Gujarati News

Gujarati News

News of Wednesday, 14th February 2018

ગુજરાતમાં એઇમ્સ માટે રાજકોટ અને વડોદરા વચ્ચે સ્પર્ધા:વડોદરા આગળ થયાની ચર્ચા

વડોદરા માટે ચાર સ્થળે વિશાળ જમીનનો અભ્યાસ બાદ પાદરાના ચોકારી અને વાઘોડિયાના બાકરોલ ગામની જમીનની પસંદગી ??

ગુજરાતમાં એઇમ્સ માટે રાજકોટ અને વડોદરા વચ્ચે સ્પર્ધા:વડોદરા આગળ થયાની ચર્ચા

વડોદરા :ગુજરાતમાં એઇમ્સ માટે મુખ્યત્વે રાજકોટ અને વડોદરા વચ્ચે સ્પર્ધા હતી જેમાં વડોદરા આગળ થયાની ચર્ચા છે અને વડોદરા જિલ્લાના બે સ્થળોની પસંદગી કરી લેવાયાની પણ ચર્ચા છે જોકે હજુ સુધી કોઈ સત્તાવાર જાહેરાત કરાઈ નથી મેડિકલ ક્ષેત્રે દેશની સર્વોચ્ચ સંસ્થા એઇમ્સ(ઓલ ઇન્ડિયા ઇન્સ્ટીટયુટ ઓફ મેડિકલ સાયન્સીઝ)ની ગુજરાતમાં સ્થાપના માટે વડોદરા અને રાજકોટ વચ્ચેની સ્પર્ધામાં વડોદરાને ફાયદો થાય તેવી શક્યતાઓ વર્તાઇ છે.વડોદરા જિલ્લામાં પાદરા અને વાઘોડિયા તાલુકાના ચાર સ્થળે જમીનનો અભ્યાસ કર્યા બાદ આખરે બે સ્થળની જમીનને બાદ કરતા પાદરા તાલુકાના ચોકારી તેમજ વાઘોડિયા તાલુકાના બાકરોલ ગામની વિશાળ જમીન પર હાલ પુરતી પસંદગી ઉતારાઇ છે જો કે હજી સુધી એઇમ્સની સ્થાપના માટે સત્તાવાર જાહેરાત કરવામાં આવી નથી.

 

  અત્રે ઉલ્લેખનીય છે દરેક રાજ્યમાં એઇમ્સની સ્થાપના કરવા માટે જાહેરાત કરવામાં આવ્યા બાદ ગુજરાતમાં પણ એઇમ્સની સ્થાપનાના મુદ્દે મેડિકલ ક્ષેત્રે સંકળાયેલા લોકોમાં હરખ વ્યાપ્યો હતો. રાજ્યમાં વડોદરા અને રાજકોટમાં એઇમ્સની સ્થાપના માટે જમીનો અંગેની વિગતો કેન્દ્રના હેલ્થ એન્ડ ફેમિલિ વેલફેર વિભાગ દ્વારા મંગાવાઈ હતી જેમાં જાન્યુઆરી-2015માં પાદરા તાલુકાના ચોકારી, જાસપુર અને પાવડા ગામની વિશાળ જમીન તેમજ વાઘોડિયા તાલુકાના બાકરોલ ગામની જમીનની દરખાસ્ત મોકલાઈ હતી વર્ષ-૨૦૧૫માં જ એઇમ્સની ટીમે વડોદરા જિલ્લાના વિવિધ ખાતાના અધિકારીઓને સાથે રાખી પાદરા તાલુકાના ત્રણ ગામો તેમજ વાઘોડિયા તાલુકાના એક ગામની વિશાળ જમીનની મુલાકાત લઇ સર્વે કર્યો હતો

   એઇમ્સની સ્થાપના માટે જમીન યોગ્ય છે કે નહી તે અંગે વિવિધ પાસાઓ અંગે સ્થાનિક અધિકારીઓ સાથે ચર્ચા વિચારણા પણ કરવામાં આવી હતી અને ટીમ દ્વારા એક રિપોર્ટ સરકારમાં મુક્યા બાદ વડોદરામાં એઇમ્સની સ્થાપના માટે પાદરા તાલુકાના ચોકારી ગામની ૩૫૩ હેક્ટર જમીન તેમજ વાઘોડિયા તાલુકાના બાકરોલ ગામની ૨૫૩ હેક્ટર જમીન યોગ્ય હોવાનું નક્કી થયુ હતું. ચોકારી અને બાકરોલ ગામની જમીન પર એઇમ્સની સ્થાપના માટે દિલ્હીથી પાંચ સભ્યોની એક ટીમ વર્ષ-૨૦૧૭ના અંતમાં આવી હતી આ પાંચ સભ્યોએ વડોદરાના વિવિધ વિભાગના અધિકારીઓ સાથે વિવિધ પાસાઓ અંગે ચર્ચા કરી હતી.

   વડોદરાને એઇમ્સ મળે તે માટે એક પ્રેઝન્ટેશન પણ રજુ કરાયુ હતું. વડોદરા જિલ્લામાં એઇમ્સની સ્થાપના માટેના છેલ્લા ઇન્સ્પેક્શન બાદ હવે જાહેરાતની રાહ જોવાઇ રહી છે.

(8:54 pm IST)
  • પ્રિયંકા ચોપડાએ ગીતાંજલિ બ્રાન્ડ જ્વેલરીની જાહેરાત માટે તેને પૈસાની ચુકવણી કરવામાં ન આવી હોવાના અને તે આ મામલે અબજોપતિ નિરવ મોદી વિરુદ્ધ કેસ કરવાની હોવાના વેહતા થયેલા મીડિયા એહવાલોને નકારી કાઢ્યા છે. જો કે પ્રિયંકાએ એમ પણ કહ્યું હતું કે તેણે ગીતાંજલિ સાથેનો કોન્ટ્રાકટ કેન્સલ કરી દેવાનો નિર્ણય લીધો છે. તે હવે આ બ્રાન્ડની જાહેરાતમાં નહિં દેખાય. આ પાછળ પ્રિયંકાએ નિરવ મોદી પર થયેલા છેતરપિંડીના આરોપોને જવાબદાર ગણાવ્યા હતા. access_time 11:51 pm IST

  • નેપાળની ઐતિહાસિક સંસદીય ચૂંટણીઓમાં ડાબેરી ગઠબંધનની મોટી જીત બાદ સીપીએન-યુએમએલના ચેરમેન કે.પી. શર્મા ઓલી (65 વર્ષ) ફરી એક વખત દેશના વડાપ્રધાન બન્યા છે. ગુરુવારે તેમણે બીજી વખત નેપાળના વડા પ્રધાન તરીકે શપથ લીધા હતા. ભારત સાથે રોટી - પુત્રીનો સંબંધ ધરાવનાર પાડોશી દેશ નેપાળના નવા વડાપ્રધાન ઓલીને ચાઇનાનાં સમર્થક માનવામાં આવે છે. access_time 1:50 am IST

  • પાટણ કલેક્ટર ઓફિસમાં જ દલિત યુવાન ભડભડ સળગી ઉઠ્યો : વર્ષો બાદ પણ જમીન ન મળતા આત્મવિલોપનનો કર્યો પ્રયાસ : પાટણમાં પોલિસ - ફાયર બ્રિગેડની હાજરીમાં જ દલિત યુવકે આત્મવિલોપનનો કર્યો પ્રયાસ : લોકોમાં મચી ગઈ નાસભાગ access_time 4:17 pm IST