Gujarati News

Gujarati News

News of Wednesday, 15th January 2020

અનોખો વિરોધ : NRC અને CAAના વિરોધમાં પતંગ ઉડાડયા

અમદાવાદ : શહેરમાં સીએએ, એનઆરસી અને એનપીઆરનો લોકો જાહેર રસ્તા પર વિરોધ ન કરી શકે તે માટે ૧૪૪મી કલમ લગાડવામાં આવી છે. આથી રસ્તા પર ધરણા, રેલી કે પ્રદર્શનો કરી શકાતા નથી. પરંતુ આકાશમાં ૧૪૪મી કલમ ન હોવાથી આ કાળા કાયદાનો વિરોધ કરવા વિવિધ સૂત્રો લખેલા પતંગ ઉડાડવામાં આવ્યા હતા. શાહઆલમ વિસ્તારમાં આવેલ તિરમિઝી હાઇટસના ધાબા પર ધારાસભ્ય ગ્યાસુદ્દીન શેખ, ધારાસભ્ય ઇમરાન ખેડાવાલા, મ્યુનિસિપલ વિપક્ષના નેતા દિનેશ શર્મા, મ્યુનિસિપલ વિપક્ષના પૂર્વ નેતા બદરૂદ્દીન શેખ, શહેર કોંગ્રેસ પ્રમુખ શશીકાંત પટેલ, મ્યુનિસિપલ કાઉન્સિલરો હાજીભાઇ મિર્ઝા, રૂકસાનાબેન ઘાંચી, એડવોકેટ ઇકબાલ શેખ, પ્રદેશ મહામંત્રી જુનેદ શેખ, દાણીલીમડા વોર્ડ પ્રમુખ ઝફર અજમેરી, બુરહાનુદ્દીન કાદરી સહિત મોટી સંખ્યામાં આગેવાનો અને કાર્યકરો ઉપસ્થિત રહ્યા હતા અને તેમણે સીએએનો એનઆરસી, હિંદુ - મુસ્લિમ ભાઇ ભાઇ સીએએ એનઆરસી બાય બાય જેવા સ્લોગન લખેલા પતંગો આકાશમાં ઉડાડી વિરોધ નોંધાવ્યો હતો.

(3:47 pm IST)
  • માઇકલ દેબબ્રત પાત્રા રિઝર્વ બેન્કના નવા ડેપ્યુટી ગવર્નર : પાત્રા ફુગાવા અને ઘટતા જીડીપી ગ્રોથ વચ્ચે મોનેટરી પોલીસી વિભાગ સંભાળશે access_time 4:08 pm IST

  • ભુજના બેન્ટોનાઈટ કંપનીના ડાયરેક્ટરને આરટીઆઇ દ્વારા પરેશાન કરી 3 લાખની માંગણી કરનાર યુવા આગેવાન મયુર મહેશ્વરી (રે.ટૂંડા.તા.માંડવી)ને જ્યુબિલી સર્કલ પાસે આવેલ પાંઉભાજીની રેસ્ટોરન્ટ ખાતે ૩ લાખની રકમ પૈકી ૫૦ હજાર રૂપિયા રોકડા લેતા ભુજ બી ડિવિઝન પોલીસે રંગે હાથ પકડ્યો છે access_time 11:04 pm IST

  • બીએસએફએ કહ્યું કે ગઇરાત્રે એલઓસીને અડીને આવેલા નૌગામ સેક્ટરમાં બીએસએફ કેમ્પમાં હિમપ્રપાત થયો,ત્યાં તૈનાત બીએસએફના 7 જવાનમાંથી 6ને સુરક્ષિત બચાવી લેવામાં આવ્યા હતા,ફસાયેલા એક બીએસએફ કોન્સ્ટેબલની શોધખોળ ચાલુ છે access_time 8:26 pm IST