તેમણે સ્મારકના સ્થળની મુલાકાત લીધી હતી.

વડાપ્રધાન નરેન્દ્રભાઇ મોદીના ડ્રીમ પ્રોજેકટ સમા આ સ્મારકનો શિલાન્યાસ ર૦૧૩ની ૩૧ ઓકટોબરે ભારતના લોખંડી પુરૂષના ૧૩૮માં જન્મદિવસે કરવામાં આવ્યો હતો. સરદાર સરોવર નર્મદા નિગમ લિમિટેડના નિરીક્ષણ હેઠળ પબ્લિક-પ્રાઇવેટ પાર્ટનરશિપના ધોરણે લાર્સન એન્ડ ટૂબ્રો દ્વારા તૈયાર થનાર ૩૦૦૦ કરોડ રૂપિયાના આ પ્રોજેકટનો શિલાન્યાસ ગુજરાતના એ સમયના મુખ્ય પ્રધાન નરેન્દ્રભાઇ મોદીએ કર્યો હતો.

(11:34 am IST)
  • કચ્છનાં મુંદ્રા પોર્ટ પરથી ફરી કિંમતી સિગારેટની દાણચોરી કરી મોટ જથ્થો ધુસાડવાનો પ્રયાસ DRIએ નાકામ બનાવ્યો છે. DRI દ્રારા 14 લાખ 40 હજાર સિગારેટનો માતબર જથ્થો ઝડપવામાં આવ્યો છે જેની બજાર કિંમત 1 કરોડ 44 લાખ કરતા પણ વઘુ આંકવામાં આવે છે access_time 9:29 am IST

  • ધ્યાન દેજો...મોરબી પાસે કચ્છના નાના રણમાં 'કલ્પસર' જેવી જ પાણી સંગ્રહની શકયતા :યોજના અમલી બન્યે સૌરાષ્ટ્ર સોનુ ઉત્પન્ન થશેઃ સેતુબંધ ફાઉન્ડેશન દ્વારા વિજયભાઇ રૂપાણી સમક્ષ રજુઆત access_time 4:11 pm IST

  • માઉન્ટ આબુમાં પ્રેમી યુગલે ગળાફાંસો લગાવી જીવન ટુંકાવ્યુ :વેલેન્ટાઈન ડેના દિવસે કરી આત્મહત્યા : આત્મહત્યાના કારણની તપાસમાં લાગી પોલીસ access_time 12:24 pm IST